Featured Media Centre News Pakistan tour of Sri Lanka 2022

ටෙස්ට් 100 ක් ගහපු 6 වැන්නා වෙන මැතිව්ස්ට තරගයට පෙර ‘උපහාරයක්’

හෙට දිනයේදී තම 100 වැනි ටෙස්ට් තරගයට සහභාගිවන ඇන්ජලෝ මැතිව්ස්ට උපහාර දැක්වීම වෙනුවෙන් ශ්‍රී ලංකා ක්‍රිකට් ආයතනය විසින්, උපහාර දැක්වීමේ උත්සවයක් සංවිධානය කර තිබේ. පාකිස්තානයට එරෙහිව හෙට ආරම්භ වන දෙවැනි ටෙස්ට් තරගයේ ආරම්භයට පෙර ගාල්ල ජාත්‍යන්තර ක්‍රීඩාංගණයේදී මෙම උපහාර උත්සවය පැවැත්වෙනු ඇත.

ශ්‍රී ලංකාව ‌වෙනුවෙන් ටෙස්ට් තරග 100 කට ක්‍රීඩා කරන ලද 6 වැනි ක්‍රීඩකයා ලෙසින් හෙට දිනයේදී ඉතිහාසගත වන ඇන්ජලෝ මැතිව්ස්ට විශේෂ සැලකිල්ලක් දක්වමින් මෙම චාම් උත්සවය, ශ්‍රී ලංකා ක්‍රිකට් විසින් සංවිධානය කරනු ඇත.

මෙම අවස්ථාව සදහා ශ්‍රී ලංකා ක්‍රිකට් ආයතනයේ ජාත්‍යන්තර ක්‍රිකට් අංශය පිළිබද ප්‍රධානී උප සභාපති ආචාර්ය ජයන්ත ධර්මදාස මහතා සහ හිටපු වේග පන්දු යවන ක්‍රීඩක චමින්ද වාස් මහතා මෙම අවස්ථාවට විශේෂ ආරාධිතයින් ලෙස සහභාගිවේ. ඊට අමතරව දෙපිළේ ක්‍රීඩකයින් සහ ඇන්ජලෝ මැතිව්ස්ගේ පවුලේ උදවිය ද මෙම උත්සවය සදහා සහභාගිවීමට නියමිතව තිබේ.

Related posts

තරගයක් තිබියදී නවසීලන්තය විස්සයි-20 ජය ගනියි

Web Admin

LPL will usher in new chapter in SL cricket to building very strong national team – Anura Tennekoon

Web Admin

පිතිකරුවන්ගේ දුර්වලතාව නිසා ශ්‍රී ලංකාව පියවරක් පිටුපසට එයි

Chamila Karawita