Featured Media Centre News Under 19

ශ්‍රී ලංකා යොවුන් පිල කඩුලු 4 ට ලකුණු 182 යි

එංගලන්තයට එරෙහිව අගෝස්තු 21 වැනිදා ආරම්භ වීමට නියමිත සිව්දින ටෙස්ට් තරගයට පෙර ශ්‍රී ලංකා යොවුන් පිලට හිමි එකම තුන් දින පුහුණු තරගයේදී පළමුව පන්දුවට පහර දෙන ශ්‍රී ලංකා කණ්ඩායම පළමු දිනට තරගය නිමා කරන විට කඩුලු 4 කට ලකුණු 182 ක් ලබා සිටියි.

වර්ෂාවෙන් බාධා ඇති වුණු පළමු දිනයේදී තරගය පන්දුවාර 56 කට සීමා වූ අතර එහිදී කාසියේ වාසිය දිනා ගත් ශ්‍රී ලංකා යොවුන් නායක රවීන් ද සිල්වා පළමුව පන්දුවට පහර දීමට තීරණය කළේය.

යොවුන් පිල වෙනුවෙන් අසිත වන්නිනායක ලකුණු 81 ක් කඩුල්ලේ රැදී සිටියි. පන්දු 166 කට මුහුණ දුන් අසිත සිය නොබිඳුණු ඉනිම සඳහා හතරේ පහර 11 ක් ඉනිමට ඇතුළත් කර ගත්තේය.

ඉනිම ආරැඹි අසිත වන්නිනායක සහ සදීෂ රාජපක්ෂ පළමු කඩුල්ල වෙනුවෙන් ලකුණු 53 ක සාර්ථක සම්බන්ධතාවක් එක් කිරීමට සමත්වූහ. කෙසේ වෙතත් සදීෂ රාජපක්ෂ සහ උප නායක ෂෙවෝන් ඩැනියල් ඉක්මනින් දැවී ගිය නමුත් තෙවැනි කඩුල්ලට වන්නිනායකට එක් වුණු පවන් පතිරාජ තෙවැනි කඩුල්ල වෙනුවෙන් ලකුණු 77 ක සම්බන්ධතාවක් පවත්වමින් යොවුන් කණ්ඩායම අසීරුතාවයෙන් මුදවා ගත්හ.

ශ්‍රී ලංකා යොවුන් පිල පන්දුවාර 56 කදී කඩුලු 4 ට ලකුණු 182 යි – (අසිත වන්නිනායක (නොදැවී) 81, රනුද සෝමරත්න 29, සදීෂ රාජපක්ෂ 23, පවන් පතිරාජ 23, ඊ. ජැක් 22/2)

Related posts

Thisara-Malik show: Jaffna Kings romp to 7-wkt. win over Kandy Warriors

Web Admin

Video: Dasun Shanaka addressing media after 3-0 series win against Pakistan

Web Admin

ලංකා ක්‍රිකට් ක්‍රීඩිකාවනට අත්දැකීම් රැසක්, ඕස්ට්‍රේලියාව 3-0කින් ජයගනී

Web Admin