Australia tour of Sri Lanka 2022 Featured Media Centre News

තෙවැනි තරගයටත් වනිඳුගේ සහභාගිත්වය අවිනිශ්චිතයි

ශ්‍රී ලංකා පිලේ පා දඟපන්දු යවන තුන් ඉරියව් ක්‍රීඩක වනිදු හසරංගගේ ආබාධිත තත්ත්වය පිළිබඳව කණ්ඩායමේ වෛද්‍ය අංශයේ වැඩි අවධානයක් යොමු කර තිබේ.

පළමු එක්දින තරගයේදී පන්දු රකිමින් සිටියදී පාදයේ මස් පිඩුවල ආබාධයකට ලක්වූ වනිඳු හසරංගට පල්ලකැලේ පැවැති දෙවැනි එක්දින තරගයට ක්‍රීඩා කිරීමට නොහැකි විය. එහෙත් එම තරගය ශ්‍රී ලංකාව ජයග්‍රහණය කිරීමට සමත්වීම කැපී පෙනුණි.

හසරංග පළමු එක්දින තරගයේ දී පන්දු 19 කින් වේගවත් ලකුණු 37ක් වාර්තා කිරීමට සමත් වූ අතර පන්දු යැවීමේ දී ලකුණු 58 කට කඩුලු 4ක් දවා ගැනීමට ද සමත්වූවේය.

මේ වන විට කණ්ඩායම් දෙකම 1-1ක් ලෙස තරගාවලියේ සම මට්ටමේ පසුවෙන අතර දෙරට අතර පැවැත්වෙන තෙවැනි එක්දින තරගය හෙට (19) කොළඹ ආර්. ප්‍රේමදාස ජාත්‍යන්තර ක්‍රීඩාංගණයේ දී දිවා/රාත්‍රි තරගයක් ලෙස ප.ව. 2.30 ⁣ට ආරම්භ වේ.

Related posts

කණ්ඩායම් හතරකට ජය

Chamila Karawita

තෙවැනි දිනය වැස්සට දියවෙයි

Chamila Karawita

මෙන්ඩිස් සහ මැතිව්ස් පරතරය 63 ට අඩු කරති

Chamila Karawita