Featured Media Centre News Under 19

යොවුන් පිල 14 දා එංගලන්තයට යයි

එංගලන්ත යොවුන් කණ්ඩායමට එරෙහිව ටෙස්ට් සහ එක්දින තරගාවලියකට සහභාගිවීම සඳහා ශ්‍රී ලංකා යොවුන් කණ්ඩායම මේ මස 14 වැනිදා එංගන්තය බලාපිටත්ව යනු ඇත.

යොවුන් කණ්ඩායම පුහුණු කිරීමේ වගකීම ජෙහාන් මුබාරක් මහතාට භාර දීමෙන් පසු ශ්‍රී ලංකා යොවුන් පිල තරග සංචාරයකට සහභාගිවනු ලබන පළමු අවස්ථාව වන්නේද මෙම එංගලන්ත තරග සංචාරයයි.

“එංගලන්තයේ තත්ත්වයන් වලට හුරුවීම සදහා අපේ තරුණ ක්‍රීඩකයින්ට මෙම තරගාවලිය හොද අවස්ථාවක් ලබා දෙනවා වගේම ඉදිරියට එන විශාල ජාත්‍යන්තර අභියෝග සඳහා සූදානම් වීමට එය හොඳ අවස්ථාවක් වනවා” යැයි ප්‍රධාන පුහුණුකරු ජෙහාන් මුබාරක් මහතා සඳහන් කර සිටියි.

තරග 2 කින් සමන්විත ටෙස්ට් තරගාවලියට අමතරව එක්දින තරග 3 කටද ශ්‍රී ලංකා යොවුන් පිල සහභාගිවනු ඇත. අවසන් වරට පැවැති යොවුන් ලෝක කුසලාන ක්‍රිකට් තරගාවලියේදී ශ්‍රී ලංකාව මෙහෙයවන ලද දුනිත් වෙල්ලාලගේ මෙම තරගාවලියට ඇතුළත් නොවන බැවින් කණ්ඩායම මෙහෙයවීම කොළඹ නාලන්දා විදුහලේ රවීන් ද සිල්වා විසින් සිදුකිරීමට නියමිතව ඇත. ටෙස්ට් තරග ආරම්භයට පෙර ශ්‍රී ලංකා යොවුන් පිල අගෝස්තු 16 සිට 18 දක්වා තුන් දින පුහුණු තරගයකට යංග් ලයන්ස් පිලට එරෙහිව ලෆ්බොරව් හිදී සහභාගිවනු ඇත.

Related posts

කෝටි 2 ක ත්‍යාග මුදල් රැගෙන දෙවැනි වරට එන LPL බලන්න ප්‍රේක්ෂකයින්ට අවසර

Chamila Karawita

ආරාධිත විස්සයි-20 ශූරතාව කුසල්ගේ රෙඩ්ස් පිල දිනයි

Chamila Karawita

ලෝක කුසලානයට පෙර තවත් තරගාවලියක් සංවිධානය වනවා නම් හොඳයි – ගාල්ල නායිකාව නිලක්ෂි ද සිල්වා කියයි

Web Admin