Afghanistan Tour of Sri Lanka 2022 Featured Media Centre News

වේග පන්දු යවන්නන් තිදෙනකු සමඟින් ශ්‍රී ලංකාව පිටියට එයි

Chamila Karawita reporting from Pallekele

කාසියේ වාසිය තීරණාත්මක සාධකයක් බවට පත් වුවත්, පල්ලකැලේ ක්‍රීඩාංගණයේ අද (25 දා) පැවැත්වෙන පළමු තරගයේදී කාසියේ වාසිය තමන් සතු කරගත් ඇෆ්ගනිස්තාන නායක හෂ්මතුල්ලා ශහිදි පළමුව පන්දුවට පහර දීමට තීරණය කර සිටියේය.

තරගයට පෙර පැවැති මාධ්‍ය හමුවේදී ශ්‍රී ලංකා නායක දසුන් ශානක සඳහන් කර සිටියේ මුලින් පන්දුවට පහර දීම, තරගයේ ජයග්‍රහණයට හිතකර සාධකයක් බවයි. එහෙත් ශ්‍රී ලංකා නායකයාට කාසියේ වාසිය හිමිකර ගැනීමට නොහැකි විය.  

තරගයට පෙර තණතීරුවේ වාර්තාව ගෙන ආ ප්‍රවීන විස්තර විචාරක රසල් ආනල්ඩ් පවා සදහන් කර සිටියේ පළමුව පන්දුවට පහර දී හැකිතරම් ලකුනු පුවරුව තර කරන කණ්ඩායමට ජයග්‍රහණය සඳහා වැඩි ඉඩ ඉඩක් විවර වන බවයි.

පන්දුවාර 50 එක්දින ලෝක කුසලාන ක්‍රිකට් තරගාවලියට සෘජුවම සුදුසුකම් ලබා ගැනීම වෙනුවෙන් පැවැත්වෙන සුපර් ලීග් ක්‍රිකට් තරගාවලිය යටතේ පැවැත්වෙන ‌තරග 3 කින් සමන්විත එක්දින තරගාවලිය දෙරට අතර තරග ඉතිහාසයේ පළමු ද්වී පාර්ශ්වික තරගාවලිය ලෙසින් ඉතිහාස ගත වේ.

මෙම තරගාවලට පෙර ශ්‍රී ලංකා පිල ප්‍රසාද ලකුණු 62 ක් ලබා 10 වැනි ස්ථානයේ සිට තරග වදිද්දී ඇෆ්ගනිස්තාන පිල ප්‍රසාද ලකුනු 100 ක් සමඟින් 7 වැනි ස්ථානයේ රැදී සිටියි.

ශ්‍රී ලංකා පිල වේග පන්දු යවන්නන් තිදෙනෙකු සමඟින් අවතීර්ණව වීමට තීරණය කිරීම නිසා අවසන් වතාවට ශ්‍රී ලංකාවේ පැවැති ඔස්ට්‍රේලියානු තරග සංචාරයේ වැඩිම කඩුලු ලාභියා බවට පත් වුණු දුනිත් වෙල්ලාලගේට ස්ථානය අහිමිව තිබේ. ළහිරු කුමාර, කසුන් රාජිත සහ ධනංජය ලක්ෂාන් වේග පන්දුවෙන් සවිමත් කරද්දී වනිඳු හසරංග සහ මහීෂ් තීක්ෂණ දග පන්දු යවන්නන් ලෙස කටයුතු කරති. හිරු කුමාර‌ එක්දින තරගයකට ක්‍රීඩා කරන්නේ වසර 3 ක පමණ කාලයකින් පසුව වීම කැපී පෙනෙයි.

ශ්‍රී ලංකාව – 1. පැතුම් නිස්සංක, 2. කුසල් මෙන්ඩිස්, 3. දිනේෂ් චන්දිමාල්, 4. ධනංජය ද සිල්වා, 5. චරිත් අසලංක, 6. දසුන් ශානක (නායක), 7. වනිදු හසරංග, 8. ධනංජය ලක්ෂාන්, 9. මහීෂ් තීක්ෂණ, 10. ළහිරු කුමාර, 11. කසුන් රාජිත.

ඇෆ්ගනිස්තානය – 1. රාමනුල්ලා ගුර්බාස්, 2. ඊබ්‍රහිම් සද්‍රාන්, 3. රහමට් ෂා, 4. හෂ්මතුල්ලා ශහිදි (නායක), 5. නජිබල්ලා සද්‍රාන්, 6. මොහොමඩ් නබි, 7. ගුල්බදින් නයිබ්, 8. රශීඩ් ඛාන්, 9. මුජීබ් උර් රෙහ්මාන්, 10. ෆසාලහක් ෆරූකි, 11. යමින් අහමද්සායි.

Related posts

LPL තෙවැන්නෙන් ශ්‍රී ලංකාවට ඩොලර් මිලියන දෙකහමාරක්

Chamila Karawita

Colombo Kings hold the edge, but Galle Gladiators can rise gladiator like

Web Admin

15 දෙනෙකුගෙන් යුත් කාන්තා පිල 19 දා පාකිස්තානයට

Chamila Karawita