slc
logo
Home   |    News
මාර්තු 11, 2021
ෂායි හෝප්ගේ ශතකයෙන් කොදෙව්වෝ පෙරමුණ ගනිති

sinhala editor

ෂායි හෝප් විසින් රැස් කරන ලද විශිෂ්ඨ ශතකයත්, එවින් ලුවිස් සමඟ පළමු කඩුල්ල වෙනුවෙන් ගොඩනංවන ලද සාර්ථක සම්බන්ධතාවයත් හේතුකොට ගෙන ශ්‍රී ලංකාවට එරෙහිව අද (10 ද) ඇන්ටිගුවාහි ආරම්භ වුණු පළමු එක්දින තරගයෙන් ශ්‍රී ලංකාව පරදා කඩුලු 8 ක පහසු ජයක් වාර්තා කිරීමට බටහිර ඉන්දීය කොදෙව් කණ්ඩායම සමත්විය. මෙම ජයත් සමග තරග 3 කින් සමන්විත එක්දින තරගාවලිය 1-0 ක් ලෙස කොදෙව්වෝ පෙරමුණ ගත්හ.

මෙම දක්ෂතා ප්‍රධාන කොට ජයග්‍රහණය සඳහා ලකුණු 233 ක ඉලක්කයක් හඹා ගිය කොදෙව් කණ්ඩායම පන්දුවාර 3 ක් ඉතිරිව තිබියදී ජයග්‍රහණය සනිටුහන් කර ගන්නා අවස්ථාවේදී කඩුලු 2 ක් පමණක් දවා ගැනීමට ප්‍රතිවාදී පන්දු යවන්නෝ සමත්වී සිටියහ.

ශ්‍රී ලංකාවේ ප්‍රධාන අවිය බවට පත් වුණු දඟ පන්දු යවන්නන් හමුවේ කිසිදු අපහසුතාවයකින් තොරව පිති හැසිරවූ ලුවිස්-හෝප් දෙපළ ආරම්භක කඩුල්ල වෙනුවෙන් ලකුණු 143 ක දැවැන්ත ලකුණු සංඛ්‍යාවක් ගොඩනංවමින් ජයග්‍රහණය සඳහා වූ ස්ථාවර අඩිතාලම එක් කළහ. එම සම්බන්ධතාවයේදී ලුවිස් පන්දු 90 කදී ලකුණු 65 ක් ලබා ගත්තේය.

හඹා යෑමට නියමිත ලකුණු සංඛ්‍යාව පිළිබඳව හරි අවබෝධයක් ලබා ගත් ෂායි හෝප් වැඩි කලබලයකින් තොරව ලකුණු රැස් කිරීමට පෙළැඹීම මත තරගයේ ජයග්‍රහණය පමණක් නොව සිය එක්දින තරග දිවියේ දහවැනි ශතකයද වාර්තා කිරීමට සමත්වූවේය. මුහුණ දුන් 125 වැනි පන්දුවේදී ශතකය සම්පූර්ණ කරගත් දකුණත් පිතිකරුවා දුෂ්මන්ත චමීරගේ දෙවැනි කඩුල්ල ලෙසින් දැවී යන විට හයේ පහරක් සහ හතරේ පහර 12 ක් සමඟින් පන්දු 133 කදී ලකුණු 110 ක් ලබා සිටියේය.

හැකි තරම් කරදර අවම කර ගනිමින් ලකුණු රැස් කිරීමට වග බලාගත් කොදෙව් ආරම්භක පිතිකරුවන් යුගලය ශ්‍රී ලංකා නායකයා දඟ පන්දු යවන්නන් කැඳවීමට පෙර වූ පන්දුවාර 9 ඇතුළත පළමු ලකුණු 50 රැස් කර ගැනීමට සමත්වූහ. ශ්‍රී ලංකා පිලේ බලාපොරොත්තුව බවට පත්ව සිටින වනිඳු හසරංග හමුවේ දැඩි ආරක්ෂිත පිළවෙළක් කොදෙව් පිතිකරුවන් විසින් අනුගමනය කිරීම දක්නට ලැබුණු අතර එහිදී ඔහුගේ පන්දුවාර 10 දී ලකුණු 26 ක් පමණක් ලබාගෙන තිබුණු එක් කඩුල්ලක් හෝ ලබා නොදෙමිනි.

 පළමු කඩුල්ල වෙනුවෙන් ලකුණු 105 ක සාර්ථක සම්බන්ධතාවයක් සමඟ ආරම්භ වුණු ශ්‍රී ලංකා කණ්ඩායමේ ලකුණු ලබා ගැනීම විටෙක ලකුණු 300 සීමාව ඉක්මවා ලබාගනු ඇති බවට පෙර නිමිත් පහළ විය. එහෙත් අද තරගයේදී එක්දින වරම් දිනාගත් අෂේන් බණ්ඩාර හැර මැද පෙළ පිතිකරුවන්ගේ දායකත්වය නොලැබී යෑම මත ශ්‍රී ලංකා ඉනිම පන්දුවාර 49 කදී ලකුණු 232 කට සීමා විය.

ලකුණු 151 ක් වන විට කණ්ඩායමේ නම් දරා සිටින ‍ජ්‍යෙෂ්ඨ පිතිකරුවන් සියල්ල දැවී යද්දී බර කරට ගත් අෂේන් බණ්ඩාර පසු පෙළ පිතිකරුවන් සමඟ එක්වෙමින් සිය කණ්ඩායමේ ගෞරවය රැක දුන්හ. එහිදී කමිඳු මෙන්ඩිස්ගේ සිට එක්වූ බණ්ඩාර අවසන් පිතිකරුවන් 5 දෙනා සමඟ ලකුණු 81 එක් කළහ. මෙම තරගය සිය මංගල තරගය කරගත් බණ්ඩාර එම මංගලඉනිමේදීම අර්ධ ශතකයක් වාර්තා කිරීම කැපී පෙනෙයි. ශ්‍රී ලංකාව වෙනුවෙන් පළමු තරගයේදී අර්ධ ශතකයක් රැස් කරන ලද 5 වැනි පිතිකරුවා බවට පත්වුණු බණ්ඩාර ඉනිමේ 9 වැනි පිතිකරුවා ලෙසින් දැවී යන විට පන්දු 60 කදී ලකුණු 50 ක් රැස් කරගෙන සිටියේය.

අගනා ආරම්භයක් ලබා දුන් ධනුෂ්ක ගුණතිලක සහ දිමුත් කරුණාරත්න 19 වැනි පන්දුවාරයේ පන්දු 3 ක් ඇතුළත අර්ධ ශතක ඉක්මවා ගියහ. එහිදී ප්‍රථමයෙන්ම ධනුෂ්ක ගුණතිලක එම කඩඉම ඉක්මවා ගියේ සිය එක්දින දිවියේ 9 වැනි අර්ධ ශතකය සනිටුහන් කරගනිමිනි. මුහුණ දුන් 58 වැනි පන්දුවේදී දිමුත් කරුණාරත්න සිය එක්දින තරග දිවියේ 6 වැනි අර්ධ ශතකය සම්පූර්ණ කර ගත්තේය.

කෙසේ වෙතත් පන්දු යැවූ කිරන් පොලාර්ඩ් විසින් දිමුත් කරුණාරත්නගේ පෙරළා රැකි දක්ෂ උඩ පන්දුව හේතුවෙන් ශ්‍රී ලංකා කණ්ඩායමේ පිරිහීම ආරම්භ විය. එයට තවත් රුකුලක් වූයේ ධනුෂ්ක ගුණතිලකගේ දැවී යෑම වෙනුවෙන් ලබා දුන් මතභේදාත්මක දැවී යෑමය. පන්දු රකින්නන්ට බාධා කළේ යැයි කියමින් සිදුකරන ලද ඉල්ලීමකට ප්‍රතිචාර දක්වමින් එය දැවී යෑමක් ලෙස සටහන් කිරීම හේතුවෙන් ගුණතිලකග් ඉනිම ලකුණු 55 කදී අවසන් කර දැමීමට සිදුවිය. මේ කඩුලු 2 ම දැවී යෑමට ගත් වූයේ පන්දු 11 ක් යවන කාලය පමණි. මෙම තරගයේදී එක්දින වරම් දිනාගත් පැතුම් නිස්සංක මෙන්ම ඇන්ජලෝ මැතිව්ස්ද දුවද්දී දැවී යෑම් වලට හසුව දැවී යෑම ශ්‍රී ලංකා පිලට දරාගත නොහැකි පාඩුවක් විය. ඔවුන් දෙදෙනාම ලකුණු 8 සහ 5 බැගින් ලබාගෙන සිටියහ.

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo