Featured Media Centre News Womens Cricket

කාන්තා තරගාවලිය නොමිලේ නැරඹීමට ක්‍රීඩා ලෝලීන්ට අවස්ථාව

ඉන්දීය කාන්තා ක්‍රිකට් කණ්ඩායමට එරෙහිව රංගිරි දඹුලු ජාත්‍යන්තර ක්‍රීඩාංගණයේදී අද (23 දා) ඇරැඹි තරග 3 කින් සමන්විත විස්සයි-20 ක්‍රිකට් තරගාවලිය නොමිලේ නැරඹීමට ක්‍රීඩා ලෝලීන්ට අවස්ථාව සලසා දීමට ශ්‍රී ලංකා ක්‍රිකට් ආයතනය කටයුතු යොදා තිබේ.

ප.ව. 2.00 ට ආරම්භ වන දෙරට අතර පළමු විස්සයි-20 තරගය නැරඹීමට කැමැති ක්‍රීඩා ලෝලීන් ප්‍රධාන මාර්ගය හරහා වන ප්‍රධාන දොරටුවෙන් ක්‍රීඩාංගණයට ඇතුළුවීමට අවස්ථාව උදාවී තිබේ.

තරග 3 කින් සමන්විත විස්සයි-20 තරගාවලිය රංගිරි දඹුලු ක්‍රීඩාංගණයේ පැවැත්වෙන අතර අනතුරුව පල්ලකැලේ ජාත්‍යන්තර ක්‍රීඩාංගණයේ ආරම්භ වන තරග 3 කින් සමන්විත එක්දින තරගාවලිය ද නොමිලේ  නැරඹීමේ අවස්ථාව ප්‍රේක්ෂකයින්ට උදාවනු ඇත.

දෙවැනි විස්සයි-20 තරගය ජුනි 25 වැනිදාත් තෙවැන්න ජුනි 27 වැනිදාත් පැවැත්වීමෙන් අනතුරුව ජූලි පළමු වැනිදා එක්දින තරගාවලිය පල්ලකැලේදී ආරම්භ වනු ඇත. එම දෙවැනි තරගය ජූලි 04 සහ අවසන් එක්දින තරගය ජූලි 07 වැනිදා පල්ලකැලේ ක්‍රීඩාංගණයේ පැවැත්වෙනු ඇත.

Related posts

Sri Lanka’s tour of India 2020 – Match Schedule

Web Admin

Sri Lanka T20I squad for India tour 2022

Web Admin

අපරාජිතයෝ තීරණය කෙරෙන තරගයේ වනිඳුලා පන්දු යවයි

Chamila Karawita