Developments Featured Media Centre News

ශ්‍රී ලංකා ක්‍රිකට් තවත් පොරොන්දුවක් ඉටු කරයි – ක්‍රීඩා අරමුදලට තවත් කෝටි 12 ක් දෙයි

ඔස්ට්‍රේලියානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ වූ ප්‍රවේශ පත්‍ර අළෙවියන් ලද රුපියල් මිලියන 120 ක් හෙවත් කෝටි 12 ක මුදලක් ජාතික ක්‍රීඩා අරමුදලට පරිත්‍යාග කිරීමට ශ්‍රී ලංකා ක්‍රිකට් ආයතනය ඉකුත්දා නොවැම්බර් 03 වැනිදා පියවර ගනු ලැබීය.

 මෙරට සියලුම ක්‍රීඩා ක්‍රියාකාරකම් දියුණු කිරීමට උරදීම වෙනුවෙන් ශ්‍රී ලංකා ක්‍රිකට් විසින් සිදුකරගෙන යනු ලබන උපකාර මෙහෙවරේ කොටසක් ලෙස මෙම මුදල් පරිත්‍යාගය හැඳින්විය හැක.

ඔස්ට්‍රේලියානු ක්‍රිකට් කණ්ඩායමේ ශ්‍රී ලංකා තරග සංචාරයේ ප්‍රවේශ පත්‍ර අලෙවියෙන් ලැබෙන මුදල් ද ජාතික ක්‍රීඩා අරමුදල වෙනුවෙන් ලබා දීමට ශ්‍රී ලංකා ක්‍රිකට් සභාපති ශම්මි සිල්වා ඇතුළු විධායක කමිටුව ක්‍රීඩා අමාත්‍ය රොෂාන් රණසිංහ මහතාට ලබා දුන් පොරොන්දුවක් ඉටු කරමින් මෙම මුදල් ප්‍රධානය කිරීමට කටයුතු කිරීමද කැපී පෙනෙයි.

ඉකුත් ජූලි සහ ජුනි මාසයන්හිදී ශ්‍රී ලංකාවේ තරග සංචාරයකට සහභාගි වුණු ඔස්ට්‍රේලියානු කණ්ඩායම විස්සයි-20 තරග 3 ක්, එක්දින තරග 5 ක් සහ ටෙස්ට් තරග 2 කට සහභාගිවිය.

මෙම මුදල් පරිත්‍යාගයට පෙර ශ්‍රී ලංකා ක්‍රිකට් ආයතනය විසින් ජාතික ක්‍රීඩා අරමුදලේ මූල්‍ය තත්ත්වය තර කිරීම වෙනුවෙන් රුපියල් මිලියන 100 ක මුදලක්ද, බර්මිංහැම්හි පැවැති පොදු රාජ්‍ය මණ්ඩලය ක්‍රීඩා තරගාවලියට සහභාගිවුණු ක්‍රීඩක ක්‍රීඩිකාවන්ගේ වියදම් වෙනුවෙන් රුපියල් මිලියන 225 ක මුදලක්ද සහ ඉකුත්දා ආසියානු දැල් පන්දු ශූරතාව දිනූ ශ්‍රී ලංකා කණ්ඩායමේ දැල් පන්දු ක්‍රීඩිකාවන්ට රුපියල් මිලියන 2 බැගින් මුදල් ප්‍රදානය කිරීමට පියවර ගනු ලැබීය.

Related posts

“ඔස්ට්‍රේලියාව පරදන්න දක්ෂතා වගේම බුද්ධියත් තියෙන්න ඕන” විස්සයි-20 නායක ලසිත් මාලිංග

Web Admin

කාන්තා එක්දින තරගාවලියේ සමාරම්භයේදීම කැපී පෙනෙන දක්ෂතා

Chamila Karawita

Dhananjaya de Silva 69 and 3 wkts. in Jaffna’s 176-run win over Dambulla, Priyamal Perera 98 as Galle beat Colombo by 3 wickets

Web Admin