slc
Home   |    News
අගෝස්තු 22, 2021
කාසියේ වාසිය දිනූ බ්ලූස් පන්දු යවයි – පොඩි මාලිංගට අවස්ථාවක්

sinhala editor

මෙම 24 වැනිදා පැවැත්වෙන අවසන් මහ තරගයට සුදුසුකම් ලබා ගැනීම සඳහා බ්ලූස් කණ්ඩායමට තීරණාත්මක ග්‍රේස්ට එරෙහි තරගයේදී කාසියේ වාසිය දිනාගත් බ්ලූස් නායක ධනංජය ද සිල්වා ප්‍රථමයෙන් පන්දු යැවීමට තීරණය කළේය.

ලීග් තරග වටයේ අවසන් තරග දිනය වන මෙම 11 වැනි තරගයේදී බ්ලූස් පිල වමත් වේග පන්දු යවන ඩිල්ෂාන් මදුශංක වෙනුවට ශිරාන් ප්‍රනාන්දුව කැඳවමින් අවතීර්ණව සිටිති. මේ වන විටත් අවසන් මහ තරග වරම උදාකර ගැනීමට ග්‍රේස් පිල සමත්ව සිටීම නිසා අද තරගයේදී මෙතෙක් ක්‍රීඩා කිරීමට අවස්ථාව නොලද ක්‍රීඩකයන් දෙදෙනකු වන හිමාෂ ලියනගේ සහ මතීෂ පතිරණ කැඳවමින් තරගයට අවතීර්ණ ව සිටියි. පෙර තරගයට ක්‍රීඩා කරන ලද නුවන් ප්‍රදීප් සහ අෂේන් ඩැනියෙල් ඔවුන් වෙනුවෙන් කණ්ඩායමෙන් විවේක ගන්වන ලද පන්දු යවන්නෝ බවට පත්ව සිටිති.

මතීෂ පතිරණ යනු ලසිත් මාලිංගගේ පන්දු යැවීමේ ඉරියව්වට සමාන ඉරියව්වකින් පන්දු යවන ක්‍රීඩකයකු වේ. ඔහු අවසන් වරට පැවැති වයස අවුරුදු 19 න් පහළ ලෝක කුසලාන ක්‍රිකට් තරගාවලියට ක්‍රීඩා කරමින් වැඩි අවධානයක් දිනා ගැනීමට සමත්ව සිටින පන්දු යවන්නෙකි.

බ්ලූස් පිල -සධීර සමරවික්‍රම, නිශාන් මදුශ්ක, ධනංජය ද සිල්වා, අෂේන් බණ්ඩාර, සහන් ආරච්චිගේ, ධනංජය ලක්ෂාන්, ප්‍රවීන් ජයවික්‍රම, ශිරාන් ප්‍රනාන්දු, ළහිරු සමරකෝන්, කලන පෙරේරා, මහීෂ් තීක්ෂණ.

ග්‍රේස් XI – මිනෝද් භානුක, කමිල් මිශාර, ලසිත් කෲස්පුල්ලේ, දසුන් ශානක, චතුරංග ද සිල්වා, පුලින තරංග, චරිත් අසලංක, නුවනිඳු ප්‍රනාන්දු, හිමාෂ ලියනගේ, චාමික ගුණසේකර, මතීෂ පතිරණ.

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest