slc
logo
Home   |    News
ජූනි 3, 2020
කිසිම ක්‍රීඩකයෙක්ට තරග පාවාදීමේ විමර්ෂණයක් නෑ

Sri Lanka Cricket

තරග පාවාදීම් හෝ විෂමතා සම්බන්ධයෙන් වත්මන් ශ්‍රී ලංකා කණ්ඩායමේ කිසිම ක්‍රීඩකයකුට එරෙහිව ජාත්‍යන්තර ක්‍රිකට් කවුන්සිල විසින් පරීක්ෂණ සිදු නොකරන බව ශ්‍රී ලංකා ක්‍රිකට් ආයතනය වගකීමෙන් කරුණු අවධාරණය කර සිටින අතර මේ පිළිබඳව ජාත්‍යන්තර ක්‍රිකට් ආයතනය විසින් ශ්‍රී ලංකා ක්‍රිකට් ආයතනය වෙත කිසිදු දැනුම්දීමක් හෝ කර නොමැති බව සඳහන් කර සිටියි.

අද දිනයේදී එක්තරා දිනපතා පුවත්පතක් විසින් ශ්‍රී ලංකා කණ්ඩායමේ ක්‍රීඩකයින් තිදෙනෙකු සම්බන්ධව අන්තර්ජාතික ක්‍රිකට් කවුන්සිලයේ දූෂණ විරෝධී ඒකකය විසින් විමර්ෂනයක් සිදුකරමින් තිබෙන බවට පළ කර තිබෙන පුවත සම්බන්ධව අවධානය යොමු කරමින් නිවේදනයක් නිකුත් කර සිටින ශ්‍රී ලංකා ක්‍රිකට් ආයතනය උක්ත කරුණ සම්බන්ධව කරුණු අවධාරණය කර සිටියි.

පාසල් වල යටිතල පහසුකම් නංවාලීම සඳහා භාවිතා කරන නඩත්තු උපකරණ  සහ පාසල් ක්‍රිකට් පුහුණුකරුවන් වෙත මුදල් බෙදාදීම වෙනුවෙන් ඊයේ (02 දා) පැවැති මාධ්‍ය හමුවේදී ක්‍රීඩා අමාත්‍යවරයා විසින් ප්‍රකාශ කරන ලද කරුණක් උපුටා දක්වමින් එම ප්‍රවෘත්තිය පළ කර තිබෙන නමුත් එම ප්‍රවෘත්ති වාර්තාව වාර්තා කළ පරිදි වත්මන් කණ්ඩායමේ හෝ ශ්‍රී ලංකා ක්‍රිකට් ආයතනය සමඟ කොන්ත්‍රාත්ගතව සිටින කිසිම ක්‍රීඩකයකුට එරෙහිව එවැනි කිසිම පරීක්ෂණයක් ජාත්‍යන්තර ක්‍රිකට් කවුන්සිලය විසින් විමර්ෂනයක් සිදු නොකරන බව යළිත් වරක් අවධාරණය කර සිටියි. මෙහිදී ගරු අමාත්‍යවරයා සැබැවින්ම එම අවස්ථාවේ සදහන් කරන ලද්දේ හිටපු ක්‍රීඩකයින් තිදෙනෙකුට එරෙහිව ජාත්‍යන්තර ක්‍රිකට් කවුන්සිලය විසින් සිදුකරන ලද පරීක්ෂණය ගැන මිස වර්තමාන ජාතික කණ්ඩායමේ සිටින ක්‍රීඩකයන් පිළිබඳව නොවන බව දැඩිව විශ්වාස කරන බව මේ පිළිබඳව නිකුත් කරන ලද නිවේදනයේ වැඩිදුරටත් සඳහන් වේ.

වසර කීපයකට ඉහත හිටපු ක්‍රීඩකයින් කීප දෙනෙකුට එවැනි චෝදනාවන් එල්ල වූ නමුත්, ඒ පිළිබඳව අවධානය යොමු කළ ශ්‍රී ලංකා ක්‍රිකට් දූෂණ විරෝධී ඒකකය ක්‍රිකට් ක්‍රීඩාවේ ගුණාත්මක භාවය සහ ආරක්ෂාකර ගැනීමේ වැදගත් කම සහ ඒ සම්බන්ධව ගනුලබන බරපතල පියවරයන් පිළිබඳව ක්‍රීඩකයින්ට මෙන්ම නිලධාරීන්ව දැනුවත් කිරීමට පියවර ගනු ලැබීය.

එපමණක් නොව මෙරට පාසල් ක්‍රීඩාව, ක්‍රීඩා සමාජ, දිස්ත්‍රික් සහ පළාත් ක්‍රිකට් සංගම් සහ ජාතික ක්‍රිකට් ක්‍රීඩකයින්ආවරණය වන පරිදි දූෂණ විරෝධී වැඩසටහන් රාශියක් පැවැත්වීමට ශ්‍රී ලංකා ක්‍රිකට් ආයතන දූෂණ විරෝධී ඒකකය විසින් වැඩසටහන් රාශියක් පැවැත්වීමට පියවර ගනු ලැබීය.

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest