slc
Home   |    News
ජූනි 9, 2020
කාන්තා ක්‍රීඩිකාවන්ගේ කොන්ත්‍රාත් අළුත් කරයි

Sri Lanka Cricket

By Chamila Karawita

මැයි මස පළමුවැනිදා සිට බල පැවැත්වෙන පරිදි ජාතික තලයේ සහ නැගී එන සංචිතයේ පසුවන ක්‍රිකට් ක්‍රීඩිකාවන් සඳහා මාස 6 ක කාලයක් වලංගු වන පරිදි වාර්ෂික කොන්ත්‍රාත් අළුත් කිරීමට ශ්‍රී ලංකා ක්‍රිකට් ආයතනය කටයුතු යොදා තිබේ. ඒ අනුව කාණ්ඩ 5 ක් යටතේ ක්‍රීඩිකාවන් 35 දෙනෙකු මෙම කොන්ත්‍රාත්තුවට ඇතුළත් කර තිබේ. 

‘ඒ’, ‘බී’, ‘සී’ සහ ‘ඩී’ කාණ්ඩ යටතේ ජාතික තලයේ පසුවන ක්‍රීඩිකාවන් 20 ක්ද නැගී එන කාණ්ඩය යටතේ ක්‍රීඩිකාවන් 15 ක්ද මෙම කොන්ත්‍රාත්තුවට ඇතුළත් ව සිටිති. මීට අමතරව නැගී එන කාන්තා කණ්ඩායම නියෝජනය කරනු ලබන ක්‍රීඩිකාවන්ට ඉකුත් වසරේදී ලබා දුන් පරිදිම ස්ථාවර මාසික ගාස්තුවකට අමතරව පැමිණීමේ දීමනාවක්ද ලබා දීමට ශ්‍රී ලංකා ක්‍රිකට් ආයතනය පියවර ගෙන තිබේ. 

අදාළ කොන්ත්‍රාත් ගත කිරීම අනුව ප්‍රධානම කාණ්ඩය වන්නේ ‘ඒ’ කාණ්ඩය වන අතර වත්මන් විස්සයි-20 නායිකා චමරි අතපත්තු පමණක් ඇතුළත්වීම කැපී පෙනෙයි. ගෙවී ගිය වසරේ මෙම කාණ්ඩයට හිටපු එක්දින නායිකා ශෂිකලා සිරිවර්ධන සහ ඉනෝකා රණවීර ඇතුළත්ව සිටි අතර ඉකුත් ශෂිකලා ලෝක කුසලානයෙන් පසු ජාත්‍යන්තර දිවියෙන් සමුගත්තාය.

ගෙවී ගිය කාල සීමාවේදී විස්සයි-20 තරග අංශයේ දක්ෂතා අතරට පැමිණීමට ඉනෝකා රණවීරට නොහැකි වීම මත නව කොන්ත්‍රාත්තුව යටතේ ඇය බී කාණ්ඩයේ පසුවන්නීය.  ‘බී’ කාණ්ඩය යටතේ ඉකුත් වසරේ ක්‍රීඩිකාවන් 5 දෙනෙකුද කොන්ත්‍රාත් ගතව සිටියද මෙම වසරේ එය 8 දක්වා වැඩි කර තිබෙන අතර ඒ අතර ඉකුත් වසර පුරාවටම පිතිකාරිණියක් ලෙස දස්කම් දැක්වූ හර්ෂිතා මාධවීද පසුවන්නීය. ඇය අවසන් වර කොන්ත්‍රාත්ගත කිරීමේදී ‘සී’කාණ්ඩයට ඇතුළත්ව සිටියාය. 

ඉකුත් වසරේදී දක්වන දක්ෂතා සැලකිල්ලට ගනිමින් හේමන්ත දේවප්‍රිය මහතාගේ ප්‍රධානත්වයෙන් යුතු කාන්තා ක්‍රිකට් තේරීම් කමිටුව විසින් ශ්‍රී ලංකා ක්‍රිකට් ආයතන වෙත සිදුකරන ලද නිර්දේශ කිරීම මත මෙම කොන්ත්‍රාත් ලබා දීම ශ්‍රී ලංකා ක්‍රිකට් ආයතනය විසින් සිදු කරන ලදී. 

කොන්ත්‍රාත්තුවට ඇතුළත් ක්‍රීඩිකාවන් මෙසේය. 

‘ඒ’ කාණ්ඩය – චමරි අතපත්තු

 ‘බී’ කාණ්ඩය – අනුෂිකා සංජීවනී, ඕෂදි රණසිංහ, ඉනෝකා රණවීර, නිලක්ෂි ද සිල්වා, සුගන්දිකා කුමාරි, උදේෂිකා ප්‍රබෝධනී, හසිනි පෙරේරා, හර්ෂිතා මාධවී.

‘සී’ කාණ්ඩය – ඩිලානි මනෝදරා, ප්‍රසාදිනී වීරක්කොඩි, කවීෂා දිල්හාරි.

‘ඩී’ කාණ්ඩය – අමා කාංචනා, ඉමල්කා මෙන්ඩිස්, ඉනෝෂි ප්‍රනාන්දු, අචිනි කුලසූරිය, හංසිමා කරුණාරත්න, මධුෂිකා මෙත්තානන්ද, උමේෂා තිමාෂින, සත්‍යා සංදීපනී. 

නැගී එන කාණ්ඩය – මල්ෂා ෂෙහානි, ලිහිණි අප්සරා, තාරිකා සෙව්වන්දි, ජිමාංජලී විජේනායක, හර්ෂනී විජේරත්න, ශෂිකලා සිල්වා, සචිනි නිසංසලා, ඉරේෂා සඳමාලී, තාරුකා ෂෙහානි, නිලක්ෂණා සඳමිණී, රෝස් පෙරේරා, ජනාදි අනාලී, ශිකාරි නිවර්තනා, තිලිෂියා සත්සරණි, සඳුනි නිසංසලා. 

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest