Asia Cup Featured Media Centre News

ආසියානු කුසලාන තරගාවලිය සඳහා අසිත ප්‍රනාන්දුට කැඳවුම්

වේග පන්දු යවන අසිත ප්‍රනාන්දු පිළිබඳව විශ්වාසය තබා ඇති ප්‍රමෝද්‍ය වික්‍රමසිංහ මහතාගේ ප්‍රධානත්වයෙන්ක් යුතු ක්‍රිකට් තේරීම් කමිටුව ආසියානු කුසලාන ක්‍රිකට් තරගාවලිය සඳහා නම් කරන ලද ශ්‍රී ලංකා කණ්ඩායමට ඔහුගේ නම ඇතුළත් කර තිබේ. අසිතට අමතරව වමතිිි වේග පන්දු යවන ඩිල්ෂාන් මදුශංකව එක් කිරීමට පියවර ගෙන තිබේ. දසුන් ශානකගේ නායකත්වයෙන් යුතු ශ්‍රී ලංකා කණ්ඩායම ක්‍රීඩකයින් 20 දෙනෙකුගෙන් සමන්විත වේ.  

ශ්‍රී ලංකා ක්‍රිකට් ආයතනයේ මෙහෙයවීමෙන් ඉකුත්දා නිමාවට පත් වුණු ආරාධිත පන්දුවාර විස්සයි-20 ක්‍රිකට් තරගාවලියේදී තරග 4 කදී කඩුලු 10 ක් දවා ගනිමින් වැඩිම කඩුලු ලද පන්දු යවන්නා බවට පත් වද්දී ඉතා ‌හොඳ දෝලනයක් සහිතව පන්දු යැවීමට සමත්වීම නිසා ඩිල්ෂාන් මදුශංක, තේරීම් කමිටුවේ අවධානය දිනා ගැනීමට සමත්විය. දක්ෂතම පන්දු යවන්නා සම්මානයෙන් පිදුම් ලද අසිතගේ කඩුල්ලක් දවා ගැනීමේ සාමාන්‍ය 11 ක්ව සටහන් වද්දී පන්දුවාරයකට ලකුණු 6.87 ක අගයක් රඳවා ගැනීමට සමත්ව සිටින්නේය. හුංගම විජයබා විදුහල නියෝජනය කරමින් පැමිණ සිටින ඩිල්ෂාන් මදුශංක මීට පෙර අවස්ථා කීපයකදීම ටෙස්ට් තරග සඳහා වන සංචිත වලට ඇතුළත් වුවද විස්සයි-20 තරගාවලියකට ඇතුළත් කරන ලද පළමු අවස්ථාව ලෙසින් මෙය සනිටුහන් වේ.

මේ අතර ඉන්දීය සහ ඔස්ට්‍රේලියාවට එරෙහි විස්සයි-20 සංචිත සඳහා ඇතුළත්ව සිටියද අවසන් 11 දෙනා අතරට පැමිණීමට අපොහෙසත් වුණු දිනේෂ් චන්දිමාල්ද මෙම සංචිතයට එක්ව සිටියි. පාකිස්තානයට එරෙහිව පැවැති ටෙස්ට් තරගාවලියේදී පිතිකරුවකු ලෙසින් පිටිය තුළ වඩා වැඩි විශ්වාසයක් ගොඩ නඟා ගැනීමට සමත්වීම ඔහුට ආසියානු කුසලාන තරගාවලියේ ස්ථානයක් වෙන්වීමට හේතුවක් වී තිබේ.

ඊට අමතරව අෂේන් බණ්ඩාර, ධනංජය ද සිල්වා, මතීෂ පතිරණ ‌සහ ජෙෆ්රි වැන්ඩර්සි කණ්ඩායමට නැවත පැමිණ සිටින ක්‍රීඩකයෝ වෙති.

අගෝස්තු 10 වැනිදා රැස් වුණු ක්‍රිකට් තේරීම් කමිටුව විසින් නම් කරන ලද මූලික සංචිතය සඳහා කසුන් රජිත සහ බිනුර ප්‍රනාන්දු ඇතුළත්ව සිටියද ආරාධිත තරගාවලිය අතරතුර ඔවුන් තුවාල ලැබීම මත මෙම වටිනා තරගාවලියේදී ඔවුන් දෙදෙනාගේ සේවය ශ්‍රී ලංකාවට අහිමි වී තිබේ. අගෝස්තු 12 වැනිදා ක්‍රීඩා අමාත්‍යවරයාගේ අවසරය සඳහා යොමු කෙරුණු 20 දෙනා අතර ‌සිටි කසුන් සහ බිනුර වෙනුවට අසිත සහ ප්‍රමෝද් මදුශාන් එක් කිරීමට පියවර ගෙන තිබේ.

ආසියානු කුසලාන තරගාවලිය අගෝස්තු 27 වැනිදා ආරම්භ වන අතර සැප්තැම්බර් 11 වැනිදා අවසන්වීමට නියමිතව තිබේ.

ශ්‍රී ලංකා කණ්ඩායම – දසුන් ශානක (නායක), චරිත් අසලංක (උප නායක), දිනේෂ් චන්දිමාල්, ධනුෂ්ක ගුණතිලක, පැතුම් නිස්සංක, කුසල් මෙන්ඩිස්, භානුක රාජපක්ෂ, අෂේන් බණ්ඩාර, ධනංජය ද සිල්වා, වනිඳු හසරංග, මහීෂ් තීක්ෂණ, ජෙෆ්රි වැන්ඩර්සි, ප්‍රවීන් ජයවික්‍රම, දුෂ්මන්ත චමීර, චාමික කරුණාරත්න, ඩිල්ෂාන් මදුශංක, මතීෂ පතිරණ, නුවනිඳු ප්‍රනාන්දු, අසිත ප්‍රනාන්දු ප්‍රමොද් මදුශාන්.

Related posts

KAMINDU MENDIS FIRST CENTURIAN IN SLC MAJOR CLUB U23 TOURNEY: Quite an impressive all-rounder

Web Admin

දෙව්මි විහංගාගෙන් කඩුලු ත්‍රිත්වයක්

Chamila Karawita

සුපිරි 8 තරග වටය : නායකයන්ගෙන් ආදර්ශ ඉනිම රැසක්

Web Admin