වර්ෂාව හේතුවෙන් ආරම්භය පමා කෙරුණු දෙවැනි එක්දින තරගය යළිත් පැය එකහමාරක ප්‍රමාදයකින් හෙවත් ප.ව. 4.00 ට ආරම්භ කිරීමට විනිසුරුවන් තීරණය කර තිබේ. ඒ අනුව කාසියේ වාසය උරගා බැලීම ප.ව. 3.30 ට සිදුවන අතර තරගය පන්දුවාර 47 ක තරගයක් ලෙසින් පැවැත්වෙනු ඇත.

ඒ අනුව පන්දු යැවීමේදී පන්දු යවන්නන් දෙදෙනකුට පමණක් උපරිම පන්දුවාර සංඛ්‍යාවන පන්දුවාර 10 යැවීමේ හැකියාව පවතින අතර අනෙක් තිදෙනාට පන්දුවාර 9 බැගින් යැවීමේ අවස්ථාව උදාවී තිබේ. මේ වන විට ක්‍රීඩාංගණය වසා තිබුණු වැසි ආවරණ්‍ය සියල්ලම ඉවත් කිරීමට කටයුතු යොදා තිබෙන අතර දෙපිළේම ක්‍රීඩකයින් සිය ඇඟ උණුසුම් කිරීමේ ව්‍යායාම වල නිරතව සිටින අයුරු දැක ගන්නට තිබේ.