slc
logo
Home   |    News
සැප්තැම්බර් 8, 2019
ශ්‍රී ලංකා යොවුන් පිල අවසන් පූර්ව වටයට එයි

Sri Lanka Cricket

වයස අවුරුදු 19 න් පහළ ආසියානු කුසලාන ක්‍රිකට් තරගාවලියේ 7 වැනි තරගය හෙවත් මූලික වටය යටතේ ශ්‍රී ලංකා කණ්ඩායම සහභාගි වුණු දෙවැනි තරගයෙන් ලකුණු 52 ක ජයක් අත්කර ගැනීමට ශ්‍රී ලංකා යොවුන් ක්‍රීඩකයෝ අද (08 දා) සමත්වූහ. එක්සත් අරාබි එමීර් කණ්ඩායම සමඟ කටුනායක මේරියන්ස් ක්‍රීඩාංගණයේ පැවැති මෙම තරගයේදී ලද ජයග්‍රහණයත් සමඟ අවසන් කණ්ඩායම් 4 තරග වටය සඳහා සුදුසුකම් ලබා ගැනීමට ශ්‍රී ලංකා යොවුන් පිල සමත්විය.

ජයග්‍රහණය සඳහා ලකුණු 327 ක අසීරු ඉලක්කයක් හඹා ගිය එක්සත් අරාබි එමීර් රාජ්‍ය කණ්ඩායම පන්දුවාර 50 ඇතුළත ලකුණු 274 කට සීමා කිරීමට ශ්‍රී ලංකා පන්දු යවන්නෝ සමත්වූහ. ඒ අතර තුර එක්සත් අරාබි කණ්ඩායමේ කඩුලු 9 ක්ද දවා ගැනීමට පන්දු යවන්නන් සමත්විය.

සංචාරක පිල වෙනුවෙන් අංක 4 පිතිකරු ලෙසින් පිටියට පිවිසි අන්ෂ් තන්දන් ලකුණු 100 ක් ලබා තරගය නිමා වන තුරු කඩුල්ලේ රැඳී සිටියද සත්කාරකයින්ගේ ජයග්‍රහණයට එම ඉනිමට කළ හැක්කක් නොවීය.  පන්දු 102 කින් සමන්විත වුණු නන්දන්ගේ ඉනිම හයේ පහරකින් සහ තවත් හතරේ පහර 8 කින් වර්ණවත් විය.්‍

ශතක ලාභී තන්දන් සහ ඉනිමේ අනෙක් එකම අර්ධ ශතක ලාභියා වූ ඔසාමා හසන් ලකුණු 105 කට කඩුලු 4 ක් බිඳ වැටී තිබියදී එක්ව 5 වැනි කඩුල්ල වෙනුවෙන් ලකුණු 121 ක් එක් කළහ. පන්දු 46 කට මුහුණ දුන් හසන් ලබා ගත් වේගවත් ලකුණු 55 ක ඉනිම නිසා තරගය පිළිබඳව කෙසේ වෙතත් ශ්‍රී ලංකාව ලබා දුන් ඉලක්කය ආසන්නය වෙත යෑමේ ඉඩ කඩක් නිර්මාණය වී තිබූ නමුත්, නවෝද් පරණවිතාණ විසින් හසන්ව දවා ගැනීමත් සමඟ ඒ සියලු බලාපොරොත්තු බිඳි ගියහ.

ආරම්භක පිතිකරුවා ලෙසින් රැස් කරන ලද ලකුණු 61 ට අමතරව පන්දුවෙන්ද දස්කම් දක්වමින් කඩුලු 4 ක් දවා ගත් නවෝද් පරණවිතානට තරගයේ වීරයා සම්මානය හිමිවිය. ඔහුට අමතරව පන්දුවෙන් කැපී පෙනුණු රොහාන් සංජය සහ නායක නිපුන් ධනංජය කඩුලු 2 බැගින් දවා ගත්හ.

නවෝද් පරණවිතානට අමතරව ශ්‍රී ලංකා පිල ශක්තිමත් වූයේ අහන් වික්‍රමසිංහ දියත් කරන ලද ලකුණු 73 ක ඉනිම විය. මෙම ඉනිම නොවන්නට ශ්‍රී ලංකා පිලට ලකුණු 300 කට එහා ලකුණු සංඛ්‍යාවක් රැස් කර ගැනීමට නොහැකි වනු ඇත. වේගවත් ඉනිමක නිරත වුණු අහන් පන්දු 36 කදී තම අර්ධ ශතකය වාර්තා කරමින් පරණවිතාන සමඟ තෙවැනි කඩුල්ල වෙනුවෙන් පන්දු 86 කදී ලකුණු 113 ක් එක් කිරීමට දායකත්වය දැක්වීය. පන්දු 52 කට මුහුණ දී ලබා ගන්නා ලකුණු 73 ට හතරේ පහර 11 ක් ඇතුළත් කිරීමට අහන් වග බලා ගත්තේය.

අවසන් වසරක කාලය ඇතුළත ආරම්භක පිතිකරුවාගේ වගකීම අකුරටම ඉටු කරමින් සිටින නවෝද් පරණවිතාන තම ලකුණු 61 ලබා ගැනීම සඳහා පන්දු 60 කට මුහුණ දුන්නේය. හතරේ පහර 9 කින් සමන්විත වූ පරණවිතානගේ සිය 50 වැනි ලකුණ මුහුණ දුන් 51 වැනි පන්දුවේදී රැස් කර ගත්තේය.

අහන්ගේ දැවී යෑමත් සමඟ ලකුණු 17 ක් ඇතුළත ප්‍රභලම පිතිකරුවන් තිදෙනකු දැවී යෑම ශ්‍රී ලංකාවට දැඩි පාඩුවක් ගෙන දෙන්නක් වූ නමුත් නායකත්වයේ ඉනිමක් ක්‍රීඩා කළ නිපුන් ධනංජය, 6 වැනි කඩුල්ල වෙනුවෙන් චමිඳු විජේසිංහ සමඟ එක්ව ලකුණු 48 ක් ද 7 වැනි කඩුල්ල සඳහා රොහාන් සංජය සමඟ තවත් ලකුණු 75 ක සම්බන්ධතාවක් පවත්වමින් ශ්‍රී ලංකා ලකුණු පුවරුව 300 ඔබ්බට රැගෙන ගියහ. 7 වැනි පිතිකරුවා ලෙසින් නිපුන් දැවී යන විට හතරේ පහර 5 ක් සමගින් පන්දු 69 කදී ලකුණු 60 ක් ලබා සිටියේය. පසු පෙළින් කැපී පෙනුණු රොහාන් සංජය පන්දු 31 කදී ලකුණු 36 ක් රැස් කරගත්තේය.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee