Featured Media Centre News Under 17

අපරාජිත කොළඹ උතුර, පළාත් අභිනව ශූරයෝ වෙති

ශ්‍රී ලංකා ක්‍රිකට් ආයතනයේ මෙහෙයවීමෙන් පළමු වතාවට පවත්වන ලද වයස අවුරුදු 17 න් පහළ සුපිරි පළාත් ලීග් ක්‍රිකට් තරගාවලියේ අභිනව ශූරයින් ලෙසින් කිරුළු පැඳීමට කවිඳු අමමෙත්ගේ නායකත්වයෙන් යුතු කොළඹ උතුරු කණ්ඩායම අද (29 දා) පස්වරුවේ සමත්වූවේය.

රංගිරි දඹුලු ජාත්‍යන්තර ක්‍රිකට් ක්‍රීඩාංගණයේ පැවැති මෙම තරගයේදී පළමු පන්දුවට පහර දුන් කොළඹ උතුර කණ්ඩායම පන්දුවාර 50 අවසනදී ලකුණු 283 ක් ලබා ගැනීමට සමත්වූවේය. එය හඹා යෑමේදී තියුණු පිතිකරණයක නියැලුණු මහනුවර පිතිකරුවන්ට පන්දුවාර 48 කුත් පන්දු 3 ක් අවසනදී රැස් කර ගත හැකි වූයේ ලකුණු 264 ක් පමණි. ඒ අනුව මෙම තරගයෙන් ලකුණු 19 ක ජයක් වාර්තා කොළඹ උතුරු කණ්ඩායම ශූරතා කුසලාන සමඟ මුදලින් රුපියල් ලක්ෂ 3 ක ජය මල්ලටද හිමිකම් කීය.

හඹා යෑමේදී ආරම්භක පිතිකරු සුපුන් වඩුගේ පන්දු 128 කදී ලකුණු 93 ක් ලබා ගත්තද එය කොළඹ උතුරු කණ්ඩායමේ ජයග්‍රහණය වළකාලීමට ප්‍රමාණවත් නොවීය. මැද පෙළින් පැමිණි තිසර ඒකනායක, සහ වතිල උදාර ලකුණු 30 සීමාව ඉක්මවාලූවත් පිටිය තුළ ස්ථාවරත්වයක් ගොඩ නගා ගැනීමට ජයග්‍රාහී පන්දු ය වන්නෝ අවස්ථාවක් ලබා නොදුන්හ.

ලකුණු 60 ක් ඇතුළත පළමු කඩුලු 4ම බිද වෑටී අසීරු තත්ත්වයකට පත්ව සිටියදී පස්වැනි කඩුල්ලට එක් වුණු කවිඳු අමමෙත් සහ සමිදු මදුරංග පන්දු 86 කදී ලකුණු 91 ක සම්බන්ධතාවක් පවත්වමින් ලකුණු 300 කට ආසන්න ලකුණු සංඛ්‍යාවකට මූලික අඩිතාලම එක් කළහ.

එහිදී කැපී පෙනුණු අාරම්භක පිතිකරු කවිඳු අමමතේ පන්දු 100 කදී ලකුණු 82 ක් ලබා ගත්තේය. එක් හතරේ පහරක් සහ හයේ පහර 3 ක් සිය ඉනිමට ඇතුළත් කරගත් වමත් පිතිකරුවා මුලු ලකුණු සංඛ්‍යාව 151 ක්ව තිබියදී පිටියෙන් ඉවත් කිරීමට අකිල වික්‍රමසිංහ සමත්වූවේය.

ආරම්භයේදී කොළඹ උතුරු කණ්ඩායමට දැඩි පීඩනයක් නතු කිරීමට මහනුවර පන්දු යවන්නන් සමත් වුවත් පීඩනය අතරින් පිතිකරුවන් ලකුණු රැස් කිරීම කැපී පෙනිණ. මැද පෙළින් පන්දුවට පහර දීමට පැමිණි සමිදු මදුරංග සහ කූජන පෙරේරා ලකුණු පුවරුව වේගවත් කෙරුවේ පිළිවෙළින් පන්දු 63 කදී ලකුණු 50 ක් සහ පන්දු 35 කදී ලකුණු 48 ක් ලබා ගනිමිනි. අංක 8 පිතිකරණ ස්ථානයෙන් පැමිණි හිරාන් ජයසුන්දර පන්දු 23 කදී රැස් කරන ලද ලකුණු 29 ද ප්‍රතිවාදීන්ට අභියෝගාත්මක ඉලක්කයක් ලබා දීමට වටිනා කමක් එක් කරන්නක් විය.

පන්දු යැවීමේදී ෂෙෂාන් යෂෝන් ලකුණු 40 කට කඩුලු 4 ක් දවා ගනිද්දී නිසල් අබේරත්න, අකිල වික්‍රමසිංහ, සහ මනුල කුලරත්න කඩුලු 2 බැගින් දවාලූහ.

ජය සංකේත ප්‍රධානය ශ්‍රී ලංකා ක්‍රිකට් ආයතනයේ සංවර්ධන ප්‍රධානී චින්තක එදිරිමාන්න සහ සහ අධි කාර්යය සාධන මධ්‍යස්ථානයේ ප්‍රධානි ටිම් මැක්කැස්කිල් මහත්වරුන්ගේ ප්‍රධාන්තවයෙන් පැවැතිවිණ. ශූරතාව දිනූ කොළඹ උතුරු කණ්ඩායමට ශූරතා කුසලාන සමඟ මුදලින් රුපියල් ලක්ෂ 3 ක්ද, අනූශූරතාව දිනාගත් මහනුවර කණ්ඩායමට මුදලින් අනුශූරතා කුසලාන සමඟ ලක්ෂ 2 ක මුදලක් පිරිනැමින,

අවසන් මහ තරගයේ දක්ෂතම ක්‍රීඩකයා – කවිඳු අමමෙත් (කොළඹ උතුර) (කුසලාන සමඟ රු. 50,000)

තරගාවලියේ දක්ෂතම පිතිකරු – සුපුන් වඩුගේ (මහනුවර) (කුසලාන සමඟ රු. 50,000) ඉනිම හතරකදී ලකුණු 214 යි)

තරගාවලියේ දක්ෂතම පන්දු යවන්නා – ගරුක සංකෙත් (කොළඹ උතුර) (කුසලාන සමඟ රු. 50,000) (ඉනිම 4 කදී කඩුලු 11 යි)

තරගාවලියේ දක්ෂතම ක්‍රීඩකයා – දිනුර කලුපහන (ගාල්ල) (කුසලාන සමඟ රු. 75,000) (ඉනිම 4 කදී ලකුණු 202 යි කඩුලු 4 යි

කොළඹ උතුර පන්දුවාර 50 කදී සියලු දෙනා දැවී ලකුණු 283 යි – (කවිදු අමමෙත් 82, සමිඳු මදුරංග 50, කූජන පෙරේරා 48, හිරාන් ජයසුන්දර 29, ප්‍රවීන් මනීෂ 18, ෂෙෂාන් යෂෝන් 40/4, නිසල් අබේරත්න 50/2, අකිල වික්‍රමසිංහ 44/2, මනුල කුලරත්න 68/2)

මහනුවර පන්දුවාර 48. කදී ලකුණු 264 යි – (සුපුන් වඩුගේ 93, පුලිඳු පෙරේරා 31, තිසර ඒකනායක 37, ජයවි ලියනගම 21, වතිල උදාර 32, ප්‍රවීන් මනීෂ 38/3, ගරුක සංකෙත් 77/2, තරුෂ කොඩිකාර 55/2, ළහිරු අමරසේකර 33/2)

දක්ෂතම පන්දු යවන්නා – ගරුක සංකෙත් (කොළඹ උතුර)
තරගාවලියේ දක්ෂතම පිතිකරු – සුපුන් වඩුගේ (මහනුවර)

Related posts

අප්සරාගේ ශතකයෙන් ගුවන් හමුදා ‘ඒ’ ජය ගනියි

Chamila Karawita

India tour of Sri Lanka 2021 – Match Fixture

Web Admin

ශ්‍රී ලංකාව ශ්‍රේණිගත කිරීමෙහි ඉදිරියට ගේන බවට මූඩිගෙන් ප්‍රතිඥාවක්

Chamila Karawita