slc
logo
Home   |    News
ජූනි 8, 2021
විස්සයි-20 පිලේ නායකත්වයත් කුසල් පෙරේරාට

sinhala editor

අවසන් වරට බංග්ලාදේශ තරග සංචාරයට සහභාගිවුණු ක්‍රීඩකයින් 18 දෙනාගෙන් අෂේන් බණ්ඩාර හැර අනෙත් ක්‍රීඩකයින් 17 දෙනාම එංගලන්තයට එරෙහිව පැවැත්වෙන තරග සංචාරය සඳහා නම් කරන ලද ශ්‍රී ලංකා කණ්ඩායමට කණ්ඩායමට ඇතුළත්ව සිටිති. කුසල් පෙරේරාගේ නායකත්වයෙන් යුතුව අද (09 දා) රාත්‍රියේදී එංගලන්තය බලා පිටත්ව යන ශ්‍රී ලංකා කණ්ඩායම ක්‍රීඩකයින් 24 දෙනෙකුගෙන් සමන්විත වේ.

මෙම තරගාවලිය යටතේ එක්දින තරගවලට අමතරව විස්සයි-20 තරග 3 ක්ද පැවැත්වෙන අතර එම තරග අංශයේ මීට පෙර නායකයා ලෙස කටයුතු කරන ලද දසුන් ශානක සංචිතයේ සිටියදීම සුදු පන්දුවෙන් පැවැත්වෙන එක්දින සහ විස්සයි-20 තරග අංශ වල නායකයා ලෙස කුසල් පෙරේරාව නම් කිරීමට ප්‍රමෝද්‍ය වික්‍රමසිංහ මහතාගේ ප්‍රධානත්වයෙන් යුතු වත්මන් ක්‍රිකට් තේරීම් කමිටුව පියවර ගෙන තිබේ.

ලසිත් මාලිංගගෙන් පසු බටහිර ඉන්දීය කොදෙව් සංචාරය සඳහා විස්සයි-20 කණ්ඩායමේ නායකයා ලෙස දසුන් ශානකව නම් කිරීමට තේරීම් වලදී පියවර ගැනුණද විදේශ ගමන් බලපත්‍රය පිළිබඳව පැන නැගුණු ගැටළුවක් හේතුවෙන් ඔහුට විස්සයි-20 තරගාවලියට සහභාගිවීම සඳහා කොදෙව් දූපත්වලට යෑමට නොහැකි විය. ඒ අනුව ඇන්ජලෝ මැතිව්ස් එම තරග 3 නායකයා ලෙසින් කටයුතු කරන ලදී.

බංග්ලාදේශ තරග සංචාරයට සහභාගිවුණු ක්‍රීඩකයින් 17 දෙනාට අමතරව එක් කර ඇති අනෙක් ක්‍රීඩකයින් 7 දෙනා අතර ඉකුත් බංග්ලාදේශයට එරෙහිව පැවැති දෙවැනි ටෙස්ට් තරගයේදී කැපී පෙනෙන පන්දු යැවීමක නිරත වුණු දඟ පන්දු යවන ප්‍රවීන් ජයවික්‍රමද ඇතුළත්ව සිටියි. ජයවික්‍රම සිය මංගල ටෙස්ට් තරගයේදීම කඩුලු 11 ක් දවා ගනිමින් ශ්‍රී ලංකා කණ්ඩායම ජයග්‍රහණය කරා රැගෙන යෑමට සමත්වූවේය.

ඔහුට අමතරව ආරම්භක පිතිකරුවන් වන අවිෂ්ක ප්‍රනාන්දු, ඕෂධ ප්‍රනාන්දු  සහ නුවන් ප්‍රදීප්ට අමතරව තවමත් ජාත්‍යන්තර තරග අත්දැකීම් රහිත චරිත් අසලංක, ඉෂාන් ජයරත්න සහ ධනංජය ලක්ෂාන් මෙන්ම බංග්ලාදේශ තරග සංචාරයේදී කොවිඩ් වෛරසය ආසාධනය වුණු ශිරාන් ප්‍රනාන්නුද ඇතුළත්ව සිටිති.  

බංග්ලාදේශ තරග සංචාරය සඳහා ඇතුළත් නොවුණු ඇන්ජලෝ මැතිව්ස්ගේ බිරිඳට තෙවැනි දරුවා ලැබීමට නියමිත බැවින් පිතෘ නිවාඩු මත මෙම තරගාවලියේ තේරීම් වලින් මැතිව්ස් ඉවත් විය. ශ්‍රී ලංකා කණ්ඩායමේ පළමු තරගය ලබන 23 වැනිදා කාඩිෆ්හි ආරම්භ වන අතර ඊට පෙර ඔවුන්ට සති 2 ක කාලයක් එංගලන්තයේදී පුහුණුවීම් කිරීම සඳහා අවස්ථාව උදාවී තිබේ.

ශ්‍රී ලංකා කණ්ඩායම – කුසල් පෙරේරා (නායක), කුසල් මෙන්ඩිස්, ධනුෂ්ක ගුණතිලක, අවිෂ්ක ප්‍රනාන්දු, පැතුම් නිස්සංක, නිරෝෂන් දික්වැල්ල, ධනංජය ද සිල්වා, ඕෂද ප්‍රනාන්දු, චරිත් අසලංක, දසුන් ශානක, වනිඳු හසරංග, රමේෂ් මෙන්ඩිස්, චාමික කරුණාරත්න, ධනංජය ලක්ෂාන්, ඉෂාන් ජයරත්න, දුෂ්මන්ත චමීර, ඉසුරු උදාන, අසිත ප්‍රනාන්දු, නුවන් ප්‍රදීප්, බිනුර ප්‍රනාන්දුර, ශිරාන් ප්‍රනාන්දු, ලක්ෂාන් සඳකැන්, අකිල ධනංජය, ප්‍රවීන් ජයවික්‍රම.  

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo