Featured major Club Limited Over Media Centre News

සී.සී.සී. පරදා ටැමිල් යුනියන් අවසන් සටනට

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ ප්‍රධානතම ක්‍රිකට් තරගාවලියේ පළමු අවසන් පූර්ව තරගයේදී ප්‍රබල සී.සී.සී. පිල ලකුණු 16 කින් පරාජයට පත් කළ ටැමිල් යුනියන් කණ්ඩායම අදාළ අවසන් මහ තරගයට සුදුසුකම් ලබා ගැනීමට අද (31 දා) පස්වරුවේ සමත්විය. ඒ අනුව අගෝස්තු 02 වැනිදා යුදහමුදා  පිලට එරෙහිව පැවැත්වෙන අවසන් මහ තරගයේ ප්‍රතිවාදීන් බවට ටැමිල් යුනියන් කණ්ඩායම පත්ව සිටියි.

එස්.එස්.සී. පිටියේ පැවැති මෙම තරගයේදී පළමු පන්දුවට පහර දුන් ටැමිල් යුනියන් පිල පන්දුවාර 48.4 කදී ලකුණු 238 කට දැවී ගියද එය හඹා යෑමේදී සී.සී.සී. පිලට පන්දුවාර 50 අවසනදී කඩුලු 9 ක් දැවී රැස් කරගත හැකි වූයේ ලකුණු 222 ක් පමණි.

ඉදිරි‌ පෙළ පිතිකරුවන්ගේ සහයෝගය අවම වුණු සී. සී. සී. ඉනිමේදී පසුපෙළින් සටන්කාමී ඉනිමක් දියත් කළ ලක්ෂාන් සඳකැන් පන්දු 72 කදී නොදැවී ලකුණු 62 ක් ලබා ගැනීමට සමත් වුවත් එය සී.සී.සී. ජයග්‍රහණය සඳහා ප්‍රමාණවත් නොවීය. හයේ පහරක් සහ හතරේ පහර 7 කින් සමන්විත වුනු සඳකැන්ගේ ඉනිම, සී.සී.සී. ඉනිමේ වැඩිම ලකුණු ලාභී පිතිකරුවා බවට පත් කළේය. මෙය සදකැන්ගේ පළමු පළමු පෙළ අර්ධ ශතකය ලෙසින් සටහන් විය.

සදකැන්ට අමතරව මිනෝද් භානුක පන්දු 46 කදී ලකුණු 43 ක් ද පවන් රත්නායක ලකුණු 39 ක්ද රැස් කළහ. පන්දු යැවීමේදී ප්‍රමෝද් මදුශාන් ලකුණු 51 කට කඩුලු 4 ක් බිද හෙළද්දී ඉසුරු උදාන සහ දිලුම් සුදීර කඩුලු 3 බැගින් බිඳ හෙළූහ.

ජයග්‍රාහී ටැමිල් යුනියන් පිල වෙනුවෙන් නායකත්වයේ ඉනිමක් දියත් කළ සධීර සමරවීක්‍රම ලකුණු 74 ක් ලබා ඉනිමේ වැඩිම ලකුනු ලාභියා බවට පත්වූවේය. පන්දු 82 කදී වාර්තා වුණු සදීරගේ ඉනිම හතරේ පහර 8 කින් සමන්විත විය. කඩුලු අතර දිව යෑමේදී සදීර ‌දැවී නොයන්නට මීට වඩා ලකුණු සංඛ්‍යාවක් කරා යෑමේ හොද ඉඩ කඩක් ටැමිල් යුනියන් නායකයා සතු විය.

ඔහුට අමතරව ආරම්භක පිතිකරු රොන් චන්ද්‍රගුප්ත (48), ධනංජය ද සිල්වා (45) අර්ධ ශතක ආසන්නයට පැමිණ දැවී ගියහ. පන්දු යැවීමේදී වනිඳු හසරංග ලකුණු 37 ක් ඇතුළත කඩුලු  4 ක් බිඳ හෙළීය. ඔහුට අමතරව අශාන් ප්‍රියන්ජන් ලකුණු 47 කට කඩුලු 2 ක් බිද හෙළීය.

ටැමිල් යුනියන් පන්දුවාර 48.4 කදී සියලු දෙනා දැවී ලකුණු 238 යි – රොන් චන්ද්‍රගුප්ත 48, ඩිල්රුවන් පෙරෛ්රා 11, සදීර සමරවික්‍රම 74, ධනංජය ද සිල්වා 45, නවෝද් පරණවිතාන 38, සංතුෂ් ගුණතිලක 12*, වනිදු හසරංග 37/4, අශාන් ප්‍රියන්ජන් 47/2

සී.සී.සී. පන්දුවාර 50 කදී කඩුලු 9 ට ලකුණු 222 යි – ලක්ෂාන් සදකැන් 62*, මිනෝද් භානුක 43, කමිදු මෙන්ඩිස් 16, අශාන් ප්‍රියන්ජන් 25, පවන් රත්නායක 39, මාලින්ද පුෂ්පකුමාර 12, අසිත ප්‍රනාන්දු 11, ප්‍රමෝද් මදුහාන් 51/4, දිලුම් සුදීර 40/2, ඉසුරු උදාන 51/2

Related posts

නැගී එන කණ්ඩායම් අතර තරගාවලිය හෙට ඇරඹෙයි

Chamila Karawita

SLC appoints 3-member investigation panel to inquire into the alleged incident involving Danushka Gunathilaka

Web Admin

ලංකාව දුන් පහසුකම් ගැන බංග්ලාදේශ නායකයාගෙන් වර්ණනාවක්

Web Admin