Australia tour of Sri Lanka 2022 Featured Media Centre News

ඔස්ට්‍රේලියානුවන්ගෙන් ලකුණු 292 ක ඉලක්කයක්

By Chamila Karawita

ඔස්ට්‍රේලියානු කණ්ඩායම මට්ටු කිරීම සදහා ශ්‍රී ලංකා නායකයා පන්දු යවන්නන් 7 දෙනෙකුගේ සහාය ලබා ගත්තද ‘ඒ’ කණ්ඩායමේ සිට ජාතික කණ්ඩායමට උසස්වීමක් ලද ට්‍රේවිස් හෙඩ්ව නවතාලීමට ශ්‍රී ලංකා පන්දු යවන්නන්ට නොහැකිවීම නිසා කොළඹ ආර්. ප්‍රේමදාස ක්‍රීඩාංගණයේ පැවැත්වෙන තෙවැනි එක්දින තරගයේදී පළමුව පන්දුවට පහර දුන් ඔස්ට්‍රේලියානු පිල ලකුණු 292 ක ඉලක්කයක් ශ්‍රී ලංකාව හමුවේ තැබීමට අද (19 දා) පස්වරුවේ සමත්විය.

මන්දගාමී වූත් වැඩි දඟ කැවීමකින් යුත් ප්‍රේමදාස තණතීරුවේදී ලකුණු 121 ක් ඇතුළත ඉදිරි පෙළ පිතිකරුවන් සිව් දෙනෙකු දැවී ගොස් සිටියදී පස්වැනි කඩුල්ල වෙනුවෙන් ඇලෙක්ස් කේරිට එක්වූ ට්‍රෙවිස් හෙඩ් පන්දු 80 කදී ගොඩනංවන ලද ලකුණු 72 ක සම්බන්ධතාව ඔස්ට්‍රෙලියානු පිලට ලකුනු 300 සීමාව ආසන්නයට යෑමට ප්‍රධාන අඩිතාලම බවට පත්විය.

ජෙෆ්රි වැන්ඩර්සි ප්‍රමුඛ ශ්‍රී ලංකා දඟ පන්දු යවන්නන් හමුවේ ඔස්ට්‍රෙලියානු ඉදිරි පෙළ පිතිකරුවන් අසීරුතාවයෙන් මුහුණ දෙද්දී ට්‍රෙවිස් හෙඩ් නොසැළී සිය අන්තය ආරක්ෂා කර ගත්තා පමණක් නොව 6 වැනි සහ 7 වැනි කඩුලු වෙනුවෙන් සාර්ථක සම්බන්ධතා එක් කරමින් ආර්. ප්‍රේමදාස ක්‍රීඩාංගණයේදී ඔස්ට්‍රෙලියානු කණ්ඩායමක් රැස් කරන ලද ඉහළම ලකුණු සංඛ්‍යාව කරා සිය කණ්ඩායම රැගෙන යෑමට සමත්වූහ. අද තරගයට පෙර තරග කොළඹ ආර්. ප්‍රේමදාස ක්‍රීඩාංගණයේදී එක්දින තරග 17 කට සහභාගිව ඇති ඔස්ට්‍රෙලියානුවෝ රැස් කර ඇති ඉහළම කුණු සංඛ්‍යාව වූයේ 1996 වසරේදී සිම්බාබ්වේ පිලට එරෙහිව කඩුලු 7 ක් දැවී රැස් කරන ලද ලකුණු 263 විය.

පිටියට ආ විගසම වෙල්ලාලගේ පන්දුවකට උඩ පන්දුවක් ලබා දුන්නද එය ධනංජය ද සිල්වාගේ අතින් ගිලිහී යෑමෙන් තවදුරටත් පිටියේ රැඳී සිටීමට වරම් ලබාගත් මැක්ස්වෙල් පන්දු 18 කදී ලකුණු 33 ක් රැස් කළේය. වෙල්ලාගේ අති විශිෂ්ඨ උඩ පන්දු රැකීමත් සමඟ පිටියෙන් ඉවත් වන විටත් හය වැනි කඩුල්ල වෙනුවෙන් පන්දු 27 කදී වේගවත් ලකුණු 40 ක් එක් කිරීමට මැක්ස්වෙල් දායකත්වය ලබා දුන්නේය.

වඩාත් කැපී පෙනෙන පන්දු යැවීමක නිරත වූ ජෙෆ්රි වැන්ඩර්සිගේ මැක්ස්වෙල්ගේ කඩුල්ලත් සමඟ සිය පන්දුවාර 10 දී ලකුණු 49 කට කඩුලු 3 ක් වශයෙන් අහවර කරගත්තේය. මැක්ස්වෙල්ගේ කඩුල්ලට අමතරව තමා යන වල පන්දු 8 ක් ඇතුළත දවාගත් මානස් ලබුෂේන් (29( සහ නායක ඇරන් ෆින්ච් (62) කඩුල්ද ඇතුළත් විය.

මැක්ස්වෙල්ගේ පිටවීමත් සමඟ කැමරන් ග්‍රීන්ට එක්වූ ට්‍රවිස් හෙඩ් පන්දු 33 කදී වේගවත් ලකුණු 58 ක් එක් කළේ අඩු ලකුණු සංඛ්‍යාවකට ඔස්ට්‍රේලියානුවන් සීමා කිරීමට ශ්‍රී ලංකාව තබා තිබූ සියලු බලාපොරොත්තු සුළඟේ පා කර හරිමිනි. පළමු පන්දුවාර 40 අවසන් වන විට ලකුණු 193 ක්ව තිබූ ලකුණු පුවරුවට අවසන් පන්දු 60 දී ලකුණු 98 ක්  එක් කිරීමට මොවුන් තිදෙනාගේ අනුකම්පා විරහිත පිතිහරඹයට හැකි විය.

හෙඩ්ට අමතරව ඔස්ට්‍රේලියානු ඉනිම වර්ණවත් කළ අනෙක් පිතිකරුවා වූයේ කඩුලු රකින ඇලෙක්ස් කේරිය. ඔහු  පන්දු 52 කදී අර්ධ ශතකය පෙනී පෙනී දැවී ගියේ ධනංය ද සිල්වාගේ පන්දුවකට කඩුල්ල මුවා කිරීමේ වරදහකට හසුවීමෙනි. පන්දු යැවීමට පැමිණි මුල් පන්දුවාර කීපයේදී ඉතාමත් හොඳින් පන්දු යැවීමේ නිරතවුවද අර්ධ ශතකය වාර්තා කිරීම වෙනුවෙන් හෙඩ් එල්ල කරන ලද හයේ පහරත් සමඟ වෙල්ලාගේ දැඩි ප්‍රහාරයකට ලක්වූයේය. පළමු පන්දුවාර 9 ලකුණු 35 ට සීමා කළ තිබූ වෙල්ලාලගේගේ අවසන් පන්දුවාරයට හයේ පහර 3 ක් සමඟ ලකුණු 21 ක් රැස් කිරීමට ට්‍රෙවිස් හෙඩ් සමත්වීම නිසා ඔහුගේ පන්දු යැවීම පන්දුවාර 10 කදී ලකුණු 56 කට එක් කඩුල්ලක් ලෙසින් ‌ඉහළ ගියේය.

Related posts

Mahela Jayawardene as Consultant huge boost for Sri Lanka Cricket

Web Admin

ICC T20 World Cup | Live Audio Commentary

Web Admin

ශ්‍රී ලංකාවට එරෙහි දකුණු අප්‍රිකානු පිල නම් කරයි

Chamila Karawita