slc
logo
Home   |    News
අප්‍රේල් 28, 2021
සඳකැන් සහ චාමික පුහුණුවීම් අරඹති

sinhala editor

බංග්ලාදේශයට එරෙහි දෙවැනි ටෙස්ට් තරගය සඳහා ශ්‍රී ලංකා සංචිතයට කැඳවන ලද ලක්ෂාන් සඳකැන් සහ චාමික කරුණාරත්න නීරෝධායන කාල සීමාව අවසන් කරමින් ශ්‍රී ලංකා කණ්ඩායම සමඟ වන පුහුණුවීම් සඳහා අද (28 දා) සහභාගිවූහ.

පළමු ටෙස්ට් තරගය ආරම්භවීමට පෙරම ඩිල්ෂාන් මධුශංකද තරගය අතරතුර ළහිරු කුමාරද ආබාධවලට ලක්වීම නිසා සඳකැන් සහ චාමික කණ්ඩායමට නම් කරන ලද අතර සෞඛ්‍ය මාර්ගෝපදේශයන්වලට අනුකූලව ඔවුන්ව කණ්ඩායමට එක් කර තිබුණි.

දෙවැනි ටෙස්ට් තරගය ඉලක්ක කොට ශ්‍රී ලංකා කණ්ඩායම ඊයේ (27 වැනිදා) දිනයේදීත් පල්ලකැලේ ජාත්‍යන්තර ක්‍රීඩාංගණයේ පුහුණුවීම් වල නිරත වුවද නීරෝධායන කාල සීමාව සම්පූර්ණ නොවීම මත සඳකැන් සහ චාමිකට ඔවුන් සමඟ පුහුණු කිරීමේ අවස්ථාව අහිමි වූ කණ්ඩායම් කළමනාකරු මනූජ කාරියප්පෙරුම මහතා සඳහන් කර සිටියේය.

පී. සී. ආර්. පරීක්ෂණවලින් පසු සෑම දිනකදීම ඇන්ටිජන්ට් පරීක්ෂණ සඳහා මොවුන් දෙපළ භාජනය කළ බව සඳහන් කර සිටි කාරියප්පෙරුම මහතා, කණ්ඩායම සමඟ එකට පුහුණුවීම් කිරීමේ අවස්ථාව අද දිනයේ සිට ඔවුන්ට උදාවූ බව සඳහන් කර සිටියේය.

වමත් දඟ පන්දු යවන්නකු වන සඳකැන් සිය මැණික් කිටුව උපයෝගී කර ගනිමින් දඟ පන්දු යැවීමේ නිරත වෙයි. 2016 වසරේදී ඔස්ට්‍රේලියාවට එරෙහිව පල්ලකැලේ ක්‍රීඩාංගණයේදීම මංගල ටෙස්ට් වරම්දිනා ඇති සඳකැන් මේ වන වටෙ ටෙස්ට් තරග 11 කට සහභාගිවී කඩුල්ලක් දවා ගැනීමේ සාමාන්‍ය 34.48 ක් රඳවා තබා ගනිමින් කඩුලු 37 ක් දවා ගැනීමට සමත්ව සිටින්නේය. සඳකැන්ට අමතරව නවක ක්‍රීඩක ප්‍රවීන් ජයවික්‍රමද මේ වන විටත් ශ්‍රී ලංකා සංචිතයේ පසුවෙයි. කණ්ඩායමට එක්වී සිටින අනෙක් ක්‍රීඩකයා වන චාමික කරුණාරත්නද 2019 වසරේදී ඔස්ට්‍රේලියාවට එරෙහිව මංගල ටෙස්ට් තරගයට ක්‍රීඩා කරමින් එක් කඩුල්ලක් දවා ගැනීමට සමත්ව සිටියි.  

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar