slc
logo
Home   |    News
මාර්තු 13, 2020
උදරයේ ආබාධය බෙන් ස්ටෝක්ස්ගේ හරහට හිටියි

sinhala editor

By Chamila Karawita

එංගලන්ත කණ්ඩායමේ ශ්‍රී ලංකා තරග සංචාරයට සහභාගිවී සිටින තුන් ඉරියව් ක්‍රීඩක බෙන් ස්ටොක්ස්ට උදරයේ ඇතිවී තිබෙන ආබාධයක් හේතුවෙන් කොළඹ පී. සරා ඕවල් ක්‍රීඩාංගණයේ පැවැත්වෙන සිව්දින පුහුණු තරගයෙන් ඉවත් කර ගැනීමට කණ්ඩායම් කළමනාකාරීත්වය පියවර ගෙන තිබේ. කෙසේ වෙතත් ලබන 19 වැනිදා ගාල්ලේදී ආරම්භ වන ටෙස්ට් තරගාවලිය සඳහා ඔහු සහභාගිවන්නේද යන්න මේ වන තෙක් තීරණයක් ගෙන නොමැත.

ශ්‍රී ලංකා ක්‍රිකට් සභාපතිවරයාගේ කණ්ඩායම සමඟ පැවැත්වෙන සිව්දින පුහුණු තරගය සඳහා නම් කරන ලද එංගලන්ත කණ්ඩායමට ස්ටෝක්ස්ගේ නම ඇතුළත් වී තිබුණද පළමු දිනයේදී පන්දුවට පහර දෙන සුපුරුදු අංක 5 ස්ථානයෙන් පන්දුවට පහර දීමට පැමිණීමෙන් වැළකී සිටියේය. ඒ වෙනුවට එම ස්ථානයෙන් පන්දුවට පහර දීමට පැමිණියේ ඔලී පෝප් වන අතර ඔහු ලකුණු 95 ක් රැස් කර ගත්තේය.

තරගයේ දෙවැනි දිනයේ සිට ස්ටෝක්ස්ගේ සහභාගිත්වය අහිමි වන බව පවසමින් ප්‍රකාශයක් නිකුත් කර සිටින එංගලන්ත ක්‍රිකට් ආයතනය, උදරයේ ඇතිවී තිබෙන ආබාධිත තත්ත්වය වැඩිදුරටත් පරීක්ෂණ සිදු කරන හෙයින් මෙම තරගයට සහභාගි නොවන බව සඳහන් කර සිටියි. මෙහිදී වැඩිදුරටත් අදහස් දක්වා සිටින එංගලන්ත ක්‍රිකට් ආයතන “ඔහුගේ තත්ත්වය පිළිබඳ සම්පූර්ණ වාර්තාවන් ලන්ඩනයේ සිට ලැබෙන තෙක් බලා සිටිනවා. ඒ වන තෙක් ඔහු කණ්ඩායම නැවැතී සිටින හෝටලයේ රැඳී සිටිනවා” යනුවෙන් සඳහන් කර සිටියි.

“පැහැදිළිවම කියනවා නම් මෙය වෛරස් ගැටළුවක් හෝ COVID – 19 හෙවත් කොරෝනා වෛරය සම්බන්ධ ආබාධ්‍යක් නොවේ” යැයි ඔවුහු ස්ටෝක්ස්ගේ ආබාධිත තත්ත්වය ගැන තවදුරටත් විග්‍රහ කර සිටිති.

කෙසේ වෙතත් ස්ටෝක්ස්ගේ ආබාධිත තත්ත්වය උත්සන්නව තරගාවලියෙන් ඉවත්වීමට සිදුවුවහොත් එය එංගලන්ත කණ්ඩායමට දරාගත නොහැකි පාඩුවක් වනවා සේම මෙවර තරගාවලියේදී ආබාධ හේතුවෙන් ඉවත් කෙරුණු දැවැන්තම ක්‍රීඩකයින් අතර තුන්වැන්නා බවට ස්ටෝක්ස් පත්වනු ඇත. ඔශුට පෙර මාක් වුඩ් සහ ජොෆ්රා ආචර් ආබාධ හේතුවෙන් මෙම තරග සංචාරයෙන් ඉවත් කෙරිණ.

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

USD United States (US) dollar