Featured Media Centre News Super 4 Womens Cricket

‘ග්‍රේස්’ අපරාජිතව අවසන් සටනට

ශ්‍රී ලංකා ක්‍රිකට් ආයතනය විසින් මෙහෙයවනු ලබන කාන්තා සුපිරි කණ්ඩායම් 4 අතර තරගාවලියේ අද  (22) පැවැති තරගයේදී ග්‍රීන් පිල ලකුණු 46කින් පරාජය කළ ග්‍රේස් පිල පිට පිට තෙවැනි ජය ලබා අපරාජිතව අවසන් මහා තරගයට සුදුසුකම් ලැබීය.  

ඒ අනුව හර්ෂිතා සමරවික්‍රමගේ නායකත්වයෙන් යුත් ග්‍රේස් පිල හා නිලක්ෂී ද සිල්වාගේ නායකත්වයෙන් යුත් රෙඩ්ස් පිල අතර අවසන් මහා තරගය මේ මස 25 වැනිදා කොළඹ බීආර්සී පිටියේදී පැවැත්වෙයි.

මෙම තරගාවලිය පුරා අණසක පැතිර වූ ග්‍රේස් පිල විසින් බ්ලූස් පිල ලකුණු 124කින්, රෙඩ්ස් පිල කඩුලු 3කින් හා ග්‍රීන් පිල ලකුණු 46කින් පරාජය කිරීමට සමත් විය. ග්‍රේස් පිලට පමණක් දෙවැනි වූ රෙඩ්ස් පිල මෙම තරගාවලියේදී ග්‍රීන් පිල කඩුලු 8කින් හා බ්ලූස් පිල කඩුලු 3කින් පරාජය කළේය.  

අවසන් මහා තරගයට සුදුසුකම් නොලැබූ ග්‍රීන් පිල විසින් බ්ලූස් කණ්ඩායම කඩුලු 8කින් පරාජය කළ අතර අනෙක් තරග දෙකම පරාජයට පත් විය. බ්ලූස් පිල සහභාගී වූ තරග තුනම පරාජයවී ඇති බැවින් ඔවුන් ද තරගාවලියෙන් ඉවතට ගියේය.

කොළඹ බී.ආර්.සී. පිටියේදී ඊයේ පැවැති තරගයේදී මුලින් පන්දුවට පහරදුන් ග්‍රේස් පිල ඕවර් 44කදී ලකුණු 202ක් ලබාගත් අතර ග්‍රීන් පිල ඕවර් 50කදී කඩුලු 8කට ලකුණු 156කට සීමාවිය.  ග්‍රීන් පිලේ සියලු බලාපොරොත්තු සුන් කළ වමත් දඟ පන්දු යවන 36 හැවිරිදි ඉනෝකා රණවීර කඩුලු 3ක් හා දකුණතින් පිට දඟ පන්දු යවන 35 හැවිරිදි ඉනෝෂී ප්‍රනාන්දු කඩුලු 2ක් බිද හෙලා පීඩනය වැඩි කළහ. එම පීඩනය මැද ආරම්භක පිතිකාරිණිය වූ හසනි පෙරේරා පන්දු 81කදී හතරේ පහර 3ක් සමග ලකුණු 50ක් ලබාගත් අතර අනූෂා සංජීවනී ලකුණු 27කට දැවී ගියාය.  

ග්‍රේස් පිලේ නායිකා හර්ෂිතා සමරව්ක්‍රම කැපී පෙනෙණ ඉනිමක් ක්‍රීඩා කරමින් පන්දු 124කදී හතරේ පහර 9ක් සමග ලකුණු 78ක් ලබා ගැනීමට සමත් විය. මැද පෙළ ශක්තිමත් කළ හංසිමා කරුණාරත්න ලකුණු 55ක් හා ආරම්භක පිතිකාරිණිය ඉමල්කා මෙන්ඩිස් ලකුණු 22ක් රැස් කළහ.

ග්‍රෙස් පිල ලකුණු 202යි (ඕවර් 44) – හර්ෂිතා සමරව්ක්‍රම 78, හංසිමා කරුණාරත්න 55, ඉමල්කා මෙන්ඩිස් 22, කසුනි නුත්‍යාංගනා 10 ( රශ්මි සිල්වා 46/4, සුලේෂා සත්සරණී 23/3, නිමේෂා මධුෂාණී 34/2, චමරි ලක්ෂානී 48/1)  


2 / 2

ග්‍රීන් පිල කඩුලු 8කට ලකුණු 156යි (ඕවර් 50) – හසනි පෙරේරා 50, අනූෂා සංජීවනී 27, උදේශිකා ප්‍රබෝදනී නොදැවී 26  (ඉනෝකා රණවීර 32/3, ඉනෝෂී ප්‍රනාන්දු 17/2, අචිනි කුලසූරිය 32/1, සඳනි ද සිල්වා 34/1 සෂිනි ප්‍රනාන්දු 17/1)


Related posts

Champion bowler Duvindu’s 61 scalps opens up fruity career in different role to dad Hashan’s batting exploits

Web Admin

West Indies on the ropes 113/6, trail by 273 to Sri Lanka’s 386

Web Admin

Match ticket sale for the New Zealand Tour of Sri Lanka commences

Web Admin