Afghanistan Tour of Sri Lanka 2022 Featured Media Centre News

ශ්‍රී ලංකාව යළිත් කාසියේ වාසිය අහිමි කර ගනියි

Chamila Karawita reporting from Pallekele

අන්තර්ජාතික ක්‍රිකට් සභාව පවත්වනු ලබන එක්දින සුපර් ලීග් ක්‍රිකට් තරගාවලිය යටතේ ඇෆ්ගනිස්තානයට එරෙහිව පැවැත්වෙන දෙවැනි එක්දින තරගයේදීත් ශ්‍රී ලංකා නායක දසුන් ශානක කාසියේ වාසිය අහිමි කර ගත්තේය. පළමු තරගයේ පරිදිම කාසියේ වාසිය දිනා ගත් ඇෆ්ගනිස්තානු නායක හෂ්මතුල්ලා ශහිඩි පළමුව පන්දුවට පහර දීමට තීරණය කළේය.

පල්ලකැලේ ජාත්‍යන්තර ක්‍රීඩාංගණයේ පැවැත්වෙන මෙම තරගයේදී දෙපිළම එකම වෙනස් කමක් හෝ සිදු නොකරමින් අවතීර්ණ වීම කැපී පෙනෙයි. ‌තරග 3 කින් සමන්විත එක්දින තරගාවලියේ පළමු තරගයෙන් ලකුණු 60 ක ජයක් ලද ඇෆ්ගනිස්තානු පිලට තරගාවලිය ජය ගැනීමට අද තරගයේ ජය පමණක් පමාණවත් වද්දී තරගාවලියේ තවදුරටත් අපරාජිතව රැඳී සිටීමට නම් ශ්‍රී ලංකාව අද තරගය අනිවාර්යයෙන්ම ජය ගත යුතුය.

තරගාවලි පරාජයෙන් බේරීමට අමතරව අද තරගයේ ජය ශ්‍රී ලංකාවට තවත් කරුණක් හේතුවෙන් වැදත් වේ. සුපර් ලීග් ක්‍රිකට් තරගාවලිය යටතේ ශ්‍රී ලංකාවට තවත් ඉතිරිව ඇත්තේ තරග 5 ක් පමණක් බැවින් පළමු කණ්ඩායම් 8 දෙනා අතරට යෑමට නම් ඉතිරි තරග සියල්ලම ජය ගත යුතු වේ. එසේ නොවුණහොත් 2023 වසරේදී ඉන්දියාවේ පැවැත්වීමට නියමිත එක්දින ලෝක කුසලාන තරගාවලිය සදහා ශ්‍රී ලංකා කණ්ඩායමට සුදුසුකම් ලැබීමේ තරගාවලියකට සහභාගිවීමට සිදුවනු ඇත. ශ්‍රී ලංකා කණ්ඩායම මෙතෙක් තරග 19 කට ක්‍රීඩා කරමින් ජය ලබා ඇත්තේ තරග 6 ක් පමණි.

ශ්‍රී ලංකාව – 1. පැතුම් නිස්සංක, 2. කුසල් මෙන්ඩිස්, 3. දිනේෂ් චන්දිමාල්, 4. ධනංජය ද සිල්වා, 5. චරිත් අසලංක, 6. දසුන් ශානක (නායක), 7. වනිදු හසරංග, 8. ධනංජය ලක්ෂාන්, 9. මහීෂ් තීක්ෂණ, 10. ළහිරු කුමාර, 11. කසුන් රාජිත.

ඇෆ්ගනිස්තානය – 1. රාමනුල්ලා ගුර්බාස්, 2. ඊබ්‍රහිම් සද්‍රාන්, 3. රහමට් ෂා, 4. හෂ්මතුල්ලා ශහිදි (නායක), 5. නජිබල්ලා සද්‍රාන්, 6. මොහොමඩ් නබි, 7. ගුල්බදින් නයිබ්, 8. රශීඩ් ඛාන්, 9. මුජීබ් උර් රෙහ්මාන්, 10. ෆසාලහක් ෆරූකි, 11. යමින් අහමද්සායි.

Related posts

Notice – Sri Lanka Cricket 59th Annual General Meeting

Web Admin

Levelling series an as never before clarion call to living up to Lions pride for Dasun Shanaka’s team in final fling

Web Admin

දිමුත් හොඳම පිතිකරුවන් පස් දෙනා අතරට

Chamila Karawita