ශ්‍රී ලංකා කාන්තා ක්‍රිකට් කණ්ඩායමේ ප්‍රධාන පුහුණුකරු ලෙස හෂාන් තිලකරත්න මහතාව පත් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ. ඒ අනුව තිලකරත්න මහතාගේ පත්වීම ජුනි මස 01 වැනිදා සිට ක්‍රියාත්මක වනු ඇත.

ශ්‍රී ලංකා ක්‍රිකට් යටතේ වන ඉහල කාර්යය සාධන මධ්‍යස්ථානයේ සේවයේ නියුතු පුහුණුකරුවන් ප්‍රතිව්‍යුහගත කිරීමේ එක් කොටසක් ලෙස තිලකරත්න මහතාගේ නවතම පත්වීම සටහන් වේ. 1996 ලෝක කුසලාන දිනූ ශ්‍රී ලංකා කණ්ඩායමේ සාමාජිකයකු වන තිලකරත්න මහතා, මෙම තනතුරට පෙර ශ්‍රී ලංකා ක්‍රිකට් පුහුණු අංශයේ යටතේ පුහුණු තනතුරු කීපයක්ම හොබවා තිබේ.

ඒ අතඑ වයස අවුරුදු 19 න් පහළ යොවුන් කණ්ඩායමේ ප්‍රධාන පුහුණුකරු සහ ශ්‍රී ලංකා නැගී එන කණ්ඩායමේ පිතිකරණ පුහුණු කරු ලෙස කටයුතු කර තිබේ. එමෙන්ම ඉකුත් වසරේ පැවැති ලංකා ප්‍රිමියර් ලීග් තරගාවලියට ක්‍රීඩා කළ කැන්ඩි ටස්කර්ස් කණ්ඩායමේ ප්‍රධාන පුහුණුකරු ලෙසින්ද තිලකරත්න මහතා කටයුතු කළේය.