Featured News Under 19

පළමු තරගයෙන් ශ්‍රී ලංකා යොවුන් පිලට කඩුලු 3 ක පරාජයක්

තරග 2 කින් සමන්විත සිව්දින ටෙස්ට් තරගාවලිය 1-0 ක් ලෙස ජය ගැනීමෙන් පසු ශ්‍රී ලංකා යොවුන් කණ්ඩායම සහභාගිවුණු තරග 3 කින් සමන්විත එක්දින තරගාවලියේ පළමු තරගයෙන් කඩුලු 3 ක පරාජයක් එංගලන්ත යොවුන් පිල හමුවේ අත්වින්දේය.  වර්ෂාවෙන් බාධා පැමිණි තරගයේදී ඩක්වර්ත් – ලුවිස් න්‍යාය අනුව මෙම ජයග්‍රහණය තීරණය විය.  වූස්ටර් නුවරදී සඳුදා (05 දා) පැවැති මෙම තරගයේ ජයත් සමග තරගාවලිය 1-0 ක් ලෙස එංගලන්ත යොවුන් පිල පෙරමුණ ගත්තේය.

වර්ෂාව නිසා පන්දුවාර 48 කට සීමා වෙමින් ඇරැඹි මෙම තරගයේ පළමුව පන්දුවට පහර දුන් ශ්‍රී ලංකා යොවුන් කණ්ඩායමේ පළමු කඩුලු 3 ම ලකුණු 74 කදී බිඳ වැටුණද ෂෙවෝන් ඩැනියල්ට එක්වූ නායක රවීන්ද සිල්වා, සිව්වැනි කඩුල්ල වෙනුවෙන් ලකුනු 50 ක සම්බන්ධතාවක් එක් කළහ. එම සම්බන්ධතාව ප්‍රධාන කොට ශ්‍රී ලංකා පිලට හිස එසවීමට අවස්ථාව උදාවුවත් පළමු පන්දුවාර 30 අවසනදී කඩුලු 5 කට ලකුණු 146 ක් ලෙසින් දිස්විය.

කෙසේ වෙතත් අංජල බණ්ඩාර සහ මල්ෂ තරුපති එක්ව කණ්ඩායම ලකුණු 200 සීමාවට රැගෙන ගියේ පිළිවෙළින් ලකුණු 44 ක් සහ 37 ක් වශයෙන් ලබා ගනිමිනි. එම ඉලක්කය හඹා යෑමේදී යොවුන් පි කඩුලු 7 කට ලකුණු 174 ක් ලබා සිටියදී ඩක්වර්ත් ලුවිස් නයාය මත සත්කාරකයින්ට ජය හිමිවිය.

ශ්‍රී ලංකා යොවුන් පිල පන්දුවාර 48 කදී කඩුලු 9 ට ලකුණු 248 යි – (ෂෙවෝන් ඩැනියෙල් 54, හසිත අමරසිංහ 19, අභිෂේක් ලියනාරච්චි 33, රවීන් ද සිල්වා 19, අංජල බණ්ඩාර 44, මල්ෂ තරුපති 37, දුවිදු රණතුරංග 12, තෝමස් ඇස්පින්වෝල් 24/2, ෆතේෂ් සිං 49/3, ඩැනියෙල් ඊබ්‍රහිම් 61/2)

එංගලන්ත යොවුන් පිල පන්දුවාර 23.1 කදී කඩුලු 7 ට ලකුණු 174 යි – (ජෝර්ජ් තෝමස් 28, බෙන් මැක්නි 31, ඇලෙක්ස් හෝර්ට්න් 49, ඩැනියෙල් ඊබ්‍රහිම් 32, ජමාල් රිචර්ඩ්ස් (නොදැවී) 10, රවීන් ද සිල්වා 32/2)

Related posts

යුධ හමුදා කණ්ඩායම් දෙකම ජය වාර්තා කරයි

Chamila Karawita

නවසීලන්තයට එරෙහි පුහුණු තරගයේ නායකත්වය අශාන් ප්‍රියන්ජනට

Web Admin

Free admission to the RPICS C&D Lower Stands to watch LPL games

Web Admin