slc
Home   |    News
අප්‍රේල් 28, 2020
ක්‍රිකට් නැතිව බලපෑමට ලක්වූවන්ට ශ්‍රී ලංකා ක්‍රිකට් ආයතනයෙන් සහන

Sri Lanka Cricket

කොවිඩ් 19 වසංගතය තව දුරටත් නරක අතට හැරීම හේතුවෙන් ක්‍රිකට් තරග පැවැත්වීම තවදුරටත් කල් යන බැවින් එම හේතුවෙන් බලපෑමකට ලක්වූ පාර්ශ්වයන් හඳුනාගනිමින් එම පාර්ශ්වයන්ට සහන සැලසීම උදෙසා මූල්‍යමය ආධාර ලබා දීමට ශ්‍රී ලංකා ක්‍රිකට් පාලනාධිකාරිය පියවර ගෙන තිබේ.

ප්‍රධාන වශයෙන් කොටස් 3 ක් යටතේ මෙම මූල්‍ය ප්‍රතිපාදන ලබා දීමට නියමිත අතර එහිදී ක්‍රීඩාංගණවල සහ ඒවායේ යටිතල පහසුකම් නැංවීම, මූල්‍ය දුෂ්කරතාවන් වලට මුහුණ දී සිටින දිසත්‍රික් සංචිතවල ක්‍රීඩකයින්ට සහ කළමනාකරුවන්ට සහන සැලසීම මෙන්ම මූල්‍ය දුෂ්කරතාවන්වලට මුහුණ දී සිටින ක්‍රිකට් විනිසුරුවන් වෙනුවෙන් එම ප්‍රතිපාදන ලබා දීමට නියමිතය.

ශ්‍රී ලංකා ක්‍රිකට් විධායක කමිටුව ගෙන ඇති මෙම තීරණයට අනුව මාර්තු සහ අප්‍රේල් මාසවලට වලංගු වන පරිදි ක්‍රීඩාංගණවල සහ ඒවායේ යටිතල පහසුකම් ඉහළ නැංවීම සඳහා ක්‍රීඩාංගණයකට රුපියල් ලක්ෂයක් (100,000/=) බැගින්ද ක්‍රීඩාංගණ නඩත්තු කරන ක්‍රීඩා සමාජ 11 කටද, පවත්නා කොවිඩ් වසංගත තත්ත්වය හේතුවෙන් මූල්‍ය දුෂ්කරතාවන්ට මුහුණ දී සිටින දිස්ත්‍රික්ක සංචිතවල ක්‍රීඩකයින්ට සහ කළමනාකරුවන්ට සහන සැලසීම වෙනුවෙන් රුපියල් එක් ලක්ෂ පනස් දාහක් (150,000/=) බැගින් දිස්ත්‍රික්ක 26 කට බෙදා දීමට නියමිතය.

මීට අමතරව ශ්‍රී ලංකා ක්‍රිකට් විනිසුරුවන්ගේ සංගමය කෙරෙහිද ක්‍රිකට් ආයතනයේ අවධානය යොමු වී තිබෙන අතර අතර ඔවුන් වෙනුවෙන් රුපියල් හත්ලක්ෂ අසූදාහක (780,000/=) ක මුදලක් ලබාදීමට ශ්‍රී ලංකා ක්‍රිකට් ආයතනය ඉදිරිපත් වී සිටියි.

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest