තරගාවලියේ තවදුරටත් අපරාජිතව සිටීමට බටහිර ඉන්දීය කොදෙව් කණ්ඩායමට ජයග්‍රහණය තීරණාත්මක වුණු දෙවැනි එක්දින තරගයේ කාසියේ වාසිය දිනා ගත් බටහිර ඉන්දීය කොදෙව් කණ්ඩායම ප්‍රථමයෙන් පන්දුවට පහර දීම සඳහා සත්කාරක ශ්‍රී ලංකා පිලට අවස්ථාව ලබා දුන්නේය.

හම්බන්තොට මහින්ද රාජපක්ෂ ක්‍රීඩාංගණයේ අද (26 දා) පැවැත්වෙන මෙම තරගය සඳහා ශ්‍රී ලංකාව පිවිසෙන්නේ 1-0 ක් ලෙස තරගාවලිය පෙරමුණ ගනිමිනි. සත්කාරකයින් පළමු තරගයට ක්‍රීඩා කරන ලද ක්‍රීඩකයින් කිසිදු වෙනස් කමක් නොකරමින් මෙම තරගයට අවතීර්ණ වද්දී සංචාරකයින් පළමු තරගයට ක්‍රීඩා කළ හේඩ්න් වෝල්ෂ් වෙනුවට ෆේබියන් ඇලන් කැඳවා තිබේ.

අද තරගය කුසල් ජනිත්ගේ එක්දින තරග දිවියේ මෙන්ම ඇන්ජලෝ මැතිව්ස් සිය මව්බිමේදී සහභාගිවනු ලබන 100 වැනි එක්දින ජාත්‍යන්තර තරගය වීම විශේෂත්වයකි.

ශ්‍රී ලංකා කණ්ඩායම – 1. දිමුත් කරුණාරත්න, 2.අවිශ්ක ප්‍රනාන්දු, 3. කුසල් පෙරේරා, 4. කුසල් මෙන්ඩිස්, 5. ඇන්ජලෝ මැතිව්ස්, 6. ධනංජය ද සිල්වා, 7. තිසර පෙරේරා, 8. වනිඳු හසරංග, 9. ඉසුරු උදාන, 10. ලක්ෂාන් සඳකැන්, 11. නුවන් ප්‍රදීප්.

කොදෙව් කණ්ඩායම – 1. සුනිල් අම්බ්‍රිස්, 2. ෂායි හෝප්, 3. ඩැරන් බ්‍රාවෝ, 4. රොස්ටන් චේස්, 5. නිකොලොස් පූරාන්, 6. කිරන් පොලාර්ඩ් (නායක), 7. ජේසන් හෝල්ඩර්, 8. ෆේබියන් ඇලන්, 9. කීමෝ පෝල්, 10. අල්සාරී ජෝසප්, 11. ශෙල්ඩන් කෝට්‍රල්.