Featured Media Centre News

ආණ්ඩුකාර කුසලාන දිනන්න ඉන්න අවසන් කණ්ඩායම් 4

පළමු පෙළ ක්‍රිකට් තරගාවලියට සමගාමීව ශ්‍රී ලංකා ක්‍රිකට් ආයතනය විසින් පවත්වනු ලබන  ආණ්ඩුකාර කුසලාන හෙවත්  Governor’s Trophy ක්‍රිකට් තරගාවලියේ අවසන් පූර්ව තරග වරම් දිනා ගැනීමට මැලේ, ලියෝ, ආදි ධර්මපාල සහ යුනයිටඩ් සදර්න් යන ක්‍රීඩා සමාජ සමත්ව සිටිති.

‘ඒ’ සහ ‘බී’ කාණ්ඩ දෙකක් යටතේ කණ්ඩායම් 24 කගේ සහභාගිත්වයෙන් පැවැත් මෙවර තරගාවලියේ මූලික වටයේ පෙරමුණ ගත් කණ්ඩායම් 2 අවසන් පූර්ව තරග අවස්ථාව දිනා ගනු ලබන අතර එහිදී ‘ඒ’ කාණ්ඩයේ අරපාජිතව සිටින මලේ කණ්ඩායමත්, තරග 11 කදී ජයග්‍රහන 8 ක් ලබා සිටින යුනයිටඩ් සදර්න් කණ්ඩායමත් සුදුසුකම් ලබද්දී, තරග 11 කදී ජයග්‍රහණ 9 ක් වාර්තා කරගෙන සිටි ආදි ධර්මපාල කණ්ඩායමත් තරග 11 කදී ජයග්‍රහණ 8 ක් වාර්තා කරගෙන සිටින ලියෝ ක්‍රිකට් සමාජයත් සුදුසුකම් ලබා සිටිති.

මොවුන් සුදුසුකම් ලබා ගනිද්දී ගියවර ශූරයින් ලෙස මෙවර තරගාවලියට ඉදිරිපත් වුණු මොරටුව ක්‍රීඩා සමාජයත් ප්‍රසාද ලකුණු සටහනේ සිව්වැනි ස්ථානයට පත්ව සිටින බැවින් ඔවුන්ට කුසලාන බලාපොරොත්තුව අහිමිව තිබීම කැපී පෙනෙයි. අවසන් පූර්ව තරග වලදී මැලේ කණ්ඩායම ලියෝ ක්‍රීඩා සමාජය සමග ලබන 26 වැනිදා බලුම්ෆීල්ඩ් ක්‍රීඩා පිටියේදීද ආදි ධර්මපාල සහ යුනයිඩ් සදර්න් ක්‍රීඩා සමාජ දොඹගොඩදීද තරග වැදීමට සූදානම්ව සිටිති.

කෙසේ වෙතත් මූලික වටය යටතේ ඒ කාණ්ඩ දෙකේහි අවසන් ස්ථානයට පත්ව සිටින කන්ඩායම් දෙක ඉදිරි වසරේ පැවැත්වීමට නියමිත අන්තර් පලාත් තරගාවලිය හෙවත් Intra-Province Tournament තරගාවලිය දක්වා පහළ දැමීමට ශ්‍රී ලංකා ක්‍රිකට් පියවර ගනු ඇත.

Related posts

ටෙස්ට් ලෝක ශූරතාවේ ශ්‍රී ලංකා ගමන් මග

Web Admin

දිමුත්ගේ අනාගත අරමුණ

Chamila Karawita

Sri Lanka beat Japan by 9 wickets

Web Admin