Featured major Club Limited Over Media Centre News Sinhala Column

යුද හමුදා –  ටැමිල්  යුනියන්  අවසන්  ගැටුම  හෙට

ශ්‍රී ලංකා ක්‍රිකට් ආයතනය මෙහෙයවන  අන්තර්  සමාජ ප්‍රධාතම එක්දින  ක්‍රිකට් තරගාවලියේ අවසන්  මහ තරගය ශ්‍රී ලංකා යුද හමුදා කණ්ඩායම සහ ටැමිල් යුනියන් කණ්ඩායම් අතර හෙට (02 දා) කොළඹ එස්. එස්. සී. ක්‍රීඩාංගණයේ දී පැවැත්වේ.

ඉකුත් සෙනසුරාදා සහ ඉරිදි යන දෙදින පැවැති අවසන් පූර්ව තරග වලදී යුද හමුදා පිල විසින් ඒස් කැපිටල් පිල ලකුණු 123 කින්ද ටැමිල් යුනියන් ලකුණු 16 කින්  සී.සී.සී. පිලද පරාජය කරමින් අවසන් මහ තරග අවස්ථාව උදා කරගත්හ. යුද හමුදාව  මෙලෙස  එක්දින තරගාවලියක අවසන් මහ  තරගයට සුදුසුකම්  ලත් ප්‍රථම වතාව   මෙය වේ.

මෙවර තරගාවලියේ කැපී පෙනන දස්කම් දැක්වීමට සමත්වූ ශ්‍රී ලංකා යුද හමුදාව මේවසරේ විශිෂ්ට  දක්ෂතා  දක්වමින්  සිටිති . ඔවුන් වසර  මුලදී පැවැති අවුරුදු  23න්  පහළ  එමර්ජින්  තුන් දින  තරගාවලියේ  ශූරයින්   බවට  පත්විණි . ඊට අමතරව මේ වසරේ   ජුනි  මස 17  වැනිදා සරවනමුත්තු  ක්‍රීඩාංගණයේ පැවැති ප්‍රධානතම විස්සයි-20 අවසන් මහ තරගයේදී කෝල්ට්ස් පිල පරාජයට පත් කරමින් විස්සයි-20 ශූරයින් බවටද පත්විණ.

ක්‍රිකට්  ආයතනය  මෙහෙයවන අන්තර් සමාජ මේජර්  ක්‍රිකට්  තරගාවලියේ  මුලික  වටයේ  දී  ‘ඒ ‘ කොටසට අයත්  වූ  ටැමිල් යුනියන් කණ්ඩායම තරග 12කට සහභාගිවී ඉන්  තරග දහයක්  ජයගෙන  දෙකක්  පරාජය වූ අතර ‘ බී ‘කොටසට  අයත්  යුදහමුදාව තරග 12කට  සහභාගි  වී තරග 11ක්  ජයගෙන  තරගයක් පරාජයට විය.

අවසන් මහා තරගයේදී  ටැමිල්  යුනියන් කණ්ඩායමේ නායකත්වය ධනංජය ද  සිල්වා දරනු ලබන අතර, සධීර සමරවික්‍රම, නවෝද් පරණවිතාන, ඉසුරු උදාන සහ ජෙෆ්රි වැන්ඩර්සි නම් දරා සිටින ක්‍රීඩකයෝ වෙති. යුද හමුදා කණ්ඩායම තිසර පෙරේරාගේ නායකත්වය යටතේ තරග වදින අතර දිනේෂ් චන්දිමාල්, අසේල ගුණරත්න, සික්කුගේ ප්‍රසන්න සහ මහීෂ් තීක්ෂණ යන ජාතික කණ්ඩායම නියෝජනය කරන ක්‍රීඩකයෝ තරග වදිති.

යුද හමුදා කණ්ඩායම
ටැමිල් යුනියන් කණ්ඩායම

Related posts

Sri Lanka Tour of Australia 2022 | Match Fixture

Web Admin

විස්සයි-20 පන්දු යවන්නන් අතර වනිඳුට තෙවැනි තැන

Chamila Karawita

Sri Lanka 122/2 in reply to Zimbabwe’s 406

Web Admin