Featured Media Centre News Pakistan tour of Sri Lanka 2022

වසර 5 කට පසු ආර්. ප්‍රේමදාස ක්‍රීඩාංගණයට ටෙස්ට් තරගයක්

ලෝක ටෙස්ට් ශූරතාවලිය යටතේ පැවැත්වෙන ටෙස්ට් තරගාවලියකට සහභාගිවීම සඳහා පාකිස්තානු කණ්ඩායම ජුලි මාසයේදී ශ්‍රී ලංකාවට පැමිණෙනු ඇත. තරග 2 කින් සමන්විත දෙරට අතර ටෙස්ට් තරගාවලිය ගාල්ල සහ කොළඹ ප්‍රේමදාස යන ක්‍රීඩාංගණවලදී පැවැත්වේ.

පාකිස්තානු කණ්ඩායමක් ශ්‍රී ලංකාවේ තරග සංචාරයකට සහභාගිවනු ලබන්නේ වසර 7 කට පසුව වීම කැපී පෙනෙයි. තරගාවලියට සහභාගිවන පාකිස්තානු කණ්ඩායම ජුලි 06 වැනිදා ශ්‍රී ලංකාවට පැමිණෙන අතර පළමු තරගයට ජුලි 11 වැනිදා ආරම්භ වනු ඇත.

ටෙස්ට් තරගාවලිය ආරම්භ වීමට පෙර පාකිස්තානු කණ්ඩායම තුන් දින පුහුණු තරගයකට සහබාගිවීමට නියමිත අතර එම තරගය ජුලි 11 වැනිදා සිට 13 වැනිදා දක්වා කොළඹ කෝල්ට්ස් ක්‍රීඩාංගණයේදී පැවැත්වේ.

ජූලි 24 වැනිදා ආරම්භ වන දෙවැනි ටෙස්ට් තරගය කොළඹ ආර්. ප්‍රේමදාස ක්‍රීඩාංගණයේ ආරම්භ වේ. ඒ අනුව ආර්. ප්‍රේමදාස ක්‍රීඩාංගණයේදී ටෙස්ට් තරගයක් පවත්වනු ලබන්නේ වසර 5 කට පසුව වීම කැපී පෙනෙයි. අවසන් වරට මෙහි ටෙස්ට් තරගයක් පවත්වා ඇත්තේ 2017 වසරේ ජූලි මසදී පැවැති සිම්බාබ්වේ පිලට එරෙහි තරගය වේ.

මෙම තරගාවලිය සදහා බාබර් අසාම්ගේ නායකත්වයෙන් යුතු 18 දෙනෙකුගේ සමන්විත කණ්ඩායමක් පාකිස්තානු ක්‍රිකට් ආයතනය ප්‍රකාශයට පත් කර තිබේ. ශ්‍රී ලංකා තණතීරු වලදී වැඩි වාසි ලබා ගැනීමේ අරමුණු ඇතිව වසරකට පමණ පාසු යසීර් ෂාව කණ්ඩායමට කැඳවා තිබීම කැපී පෙනෙයි. ෂා 2015 වසරේ පැවැති තරගාවලියේදී තරග 3 ක් තුළ කඩුලු 24 ක් දවා ගනිමින් පාකිස්තානු කණ්ඩායම 2-0 ක තරගාවලි ජයක් කරා රැගෙන යෑමට මුල් විය.

පාකිස්තානු කණ්ඩායම – බාබර් අසාම් (නායක), මොහොමඩ් රිස්වාන්, අබ්දුල්ලා ශෆික්, අසාර් අලී, ෆහීම් අෂ්රෆ්, ෆාවඩ් අලාම්, හැරිස් රාවුෆ්, හසන් අලී, ඉමාම් උල් හක්, මොහොමඩ් නවාස්, නසීම් ෂා, නවුමන් අලී, සල්මන් අගා, සෆ්‍රාස් අහමඩ්, සෙසවුද් ශකීල්, ෂහීන් අෆ්රිඩි, ෂාන් මසූඩ්, යසීර් ෂා.

Related posts

විස්සයි 20 සමාරම්භයේදී ග්‍රේස් – රෙඩ්ස් ජය ලබති

Chamila Karawita

Angelo Mathews available for selections for the upcoming tours

Web Admin

ටෙස්ට් තරගාවලියට වැන්ඩර්සිව කැඳවයි

Chamila Karawita