Asia Cup Featured Media Centre News

මහීෂ් තීක්ෂණ, වනිඳු හසරංගව පසුකරයි

අන්තර්ජාතික ක්‍රිකට් කවුන්සිලය විසින් සිදුකරන ලද නවතම යාවත්කාලීනයට අනුව විස්සයි-20 පන්දු යවන්නන් අතර ශ්‍රේණිගත කිරීමේදී වනිඳු හසරංගව අභිබවා යෑමට මහීෂ් තීක්ෂණ සමත්ව තිබේ.

ආසියානු කුසලාන තරගාවලියේදී දක්වන ලද දක්ෂතා අනුව 13 වැනි ස්ථානයේ රැදී සිටි මහීෂ් තීක්ෂණ 8 වැනි ස්ථානය දක්වා ඉදිරියට පැමිණෙද්දී වනිදු හසරංග 9 වැනි ස්ථානය දක්වා පහත බැස සිටියි. මෙතෙක් පැවැති ආසියානු කුසලාන තරග 4 කදී කඩුලු 3 ක් දවා ගැනීමට සමත්ව සිටි තීක්ෂණගේ පන්දුවාරයකට ලකුණු ලබා දීම 7.25 ක් ලෙස සටහන් වේ.

ලොව අංක 1 විස්සයි-20 දඟ පන්දු යවන්නා බවට පත්ව සිටි වනිදු ආසියානු කුසලාන තරගාවලියට පෙර එම ශ්‍රේණිගත කිරීමේ 6 වැනි ස්ථානයේ රැඳී සිටි නමුත්, පන්දුවාරයකට ලකුණු ලබා දීමේදී ඔහු තීක්ෂණට වඩා පසු පසින් (8.13) සිටියි.

මේ අතර පිතිකරුවන් අතර පළමු 10 දෙනා අතරට පළමු වතාවට පැමිණීමට පැතුම් නිස්සංක සමත්ව සිටියි. ඉන්දියාවට එරෙහිව වාර්තා කරගන්නා ලද අමතක නොවන තරග ජයග්‍රහණයේදී පන්දු 37 කට මුහුණ දුන් නිස්සංක හයේ පහර 2 ක් සහ හතරේ පහර 4 ක් සමඟින් ලකුණු 52 ක් ලබා ගත්තේය. මෙම ඉනිමත් සමඟ වැඩිම ලකුණු ලාභී  පිතිකරුවන් අතර 7 වැනි ස්ථානයේ රැදී සිටියි.

Related posts

ගෝල් ග්ලැඩියේටර්ස් අවසන් තරග වටයට

Chamila Karawita

මිනොද් – නිමේෂ සහ ඕෂද ශතක රැස්කරති

Chamila Karawita

නුවනිදුගෙන් පිට පිටම සිව්වැනි ශතකයත්

Chamila Karawita