slc
logo
Home   |    News
සැප්තැම්බර් 28, 2020
බංග්ලාදේශ පිලේ ශ්‍රී ලංකා තරග සංචාරය ආයෙත් කල් යයි

Sri Lanka Cricket

කොවිඩ් 19 වසංගත තත්ත්වය තවමත් යහපත් අතට පත් නොවීම හේතුවෙන් මෙම සැප්තැම්බර් මස සිට ඔක්තෝම්බර් මස දක්වා කාලය තුළ පැවැත්වීමට නියමිතව තිබූ බංග්ලාදේශ ක්‍රිකට් කණ්ඩායමේ ශ්‍රී ලංකා තරග සංචාරය නැවතත් දින නියමයක් නොමැතිව කල් දැමීමට දෙරටේ ක්‍රිකට් බලධාරීහු තීරණය කර තිබේ.

රටකින් රටකට සංචාරය කිරීමේදී නීරෝධායන අවශ්‍යතා වැනි වර්තමාන සෞඛ්‍ය තත්ත්වයන් සහ එහි රෙගුලාසීන් සලකා බැලීමෙන් පසු ශ්‍රී ලංකා ක්‍රිකට් ආයතනයත් බංග්ලාදේශ ක්‍රිකට් ආයතනයත් එම තීරණයට එළැඹ තිබේ.

ලෝක ටෙස්ට් ශූරතාවලිය යටතේ පැවැත්වීමට නියමිතව තිබූ තරග 3 කින් සමන්විත මෙම තරගාවලිය, ඉදිරි කාලයේදී දෙරටේම ක්‍රීඩා කාල සටහන විවේකීව පවතින අවස්ථාවකදී  පැවැත්වීමට දෙපාර්ශ්වය අදහස් කර සිටිති.

මෙම තරගාවලිය ඉකුත් ජුලි මස අග භාගයේදී පැවැත්වීමට නියමිතව තිබුණත් එම කාල සීමාවේදීත් කොවිඩ් 19 වසංගත තත්ත්වය බලපෑම හේතුවෙන් සැප්තැම්බර් සහ ඔක්තෝම්බර් මාසයන් දක්වා කල් දැමිණ. යෝජිත වූ පරිදි ටෙස්ට් තරග සංචාරය සඳහා බංග්ලාදේශ ක්‍රිකට් පිල සැප්තැම්බර් මස 27 වැනිදා ශ්‍රී ලංකාවට පැමිණීමට නියමිතව තිබුණි.

ඉකුත් පෙබරවාරි මාසයේදී බටහිර ඉන්දීය කොදෙව් කණ්ඩායමේ ශ්‍රී ලංකා තරග සංචාරය යටතේ පැවැති එක්දින සහ විස්සයි-20 තරගාවලි පැවැත්වීමෙන් අනතුරුව ගෙවී ගිය කාල සීමාවේදී පැවැත්වීමට නියමිතව තිබූ එකම තරගාවලියක් හෝ පැවැත්වීමේ අවස්ථාව ශ්‍රී ලංකාවට අහිමිව ගියහ. තරග 2 කින් සමන්විත ටෙස්ට් තරගාවලියකට සහභාගිවීම සදහා එංගලන්ත කණ්ඩායම ඉකුත් මාර්තු මසදී මෙරටට පැමිණියද කොරෝනා වෛරසයේ බලපෑම හේතුවෙන් සරා ඕවල් පිටියේ පැවැති සිව්දින පුහුණු තරගය අතරතුරදී  තරගාවලිය අතහැර එංගලන්ත පිල යළි සිය රට බලා පිටත්ව ගියේය.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee