Featured Media Centre News SLC Invitational T20 League

සමාරම්භක තරගයේ කාසියේ වාසිය දිනූ කුසල්ගේ රෙඩ්ස් පන්දු යවයි

ශ්‍රී ලංකා ක්‍රිකට් ආයතනයේ මෙහෙයවීමෙන් අද (08 දා) ඇරැඹි ආරාධිත පන්දුවාර විස්සයි-20 ලීග් ක්‍රිකට් තරගාවලියේ සමාරම්භක තරගයේදී කාසියේ වාසිය තමන් සතු කරගත් රෙඩ්ස් නායක කුසල් මෙන්ඩිස් පළමුව පන්දු යැවීම තෝරා ගත්තේය.

ගේස් පිලට එරෙහිව කොළඹ ආර්. ප්‍රේමදාස ක්‍රීඩාංගණයේ පෑවත්වෙන මෙම තරගයේදී කුසල් මෙන්ඩිස්ට අමතරව භානුක රාජපක්ෂ, කමිඳු මෙන්ඩිස්, වනිඳු හසරංග, දුනිත් වෙල්ලාලගේ, මතීෂ පතිරණ, මහීෂ් තීක්ෂණ සහ අසිත ප්‍රනාන්දු, රෙඩ්ස් පීල ශක්තිමත් කරන්නෝ වෙති.

අශාන් ප්‍රියන්ජන්ගේ නායකත්වයෙන් යුතු ග්‍රේස් පිල සතුව නම් දැරූ ක්‍රීඩකයින් වන්නේ පුලින තරංග, මිනෝද් භානුක සහ අකිල ධනංජය පමණි. මෙම මස අගදී එක්සත් අරාබි එමීර් රාජ්‍යයේ පැවැත්වෙන ආසියානු කුසලාන සහ  ඔස්ට්‍රේලියාවේ පැවැත්වෙන ලෝක කුසලාන තරගාවලියට කණ්ඩායම තේරීම සදහා මෙම තරගාවලිය සංවිධානය කිරීමට ශ්‍රී ලංකා ක්‍රිකට් පියවර ගනු ලැබිය.

කණ්ඩායම් 4 කගේ සහභාගිත්වයෙන් පැවැත්වෙන මෙම තරගාවලියේ මූලික තරග වටය ලීග් ක්‍රමය යටතේ පැවැත්වෙනු ඇත.

රෙඩ්ස් – කුසල් මෙන්ඩිස්, ලසිත් කෲස්පුල්ලේ, භානුක රාජපක්ෂ, කමිඳු මෙන්ඩිස්, වනිඳු හසරංග, සහන් ආච්චිගේ, දුනිත් වෙල්ලාලගේ, මතීෂ පතිණ, මහීෂ් තීක්ෂණ,  අසිත ප්‍රනාන්දු, කලන පෙරේරා.

ග්‍රේස් = අශාන් රන්දික, සංගීත් කුරේ, අශාන් ප්‍රියන්ජන් (නායක), තනුක දාබරේ, මිනෝද් භානුක, මොවින් සුබසිංහ, මුදිත ලක්ෂාන්, අකිල ධනංජය, මිලන් රත්නායක, ලක්ෂාන් ගමගේ පුලින තරංග.

Related posts

කණ්ඩායමට ‘ආබාධයක්’ නොවුණු ‘සොඳුරු දඩයක්කරුවා’ – සුරංග ලක්මාල්

Chamila Karawita

රට ගැන සිතා භානුක ‘ඉල්ලා අස්වීම’ අස්කර ගනියි

Chamila Karawita

ගිලිහුණු ක්‍රිකට් අභිමානය යළි පිබිදෙයි

Web Admin