slc
logo
Home   |    News
දෙසැම්බර් 3, 2021
යෞවනයෝත් දැවැන්ත ජයක් ලබති

sinhala editor

පවන් පතිරාජගේ ඉවසිලිවන්ත ශතකයත් වනුජ සහන්ගේ දඟ පන්දුවත් හේතුවෙන් එංගලන්ත අවුරුදු 19 න් පහළ පිලට එරෙහිව අද (03 දා) කොළඹ එස්.එස්.සී. ක්‍රීඩාංගණයේ පැවැති දෙවැනි යොවුන් එක්දින තරගයෙන් ලකුණු 148 ක දැවැන්ත ජයක් වාර්තා කිරීමට දුනිත් වෙල්ලාලගේගේ නායකත්වයෙන් යුතු ශ්‍රී ලංකා වයස අවුරුදු 19 න් පහළ කණ්ඩායම සමත්විය. එම ජයග්‍රහණයත් සමඟ තරග 5 කින් සමන්විත දෙරට අතර එක්දින තරගාවලිය 1-1 ක් ලෙස සම තැන් ගැනීමටද ශ්‍රී ලංකා ක්‍රීඩකයෝ සමත්වූහ.

ලකුණු 252 ක ඉලක්කයක් හඹා යෑමේදී එංගලන්ත යොවුන් කණ්ඩායමේ පළමු කඩුලු 8 ම ලකුණු 50 කදී දවා ගැනීමට වනුජ සහන් ප්‍රමුඛ ශ්‍රී ලංකා පන්දු යවන්නෝ සමත්වූහ. මැද පෙළින් පැමිණි ජේම්ස් රූ අවසන් පිතිකරුවන් දෙදෙනා සමඟ එක් කරන ලද ලකුණු 53 ක සම්බන්ධතාව හේතුවෙන් ලකුණු 100 කට වඩා අඩුවෙන් දැවී යෑමට තිබූ අවධානමෙන් කණ්ඩායම මුදවා ගත්හ. රූ පන්දු 57 කදී හතරේ පහර 8 ක් සමඟ ලකුණු 50 ක් ලබා ගත්තේය.

සංචාරක පිල අඩු ලකුණු සංඛ්‍යාවකට සීමා කිරීමේදී පෙරමුණ ගත් වනුජ සහන් පන්දුවාර 10 ලකුණු 21 ක් ඇතුළත නිම කොට කඩුලු 5 ක් දවා ගත්තේය. ඔහුට අමතරව යසිරු රොඳ්‍රගෝ සහ මතීෂ පතිරණ කඩුලු 2 බැගින් දවා ගත්හ. එංගලන්ත ඉනිමේ පිතිකරුවන් 7 දෙනෙකුම ලකුණු 10 සීමාව ඉක්මවා ලබා නොගැනීම කැපී පෙනුණි.

කාසියේ වාසියත් සමග පළමුව පිති ප්‍රහාරයත් දියත් කළ ශ්‍රී ලංකා යොවුන් කණ්ඩායම නියමිත පන්දුවාර 50 අවසනදී කඩුලු 4 කට ලකුණු 251 ක් ලබා ගත්තේය. ශ්‍රී ලංකා ඉනිමේ කොඳු නාරටිය බවට පත්වූ පවන් පතිරාජ පන්දු 131 කදී හතරේ පහර 13 ක් සමඟ ලකුණු 113 ක් ලබා ගනිමින් පිත්තෙන් කැපී පෙනිණ.

ඉනිමේ කැපී පෙනෙන සම්බන්ධතාව වූයේ පතිරාජ සහ රනුද සෝමරත්න (නොදැවී 58) සමඟ පන්දු 128 කදී එක් කරන ලද ලකුණු 105 විය. පිට පිටම දෙවැනි අර්ධ ශතකය බවට පත්වූ සෝමරත්නගේ ඉනිම පන්දු 79 කදී සටහන් විය. හයේ පහරක් සහ හතරේ පහර 2 ක් පමණක් ඇතුළත් විය. ඉනිමේ අවසන් භාගයේදී පන්දුවට පහර දීමට පැමිණි නායක වෙල්ලාලගේ පන්දු 22 කට මුහුණ දෙමින් හයේ පහර 2 ක් සහ හතරේ පහර 3 ක් සමඟින් නොදැවී ලකුණු 38 ක් රැස් කොට ශ්‍රී ලංකා ඉනිමේ ලකුණු සංඛ්‍යාව ඉහළ දැමීය.

ලකුණු සාරාංශය

ශ්‍රී ලංකා යොවුන් පිල පන්දුවාර 50 කදී කඩුලු 4 කට ලකුණු 251 යි – (ෂෙවෝන් ඩැනියෙල් 18, පවන් පතිරාජ 113, රනුද සෝමරත්න 58, දුනිත් වෙල්ලාලගේ 38*, ජොෂුවා බොයිඩ්න් 42/2, රෙහාන් අහමඩ් 41/2)

එංගලන්ත යොවුන් පිල පන්දුවාර 31.4 කදී ලකුණු 103 යි – (විලියම් ලූක්ස්ටන් 12, ජේම්ස් රූ 50, වනුජ සහන් 21/5, යසිරු රුද්‍රගෝ 18/2, මතීෂ පතිරණ 20/2)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar