Emerging Team Media Centre News Sinhala Column

සරේ පිල පෙරමුණට

ලන්ඩනයේ ගිල්ෆර් ඩ්හි පැවත්වෙන ශ්‍රී ලංකා නැගී එන ක්‍රිකට් කණ්ඩායම සහ එංගලන්තයේ සරේ ප්‍රාන්ත ක්‍රිකට් කණ්ඩායම අතර සිව්දින තරගයේදී ශ්‍රී ලංකා කණ්ඩායම කඩුලු නවයකට රැස්කළ ලකුණු 372ට පිළිතුරු ලෙස සරේ ප්‍රාන්තය තෙවැනි දින තරගය නිමවනවිට කඩුලු හතක් දැවී ලකුණු 482ක් ලබා සිටියේය.

මේ වන විට සරේ කණ්ඩායම කඩුලු තුනක් ඉතිරිව  ශ්‍රී ලංකා ප්‍රථම ඉනිමට වඩා ලකුණු 110 ක් ඉදිරියෙන් පසුවේ.

 සරේ කණ්ඩායමේ මේ වනවිට පන්දුවට පහර දෙන්නේ අගපෙළ පිතිකරුවන් ය. ශ්‍රී ලංකා කණ්ඩායමේ සාර්ථක පන්දු යවන්නා වන්නේ ලකුණු 127කට කඩුලු හතරක් දවාලු ශ්‍රී ලංකා අවුරුදු 19න් පහළ නායක දුනිත් වෙල්ලාලගේ ය.

සරේ ප්‍රථම විකට්ටුවට ආරම්භක පිතිකරුවන් දෙදෙනා බෙන් ගෙඩිස් සහ රයන් පටෙල් යන ආරම්භක පිතිකරුවන් දෙදෙනා වාර් තා ගත ලකුණු 227ක් රැස්කළේ පන්දුවාර 65.5කදීය.මුලින්ම දැවී ගිය  පිතිකරුවා වූයේ පන්දු 199 කට මුහුණදී  හතරේ 12ක්සහ හයේ පහර හතරක් සමග ලකුණු 126ක්  ලබා සිටී රයන් පටෙල් ය. දුනිත් වෙල්ලාලගේ එවූ පන්දුවකට සංතූෂ් ගුණතිලක උඩපන්දුවක් රැක ගැනීමෙන් පටෙල් දැවීගියේ මුළු ලකුණු 227දීය.

මුළු ලකුණු සංඛ්‍යාවට තවත් ලකුණු  30ක් පමණක් එක්වද්දී අනෙක් ආරම්භක පිතිකරු බෙන් ගෙඩිස් (ලකුණු 104) නුවනිඳු ප්‍රනාන්දු එවූ පන්දුවකට ලසිත් කෘස්පුල්ලේට උඩ පන්දුවක් දීමෙන් දැවී ගියේ ය.ගෙඩිස් පන්දු 268කට මුහුණදී හතරේ පහර 11ක් සහ හයේ පහරක්ද එල්ල කළේය.

සවස තේ විවේකය වන විට සරේ කණ්ඩායම ශ්‍රී ලංකා ප්‍රථම ඉනිමේ ලකුණු 372 පසුකළේ කඩුලු තුනකට ලකුණු 375ක් රැස් කරමිනි.

 සරේ කණ්ඩායමේ තෙවන කඩුල්ල ලෙස ජේම්ස් ස්මීත් තරුණ ද පන්දු යවන්නා දුනිත් වෙල්ලාලගේ එවූ පන්දුවකට අතිරේක ක්‍රීඩකයාට උඩපන්දුවක් දීමෙන් දැවී ගියේ ලකුණු 45ක් ලබා සිටියදීය. ඒ වන විට දැවීගිය පිතිකරුවන් තිදෙනාගෙන් දෙදෙනෙකුම දවාලූවේ 19 හැවිරිදි දුනිත් වෙල්ලාගේය.

ශ්‍රී ලංකා නැගී එන කණ්ඩායම ප්‍රථම ඉනිම කඩුලු 9ට 372 යි ( පන්දුවාර 102)  – නිපුන් ධනංජය නොදැවී 150 අවිශ්ක තරිදු 48,දුනිත් වෙල්ලාලගේ 46 ලසිත්  කෘස්පුල්ලේ  32 යසිරු  රුද්‍රිගෝ 17 ,ටොම් ලෝව්ස් 34/3,අමර් විර් දි 67/3

සරේ ප්‍රථම ඉනිම  කඩුලු 7ට කට ලකුණු 482 යි  – රයන් පටෙල් 126, බෙන් ගෙඩිස් 104,ගුස් ඇට්කින්සන් 91, නිකෝ රයිෆර් 68,දුනිත් වෙල්ලාලගේ 127/4, නුවනිඳු ප්‍රනාන්දු 78/2

Related posts

Sri Lanka tour of Bangladesh 2021 | ODI Series

Web Admin

තියුණු තරගයකින් පසු ලන්කන්ට ජය

Chamila Karawita

“මේ තරගය දින්නේ ක්ලබ් තරගාවලිය නිසා” – වනිඳු හසරංග

Web Admin