Featured Media Centre News Sinhala Column Womens Cricket

නවසීලන්ත කාන්තාවන්ට ලකුණු 45 ක ජයක්

 එංගලන්තයේ බර්මින්හැම්හි පැවැත්වෙන පොදුරාජ්‍ය මණ්ඩලයීය  ක්‍රීඩා උලෙළේ  කාන්තා ක්‍රිකට් තරගාවලියේ ශ්‍රී ලංකාව සහ නවසීලන්තය අතර පැවැති තරගයෙන් නවසීලන්ත කාන්තා කණ්ඩායම ලකුණු 45 ක ජයක් අත්කර ගැනීමට සමත්විය.

එජ්බැස්ටන්  ක්‍රීඩාංගණයේ  පැවැති මේ  තරගයේ දී කාසිය වාසිය  දිනා මුලින්ම පන්දුවට  පහරදුන්  නවසීලන්ත කණ්ඩායම පන්දුවාර 20 අවසානයේ කඩුලු  හතකට ලබාගත් ලකුණු 147 ට  පිළිතුරු ලෙස ශ්‍රී ලංකා කාන්තා කණ්ඩායමට පන්දුවාර 20 අවසානයේ කඩුලු 8ක්  දැවී රැස් කරගත හැකි වූයේ ලකුණු 102 කි.

නවසීලන්තය පන්දුවට පහරදෙන අවස්ථාවේ  ආරම්භක  පිතිකාරිනියන් දෙදෙනා  සුසී බේට්ස් (ලකුණු 34) සහ නායිකාව  සොෆී ඩෙවින්(ලකුණු 24) පලමු  කඩුල්ලට පන්දුවාර හතකදී රැස්කළ  ලකුණු  51මේ තරගයේ හොදම සබදතාවය විය. ශ්‍රී ලංකා කණ්ඩායමේ කැපී පෙනුණු පන්දු යවන්නිය වු  ඉනෝකා රනවිර  කඩුලු  තුනක් දවාලුවේ ලකුණු 30ක්   ලබාදෙමිනි .

ශ්‍රී ලංකා කාන්තා කණ්ඩායම ලකුණු 148ක ජයග්‍රාහී ඉලක්කයක්  කරා යෑමට  පැමිණි  අවස්තාවේ  නායිකා   චමරි  අතපත්තු  (00) විශ්මි ගුනරත්න (03) හෂිණි පෙරේරා (08) හර්ෂිතා සමරවික්‍රම (05) සහ කවිෂා දිල්හාරි  (04) යන  නම් දරා සිටින ප්‍රබල පිතිකාරිණියන් පස්දෙනෙකුම  ලකුණු 32ක් ඇතුළත දැවී යෑම නිසා සෙසු  පිතිකාරිනියන්ට   පන්දුවට  පහරදීමට  සිදුවුයේ ආරක්ෂිත ආකාරයකිනි.

ශ්‍රී ලංකා  කණ්ඩායමේ  වැඩිම ලකුණු ලාභිනිය වු  අංක පහ පිතිකාරිනිය නිලක්ෂි ද  සිල්වා ලකුණු 36ක්  රැස් කලේ පන්දු  35කට මුහුණ  දී  හතරේ තුනක්  සහ  හයේ පහරක්ද සමගය.

ඕෂදී  රණසිංහ  මේ තරගයේ දී  තුන් ඉරියව්වේම දක්ෂතා දැක්වීමට  සමත්වුවාය.  ඇය අංක  නවය පිතිකාරිනිය ලෙස පැමිණ පන්දු  21කට මුහුණ  දී හතරේ  පහරක්  හයේ  පහරක්  සමග නොදැවී ලකුණු 18ක්  රැස් කළ  අතර පන්දු යැවීමේ දී ලකුණු  31කට කඩුලු  දෙකක් ද  බිදදැමුවාය.

නිලක්ෂි ද සිල්වා  සහ  අමා කංචනා (08) හයවන කඩුල්ලට එක්කල ලකුණු  24සහ  නවවන කඩුල්ලට  ඕෂදී රණසිංහ සහ  සුගන්ධිකා කුමාරි  නොදැවී එක් කල ලකුණු 18 මේ තරගයේ ශ්‍රී ලංකා කණ්ඩායමේ හොදම සබදතාවයන්ය.

නවසීලන්තය පන්දුවාර 20කදී කඩුලු 7ලකුණු 147යි(සුසී බේට්ස් 34, සොෆී ඩෙවින් 24, ඉනෝකා රනවිර 30/3, ඕෂදී රණසිංහ 31/2)

ශ්‍රී ලංකා පන්දුවාර 20 කදී කඩුලු 8කට ලකුණු 102යි(නිලක්ෂි  ද සිල්වා 36,  ඕෂදී රණසිංහ 18, අමා කාංචනා 08, හසිනි පෙරේරා  08, හේලි  ජෙන්සන්  5/3, ඊඩින්  කාසන් 30/2)

Related posts

ශිකර් ධවාන්ගේ ඉන්දීය කණ්ඩායම ගැන ශ්‍රී ලංකා ක්‍රිකට් වෙතින් තක්සේරුවක්

Chamila Karawita

වනිඳු යළිත් ඉදිරියට

Chamila Karawita

West Indies seek gel up to world cup; Sri Lanka turns to young bucks to come good

Web Admin