slc
logo
Home   |    News
ජනවාරි 13, 2022
දෙවැනි පුහුණු තරගයත් යොවුන් පිල ඉහළින් දිනයි

sinhala editor

යොවුන් ලෝක කුසලාන තරගාවලියට පෙර ශ්‍රී ලංකාවට හිමි උගන්ඩාවට එරෙහි දෙවැනි පුහුණු තරගයද ලකුණු 231 කින් ජය ගැනීමට ශ්‍රී ලංකා යොවුන් ක්‍රීඩකයෝ අද (13 දා) අලුයම සමත්වූහ. ගයානාහි ප්‍රොවිඩන්ස් ක්‍රීඩාංගණයේ පැවැති මෙම තරගයේදී කාසියේ වාසිය දිනා පළමුව පන්දුවට පහර දුන් ශ්‍රී ලංකා පිල කඩුලු 8 ක් දැවී ලකුණු 277 ක් රැස් කරන ලදුව පිළිතුරු ඉනිම ක්‍රීඩා කිරීමේදී උගන්ඩා පිල ලකුණු 46 කට සීමා කිරීමට සමත්වීම කැපී පෙනෙයි.

ලකුණු 278 ක ඉලක්කයක් හඹා යෑම සඳහා පිටියට පිවිසි උඩගන්ඩා කණ්ඩායමට මුල සිටම දැඩි අභීයෝගයක් එල්ල කළ ශ්‍රී ලංකා පන්දු යවන්නන් අතරින් කැපී පෙනුණු නායක දුනිත් වෙල්ලාලගේ පන්දුවාර 3 ක් යවමින් එකම ලකුණක් හෝ ලබා නොදී කඩුලු 4 ක් දවා ගැනීමට සමත්වීම කැපී පෙනුණි. ඔහුට අමතරව වේග පන්දු යවන යසිරු රොද්‍රගෝ සහ චමිඳු වික්‍රමසිංහ කඩුලු 2 බැගින් දවාලූහ.

පන්දු යැවීමේදී උගන්ඩා පිලේ බ්‍රයන් අසාබා ලකුණු 13 ක් රැස් කිරීම හැරුණු කොට සෙසු එකම පිතිකරුවකට සාර්ථක වීමට ශ්‍රී ලංකා පන්දු යවන්නෝ අවස්ථාව ලබා නොදුන්හ.

ශ්‍රී ලංකා පළමු කඩුල්ල ලෙසින් චමිඳු වික්‍රමසිංහව ලකුණු ලබා ගැනීමට පෙරම දවා ගැනීමට ප්‍රතිවාදීන් සමත් වුවත්, දෙවැනි කඩුල්ලට එක් වූ ෂෙවෝන් ඩැනියල් සහ සදීෂ රාජපක්ෂ ලකුණු 96 ක සම්බන්ධතාවක් පවත්වමින් ශක්තිමත් අඩිතාලමක් එලූහ.

පන්දු 90 කට මුහුණ දුන් සදීෂ හතරේ පහර 9 ක් සමඟ නොදැවී ලකුණු 75 ක් ලබා ඉනිම අත්හිටුවී පිටියෙන් ඉවත්විය. පිතිකරණ අනුපිළිවෙළේ වෙනසක් කරමින් අංක 4 පිතිකරුවා ලෙස පිටියට පිවිසි නායක වෙල්ලාලගේ පන්දු 19 කදී ලකුණු 16 ක් රැස් කර ගත්තේ හයේ පහර 2 ක් ද සමඟිනි. මුලු ලකුණු සංඛ්‍යාව 202 ක්ව තිබියදී පිටියට එක් වූ සකුන ලියනගේ සහ යසිරු රොද්‍රගෝ පිළිවෙළින් ලකුණු 23 සහ 32 බැගින් ලබා ශ්‍රී ලංකා ඉනිම පෝෂණය කළහ.

ලකුණු සාරාංශය

ශ්‍රී ලංකා යොවුන් පිල පන්දුවාර 50 කදී කඩුලු 8 ට ලකුණු 277 යි – (සදීෂ රාජපක්ෂ 75, ෂෙවෝන් ඩැනියල් 46, දුනිත් වෙල්ලාලගේ 16, පවන් පතිරාජ 21, රනුද සෝමරත්න 14, සකුන ලියනගේ 23, යසිරු රොද්‍රගෝ 32*, වනුජ සහන් 15*, පැස්කල් මරුන්ගි 63/2, ජෝසප් බගුමා 25/2)

උගන්ඩා පන්දුවාර 21.2 කදී සියලු දෙනා දැවී ලකුණු 46 යි – (බ්‍රයන් අසබා 13, දුනිත් වෙල්ලාලගේ 00/4, යසුරු රොද්‍රගෝ 06/2, චමිඳු වික්‍රමසිංහ 05/2, වනිජ සහන් 03/1, මල්ෂ තරුපති 00/1)

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

LKR Sri Lankan rupee