Featured LPL Media Centre News

LPL තෙවැන්නේ තරග 14 ක් කොළඹ – ඉතිරි තරග හම්බන්තොටදී

By Chamila Karawita

ශ්‍රී ලංකා ක්‍රිකට් ආයතනය විසින් තෙවැනි වතාවටත් අභිමානවත්ව පවත්වු ලබන ලංකා ප්‍රිමියර් ලීග් 2022 ක්‍රිකට් තරගාවලිය අගෝස්තු මස 01 වැනිදා ගියව ශූරයින් සහ අනුශූරයින් වන ජැෆ්නා කිංග්ස් සහ ගෝල් ග්ලැඩියේටර්ස් අතර තරගයෙන් ආරම්භ වේ. දිවා තරගයක් ලෙසින් කොළඹ ආර්. ප්‍රේමදාස ක්‍රීඩාංගණයේදී ප.ව. 3.00 ට ආරම්භ වන මෙම තරගයෙන් අනතුරුව කලම්බු කිංග්ස් සහ කැන්ඩි ෆැල්කන්ස් අතර තරගය ප.ව. 7.30 ට ආරම්භ වනු ඇත.

ඉකුත් වර තරගාවලිය මෙන්ම මෙවර තරගාවලියද සමස්ථ තරග 24 කින් සමන්විත වන අතර කොළඹ ආර්. ප්‍රේමදාස සහ හම්බන්තොට මහින්ද රාජපක්ෂ යන ක්‍රීඩාංගණවලදී සියලුම තරග පැවැත්වේ. මූලික වටයේ තරග 14 ක් කොළඹදීද අනෙක් තරග 6 හම්බන්තොටදීද පැවැත්වෙනු ඇත. මූලික තරග වලින් අනතුරුව අගෝස්තු 17 වැනිදා ආරම්භ වන කඩඉම් වටයේ තරග 3 සහ අවසන් මහ තරගය හම්බන්තොට මහින්ද රාජපක්ෂ ක්‍රීඩාංගණයේදීම පැවැත්වීමට කටයුතු යොදා තිබේ. අවසන් මහ තරගය අගෝස්තු මස 21 වැනිදා හම්බන්තොට මහින්ද රාජපක්ෂ ක්‍රීඩාංගණයේදී ප.ව. 7.30 ට ආරම්භ වේ.

දෙවැනි තරගාවලියේ පරිදිම අවසන් කණ්ඩායම් 4 අතර තරග වටයට පිළිමළුන් පිටු දැකීමේ තරගයකට (Eliminator) අමතරව අවසන් මහ තරගයට සුදුසුකම් ලැබීම සඳහා තවත් සුදුසුකම් ලැබීමේ තරගයකට  ක්‍රීඩා කිරීමට කණ්ඩායම්වලට අවස්ථාව සලසා දීම තිබේ. මූලික වටයේ වැඩි දක්ෂතාවන් දක්වනු ලබන කණ්ඩායම්වලට අවසන් පූර්ව තරග වලදී සිදුවිය හැකි අසාධාරණය අවම කිරීම වෙනුවෙන් මෙම ක්‍රමය භාවිතා කරනු ලබයි.

ඒ අනුව ප්‍රසාද ලකුණු සටහනේ ඉදිරියෙන් පසුවන කණ්ඩායම් දෙක අතර පැවැත්වෙන සුදුසුකම් ලැබීමේ පළමු තරගයෙන් (Qualifier 1) ජයගනු ලබන කණ්ඩායම සෘජුවම අවසන් මහ තරගයට සුදුසුකම් ලබන නමුත් පරාජිතයින්ට තවත් වරක් අවසන් මහ තරගයට සුදුසුකම් ලැබීමට අවස්ථාවක් නිර්මාණය කර දීම මෙම ක්‍රමය හරහා සිදුකෙරේ. ඒ අනුව පළමු සුදුසුකම් ලැබීමේ තරගයෙන් (Qualifier 1) පරාජයට පත්වන කණ්ඩායමට නැවතත් අවසන් මහ තරග අවස්ථාව දිනා ගැනීමට නම් පිළිමළුන් පිටු දැකීමේ තරගයට හෙවත් Eliminator තරගයෙන් ජය ගනු ලබන කණ්ඩායමට එරෙහිව ජය වාර්තා කළ යුතු වනු ඇත.

ජැෆ්නා කිංග්ස් කණ්ඩායම තිසර පෙරේරා විසින්ද, ගෝල් ග්ලැඩියේටර්ස් පිල කුසල් මෙන්ඩිස් විසින්ද, කැන්ඩි ෆැල්කන්ස් පිල වනිඳු හසරංග විසින්ද, දඹුල්ල ජයන්ට්ස් දසුන් ශානක විසින්ද සහ කලම්බු කිංග්ස් ඇන්ජලෝ මැතිව්ස් විසින්ද නායකත්වය දරනු ඇත.

Related posts

Major Club League Tournament Postponed

Web Admin

පළමු දිනයේදීම රමේෂ් මෙන්ඩිස්ගෙන් ද්විත්ව ශතකයක්

Web Admin

දිමුත් සහ කුසල් ශ්‍රී ලංකාව අවධානමෙන් මුදවා ගනිති

Chamila Karawita