Featured Media Centre News Under 19 Under 19 Girl's Womens Cricket

2024 වසරේ යොවුන් ලෝක කුසලාන සත්කාරකත්වය ශ්‍රී ලංකාවට

2027 වසර වන තෙක් පැවැත්වීමට නියමිත වයස අවුරුදු 19 න් පහළ යොවුන් ලෝක කුසලාන ක්‍රිකට් තරගාවලියන් අතරින් 2024 වසරේ සත්කාරකත්වය ශ්‍රී ලංකාවට ලබා දීමට අන්තර්ජාතික ක්‍රිකට් කවුන්සිලය පියවර ගෙන තිබේ.

මෙම කාල සීමාවේදී අන්තර්ජාතික ක්‍රිකට් කවුන්සිලය විසින් බාලිකා ලෝක කුසලාන තරගාවලි 2 කුත් බාලක අංශයේ ලෝක කුසලාන තරගාවලි දෙකකුත් පැවැත්වීමට සැලසුම් කර තිබේ. ඒ අතරින් ශ්‍රී ලංකාව හැරුණු කොට අනෙක් බාලක යොවුන් ලෝක කුසලාන ක්‍රිකට් තරගාවලිය 2026 වසරේදී සිම්බාබ්වේ ස නැමීබියාව යන රටවල සත්කාරකත්වයෙන් පැවැත්වෙන බව අන්තර්ජාතික ක්‍රිකට් සභාව දැනුම් දී සිටියි.

ඊට අමතරව 2025 වසරේ පැවැත්වීමට නියමිත බාලිකා ලෝක කුසලාන ක්‍රිකට් තරගාවලිය මැලේසියාව සහ තායිලන්තයේ සත්කාරකත්වයෙන්ද 2027 වසරේ පැවැත්වීමට නියමිත කාන්තා යොවුන් ලෝක කුසලාන තරගාවලිය බංග්ලාදේශය සහ නේපාලයේ සත්කාරකත්වයෙන් පැවැත්වෙනු ඇත.

තරගකාරී ලංසු තැබීමේ ක්‍රියාවලියකින් පසු අදාළ සුවිශේෂී තරගාවලියන්හිදී සත්කාරකයින් කවුරුන්ද යන්න මාටින් ස්නෙඩන්ගේ සාභාපතිත්වයෙන් යුත් මණ්ඩලය විසින් තෝරා ගැනීමට පියවර ගෙන තිබේ.

Related posts

Chamari Athapaththu slams 57 off 29 as SL Women thrash Kenya by 9 wkts.

Web Admin

Sebastianites beat Colts on first innings to set up final vs Tamil Union

Web Admin

Charith Asalanka on ‘Why my batting peaked’; Dasun Shanaka says, ‘This tournament opportunity for players to come good

Web Admin