slc
logo
Home   |    News
මාර්තු 7, 2020
වනිඳු හසරංගගේ ටෙස්ට් සිහිනය කල් යයි

sinhala editor

By Chamila Karawita

කොදෙව් කණ්ඩායමට එරෙහිව පල්ලකැලේදී පැවැති දෙවැනි විස්සයි-20 තරගයේ පන්දු රකිමින් සිටින අතරතුර ආබාධයකට මුහුණ දුන් තුන් ඉරියව් ක්‍රීඩක වනිඳු හසරංගට සති 6 ක කාලයක් විවේක ගන්නා ලෙස වෛද්‍ය උපදෙස් ලැබී තිබේ. මෙම තත්ත්වය මත ඔහුට එළැඹෙණ 19 වැනිදා එංගලන්ත පිලට එරෙහිව ආරම්භ වන ටෙස්ට් තරගාවලිය සඳහා සහභාගිවීමට තිබූ අවස්ථාව මඟ හැරෙනු ඇත.

තේරීම් කමිටු සභාපති අසන්ත ද මෙල් මහතා සඳහන් කරන ආකාරයට බටහිර ඉන්දීය කොදෙව් පිලට එරෙහිව පැවැති තරගාවලියේදී පා දඟ පන්දු යවන්නකු මෙන්ම පිතිකරුවකු ලෙස දක්වන ලද දක්ෂතා හේතුවෙන් එංගලන්තයට එරෙහි ටෙස්ට් තරගාවලිය සඳහා නම් කරන ලද ටෙස්ට් සංචිතයට වනිඳු හසරංග ඇතුළත්ව සිටි බවයි.

“වනිඳුගේ කලවයේ ආබාධිත තත්ත්වය තරමක ලොකු එකක්. ඒ නිසා ඔහුට සති 6 ක කාලයක් විවේක ගන්න කියලා වෛද්‍යවරු උපදෙස් දීලා තියෙනවා” යැයි පවසා සිටි තේරීම් කමිටුවේ සභාපති ධුරයට අමතරව ශ්‍රී ලංකා පිලේ කළමනාකරු තනතුරේද කටයුතු කරන අසන්ත ද මෙල් මහතා, “එයා කොදෙව් තරගාවලියේදී දක්වපු දක්ෂතා මෙන්ම ඊට කළින් දේශීය තරග පිටියේදී දක්වන ලද දක්ෂතා සියල්ලම සැලකිල්ලට ගනිමින් එංගලන්තයට එරෙහිව ආරම්භ වීමට නියමිත ටෙස්ට් තරගාවලිය සඳහා නම් කරන ලද කණ්ඩායමට ඇතුළත් කරලා තිබුණේ. නමුත් අවාසනාවකට සති 6 ක් විවේග ගන්න වෙන නිසා ඒ අවස්ථාව වනිඳුට අහිමි වෙනවා”යි වැඩිදුරටත් පවසා සිටියේය.

කෙසේ වෙතත් එම තරගය අතරතුරදී ආබාධයකට ගොදුරු වුණු කුසල් පෙරේරාගේ ආබාධිත තත්ත්වය එතරම් බරපතල නොවන බව සඳහන් කර සිටි තේරීම් කමිටු සභාපතිවරයා, “කුසල්ගේ ඇඟිල්ලේ ඇතිවෙලා තියෙන්නේ පොඩි අස්ථි බන්ධනයක තියෙන සුලු ආබාධයක්. ඒකෙන් අස්ථියට කිසිම හානියක් වෙලා නෑ. ගොඩක් වෙලාවට එයට එංගලන්තෙත් එක්ක තියෙන ටෙස්ට් තරගාවලියට ක්‍රීඩා කරන්න පුලුවන් වෙයි” යැයි සඳහන් කර සිටියේය. මාලිංග විසින් ක්‍රියාත්මක කරන ලද පළමු පන්දුවාරයේ පළමු පන්දුවම කුසල් පෙරේරාගේ ඇඟිල්ලේ වැදීම මත ඔහු කඩුලු රැකීමේ කර්තව්‍යයෙන් දික්වැල්ලට භාර දී ක්‍රීඩා පිටියෙන් ඉවතට ගියේය.

කොදෙව් පිල කඩුලු 7 ක ජයක් අත්කර ගන්නා ලද දෙවැනි තරගයේදී බ්‍රෙන්ඩන් කිං එල්ල කරන ලද පහරක් පසු පස හඹා යෑමේදී වනිඳු කලවයේ මස් පිඬු ඉරී යෑමේ ආබාධයකට ගොදුරු විය. එම තත්ත්වය මත අකමැත්තෙන් හෝ වනිඳුට පිටියෙන් ඉවත්ව යෑමට සිදුවූයේ තරගයේ එකම පන්දු වාරයක් හෝ යැවීමට නොහැකි වෙමිනි.

කොදෙව් පිලට එරෙහිව පැවැති පළමු තරගයේදී පන්දු 39 කදී නොදැවී ලකුණු 42 ක් ලබාගනිමින් තරගයේ වීරයා සම්මානයෙන් පිදුම් ලද වනිඳු එදින පැවැති මාධ්‍ය හමුවේදී සඳහන් කර සිටියේ ටෙස්ට් කණ්ඩායමට සුදුසුකම් ලැබීම තමන් සතුව තිබෙන ඉලක්කයන් අතර ප්‍රධානම එකක් බවයි. දෙවැනිතරගයේදී පිතිකරණයෙන් පන්දු 10 කදී ලකුණු 17 ක් සහ පන්දු යවමින් ලකුණු 30 කට කඩුලු 3 ක්දවා ගත් තුන් ඉරියව් ක්‍රීඩකයා තෙවැනි තරගයේදී පන්දු 9 කදී ලකුණු 16 ක් සහ පන්දු යවමින් ලකුණු 41 කට එක් කඩුල්ලක් දවා ගනිමින් එක්දින තරගාවලියේ වීරයා සම්මානයෙන්ද පිදුම් ලැබුවේය.

Active filters

Recent Posts

  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]
  • පළමු තරගයේම තරගයේ දක්ෂතම ක්‍රීඩකයා වීම ගැන සතුටුයි – ප්‍රභාත් ජයසූරිය
    කැන්ඩි ෆැල්කන්ස් කණ්ඩායමේ ප්‍රධාන තුරුම්පුව වන ඇන්ඩ්‍රි ෆ්ලෙචර් සහ දිනේෂ් චන්දිමාල් යන ආරම්භක පිතිකරුවන් දෙදෙනාගේ සබඳතාවය බිඳ දැමීමේ වැදගත්කම දැන සිටි අපගේ කණ්ඩායම (ගෝල් මාවල්ස්) එය ඉටු කර […]

Pin It on Pinterest

LKR Sri Lankan rupee
logo