slc
Home   |    News
දෙසැම්බර් 11, 2020
ප්‍රසාද සටහනේ #1 ට එන සටනේදී ළහිරු-හිමේෂ්- කවිඳු LPL වරම් ලබයි

sinhala editor

Chamila Karawita reporting from Hambantota

“My11Circle ලංකා ප්‍රිමියර් ලීග්” පන්දුවාර විස්සයි-20 ලීග් ක්‍රිකට් තරගාවලියේ පළමු වටයේ අවසන් තරගය බවට පත්ව සිටින දඹුල්ල වයිකින්ස් සහ කලම්බු කිංග්ස් අතර තරගයේ කාසියේ වාසිය දිනූ කලම්බු කිංග්ස් නායක ඇන්ජලෝ මැතිව්ස් ප්‍රථමයෙන් පන්දු රැකීමට තීරණය කළේය.

කලම්බු කිංග්ස් කණ්ඩායම අද තරගයේදී ඇන්ඩ්‍රෙ රසල් සහ ඉසුරු උදාන විවේක ගන්වමින් අවතීර්ණ වී සිටින අතර එහිදී නවක ක්‍රීඩකයින් දෙපළක් වන ළහිරු උදාර සහ හිමේෂ් රාමනායක කණ්ඩායමට කැඳවා තිබේ. ළහිරු උදාර අවසන් වුණු දේශීය ප්‍රධානතම ලීග් ක්‍රිකට් තරකාවලියේ වැඩිම ලකුණු ලබාගත් පිතිකරුවා වන්නේය. හිමේෂ් රාමනායක යනු හිටපු ටෙස්ට් ක්‍රීඩකයකු මෙන්ම වේග පන්දු පුහුණුකරුවකු ලෙසින් කටයුතු කළ චම්පක රාමනායක මහතාගේ දෙවැනි පුත්‍රයා වේ. ඔහුද දේශීය තරගාවලියේදී  එස්. එස්. සී, ක්‍රීඩා සමාජය වෙනුවෙන් වේග පන්දු යවන්නකු ලෙස ක්‍රීඩා කරමින් දක්ෂතා දැක්වීමට සමත්වූ අයෙකි.

දඹුල්ල කණ්ඩායම අද තරගයේදී වෙනස් කම් 5 ක් සිදුකරමින් අවතීර්ණ වුවද මංගල තරග වරම් ලබා ගැනීමට වාසනාවන්තවූයේ කවිඳු නදීෂාන්ය. තවමත් 19 වැනි වියේ පසුවන කවිඳු අම්බලන්ගොඩ ධර්මාශෝක විදුහළින් වයස අවුරුදු 19 න් පහළ ජාතික කණ්ඩායම නියෝජනය කිරීමට වරම් ලැබූවෙකි.

මෙම තරගයේ ප්‍රතිඵලය මත ප්‍රසාද ලකුණු සටහනේ පෙරමුණ ගනු ලබන කණ්ඩායම කවුරුන්ද යන්න තීරණය වනු ඇත. දසුන් ශානකගේ නායකත්වයෙන් යුතු දඹුල්ල වයිකින්ස් ලකුණු 11 ක් ලබා ගනිමින් ප්‍රසාද ලකුණු පෙරමුණේ පසුවන අතර කලම්බු කිංග්ස් පිල ලකුණු 10 ක් ලබමින් එහි දෙවැනි ස්ථානයේ පසුවෙයි.

මෙම තරගයෙන් ජය ගනු ලබන කණ්ඩායම ප්‍රසාද ලකුණු සටහනේ අවසන් කණ්ඩායම බවට පත්ව සිටින ගෝල් ග්ලැඩියේටර් පිල සමඟ අවසන් පූර්ව තරග සටනට සුදුසුකම් ලබනු ඇත. ඒ අනුව දෙවැනි ස්ථානය ගනු ලබන කණ්ඩායම තෙවැනි ස්ථානයේ පසුවන ජැෆ්නා ස්ටැලියන්ස් පිල සමඟ තරග වදිනු ඇත.

කලම්බු කිංග්ස් – දිනේෂ් චන්දිමාල්, ලෝරී එවන්ස්, ඩැනියල් බෙල්, ඇන්ජලෝ මැතිව්ස් (නායක), තික්ෂිල ද සිල්වා, ළහිරු උදාර, අශාන් ප්‍රියන්ජන්, කේස් අහමඩ්, තරිඳු කෞෂාල්, දුෂ්මන්ත චමීර, හිමේෂ් රාමනායක

දඹුල්ල වයිකින්ස් – උපුල් තරංග, නිරෝෂන් දික්වැල්ල, කවිඳු නඳීෂාන්, පුලින තරංග, ඇන්ජලෝ පෙරේරා, දසුන් ශානක (නායක), සමිඋල්ලා ශින්වාරි, සමිත් පටෙල්, මාලින්ද පුෂ්පකුමාර, අන්වර් අලී, ළහිරු කුමාර

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest