Emerging Team Media Centre News

නැගීඑන කණ්ඩායම ‘කෙන්ට්’ පිලට එරෙහිව හෙට වැඩ අල්ලයි

සිව්දින තරග 3 කට සහ විස්සයි-20 තරග 3 කට සහභාගිවීම සඳහා එංගලන්තයට ගොස් සිටින ශ්‍රී ලංකා නැගී එන කණ්ඩායම සිය පළමු තරගය සඳහා හෙට (06 වැනිදා) දිනයේදී අවතීර්ණ වේ. එංගලන්ත ප්‍රාන්ත ක්‍රිකට් තරගාවලිය නියෝජනය කරනු ලබන  ප්‍රබල කණ්ඩායමක් වන කෙන්ට් පිලට එරෙහිව පැවැත්වෙන මෙම තරගය කැන්ටබරිහි ස්පිට්ෆයර් ක්‍රීඩාංගණයේදී ආරම්භ වේ.

මෙම තරගයට පෙර ශ්‍රී ලංකා කණ්ඩායම සාර්ථක දින දෙකක පුහුණු සැසිකයකට සහභාගිවූවේය. එම පුහුණුවීම් සැසි දෙක ක්‍රිකට් ක්‍රීඩාවේ උත්තරීතරම ක්‍රීඩාංගණය ලෙසින් සැලකෙන ලෝඩ්ස් ක්‍රීඩාංගණයේදී සහභාගිවූවේය. එම දින දෙකට අමතරව අද දිනයේදී ඔවුහු කෙන්ට්හිදී පුහුණු සැසියකට සහභාගිවූහ.

අදියර දෙකක් යටතේ පැවැත්වෙන මෙම තරගාවලියේ සිව්දින තරග නිපුන් ධනංජයගේ නායකත්වයෙන් යුතුවද විස්සයි-20 අංශයේ තරග ධනංජය ලක්ෂාන්ගේ නායකත්වය යටතේද සහභාගිවනු ඇත.

ශ්‍රී ලංකා නැගී එන කණ්ඩායම  ලසිත් කෲස්පුල්ලේ, නිශාන් මදුශ්ක, නිපුන් ධනංජය (නායක – සිව්දින අංශය), නුවනිඳු ප්‍රනාන්දු, අෂේන් බණ්ඩාර, අවිශ්ක තරිඳු, අවිශ්ක පෙරේරා, දුනිත් වෙල්ලාලගේ, ධනංජය ලක්ෂාන් (නායක – වි-20 අංශය), සංතුෂ් ගුණතිලක, යසිරු රුඳ්‍රගෝ, අම්ෂි ද සිල්වා, නිපුන් මාලිංග, උදිත් මදුශාන්, නිපුන් රන්සික, දිලුම් සුධීර, අෂෙයින් ඩැනියල්, මනෙල්කර් ද සිල්වා.

Related posts

Dasun Shanaka named as Sri Lanka T20I captain for West Indies tour

Web Admin

කොදෙව්වන් අන්ත පරාජයකට ඇද දමමින් ශ්‍රී ලංකා යෞවනයෝ අපරාජිත බව රැක ගනිති

Web Admin

‘ඇළහැර දැවැන්තයා’ ගාල්ල දිනවයි

Chamila Karawita