Covid 19 වෛරසය මැඬලීම වෙනුවෙන් රජය ගෙන යන වැඩපිළිවෙළට සහයෝගයක් වශයෙන් ශ්‍රී ලංකා ක්‍රිකට් ආයතනය විසින් ලබා දීමට පොරොන්දු වූ මුදල ජනාධිපති ඝෝඨාභය රාජපක්ෂ මහතා විසින් පිහිටුවන ලද සෞඛ්‍ය සහ සමාජ ආරක්ෂණ අරමුදල වෙත පිරිනැමීම අප්‍රේල් 09 වැනි දින සිදුවිය.
රුපියල් මිලියන 25 ක මුදල හෙවත් ලක්ෂ 250 ක වටිනාකමකින් යුතු චෙක්පත ශ්‍රී ලංකා ක්‍රිකට් ආයතනය සභාපති ශම්මි සිල්වා මහතා විසින් අතිගරු ජනාධිපති ඝෝඨාභය රාජපක්ෂ මහතා වෙත ජනාධිපති නිල නිවසේදී භාරදීමට පියවර ගනු ලැබීය.
මෙම අවස්ථාව සඳහා වත්මන් ක්‍රීඩා අමාත්‍ය ඩලස් අලහප්පෙරුම මහතා ද එක්ව සිටි අතර ඔවුන්ට අමතරව වත්මන් ටෙස්ට් සහ එක්දින කණ්ඩායම්වල නායක දිමුත් කරුණාරත්න සහ විස්සයි-20 නායක ලසිත් මාලිංගද එම අවස්ථාවට සහභාගිවී සිටියහ.
