slc
logo
Home   |    News
ජූනි 17, 2021
පුහුණු තරගයෙන් කුසල්ලා සම වෙයි

sinhala editor

එංගලන්තයට එරෙහිව පැවැත්වෙන විස්සයි-20 සහ එක්දින තරගාවලියට පෙර ශ්‍රී ලංකා කණ්ඩායම දෙපිළ බෙදී හෙවත් කුසල් පෙරේරා කණ්ඩායම සහ කුසල් මෙන්ඩිස් කණ්ඩායම් අතර පැවැති පළමු පුහුණු එක්දින තරගය ලකුණු සම වෙමින් අද (16 දා) නිමාවට පත්විය.

තරගයේ ප්‍රථමයෙන් පන්දුවට පහර දුන් මෙන්ඩිස්ගේ කණ්ඩායම නියමිත පන්දුවාර 50 අවසනදී කඩුලු 9 ක් දැවී ලබා දුන් ලකුණු 251 ක ඉලක්කය හඹා යෑමේදී නියමිත පන්දුවාර 50 අවසනදී කුසල් පෙරේරාගේ කණ්ඩායමටද කඩුලු 9 ක් දැවී රැස් කර ගත හැකි වූයේ ලකුණු 250 ක් පමණක් වීම කැපී පෙනෙයි.

පන්දුවාර 50 කට සීමා වෙමින් පැවැති මෙම තරගයේදී දෙපිළෙන්ම අර්ධ ශතක 2 ක් වාර්තා වුණු අතර එහිදී මෙන්ඩිස්ගේ පිල වෙනුවෙන් රමේෂ් මෙන්ඩිස් ලකුණු 71 ක් ද පෙරේරාගේ පිල වෙනුවෙන් අවිෂ්ක ප්‍රනාන්දු ලකුණු 64 ක්ද ලබා ගත්හ.

ඊට අමතරව ඉසුරු උදාන මෙන්ඩිස්ගේ පිල වෙනුවෙන් ලකුණු 44 ක් රැස් කර ගනිද්දී පෙරේරාගේ පිල වෙනුවෙන් දසුන් ශානක ලකුණු 44 ක් රැස් කර ගනිමින් සටන්කාරී අවසානයක් කරා තරගෙය රැගෙන ගියේය. මොවුන් දෙදෙනාම දෙවැනියට වැඩිම ලකුණු ලද පිතිකරුවන් බවට පත්වීමද කැපී පෙනෙයි.

පන්දු යැවීමේදී කුසල් පෙරේරාගේ කණ්ඩායමේ අකිල ධනංජය සහ චාමික කරුණාරත්න ද මෙන්ඩිස්ගේ කණ්ඩායම වෙනුවෙන් අසිත ප්‍රනාන්දු කඩුලු 3 බැගින් බිඳ හෙළූහ. ඊට අමතරව පෙරේරාගේ පිල වෙනුවෙන් බිනුර ප්‍රනාන්දු ද මෙන්ඩිස්ගේ පිල වෙනුවෙන් දුෂ්මන්ත චමීර සහ ප්‍රවීන් ජයවික්‍රම කඩුලු 2 බැගින් බිඳ හෙළූහ.

මෙන්ඩිස් පිල පන්දුවාර 50 කදී කඩුලු 9 කට ලකුණු 250 යි – (රමේෂ් මෙන්ඩිස් 71, ඉසුරු උදාන 44, ඕෂද ප්‍රනාන්දු 39, අකිල ධනංජය 28/3, චාමික කරුණාරත්න 38/3, බිනුර ප්‍රනාන්දු 38/2, නුවන් ප්‍රදීප් 20/1)

පෙරේරා පිල පන්දුවාර 50 කදී කඩුලු 9 ට ලකුණු 250 යි – (අවිෂ්ක ප්‍රනාන්දු 64, දසුන් ශානක 44, ධනුෂ්ක ගුණතිලක 30, කුසල් පෙරේරා 28, අසිත ප්‍රනාන්දු 43/3, දුෂ්මන්ත චමීර 26/2, ප්‍රවීන් ජයවික්‍රම 44/2, වනිඳු හසරංග 37/1, රමේෂ් මෙන්ඩිස් 39/1)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar