slc
logo
Home   |    News
ජනවාරි 24, 2022
බංග්ලාදේශය පැරදවූ ශ්‍රී ලංකාව පොදුරාජ්‍ය මණ්ඩල තරගාවලියට සුදුසුකම් ලබයි

sinhala editor

බංග්ලාදේශයට එරෙහිව පැවැති තීරණාත්මක තරගයෙන් ලකුණු 22 ක ජයක් වාර්තා කළ ශ්‍රී ලංකා කාන්තා කණඩායම එංගලන්තයේ බර්මිංහැම් නුවරදී පැවැත්වීමට නියමිත පොදු රාජ්‍ය මණ්ඩලයීය ක්‍රීඩා උළෙලේ විස්සයි-20 කාන්තා ක්‍රිකට් ඉසව්වට සුදුසුකම්  ලබා ගැනීමට අද (24 දා) පෙරවරුවේදී සමත්විය.

කණ්ඩායම් 5 කගේ සහභාගිත්වයෙන් පැවැති මෙම සුදුසුකම් ලබා ගැනීමේ තරගාවලියේදී වැඩිම ජයග්‍රහණ සංඛ්‍යාවක් වාර්තා කරගනු ලබන කණ්ඩායමට පොදුරාජ්‍ය මණ්ඩලයීය තරගාවලියට තරග කිරීමේ අවස්ථාව හිමිවනු ලබන බැවින් අද තරගයේ ජය දෙපිළම තීරණාත්මක විය. මූලික වටය යටතේ සහභාගි වුණු තරග 3 න් 3 ම ජයගනිමින් දෙපිළටම අද තරගයට අවතීර්ණ වූ නමුත් බංග්ලාදේශ ක්‍රීඩිකාවන්ට වඩා තුන් ඉරියව්වෙන්ම ශ්‍රී ලංකා පිල ඉදිරියෙන් සිටීම නිසා තරගාවලියේ එකම අපරාජිත කණ්ඩායම බවට පත්වෙන් පොදුරාජ්‍ය මණ්ඩලයීය තරගාවලියට තෝරා පත්වීමට ශ්‍රී ලංකා පිලට හැකියාව ලැබිණ.ො

තරගයේ පළමුව පන්දුවට පහර දුන් ශ්‍රී ලංකා පිල නියමිත පන්දුවාර 20 අවසනදී කඩුලු 6 කට ලකුණු 136 ක් ලබා ගත් අතර එය හඹා යෑමේදී බංග්ලාදේශ පිලට නියමිත පන්දුවාර 20 අවසනදී කඩුලු 5 ක් දැවී රැස් කරගත හැකි වූයේ ලකුණු 114 ක් පමනි.

ශ්‍රී ලංකාව වෙනුවෙන් තුන් ඉරියව්වෙන්ම කැපී පෙනුණු නායිකා චමරි අතපත්ති පිත්තෙන් ලකුණු 28 ක් සහ පන්දු යවමින් ලකුණු 17 කට කඩුලු 3 ක් දවා තීරණාත්මක ජයග්‍රහණයේ ප්‍රධාන දායකත්වය දක්වන ලද ක්‍රීඩිකාව බවට පත්වූවාය. ඇයගේ එම දක්ෂතාව නිසා මෙම තරගයේ දක්ෂතම ක්‍රීඩිකාව මෙන්ම තරගාවලියේ දක්ෂතම ක්‍රීඩිකාව ලෙසින්ද සම්මාන දිනාගත්තාය.

ශ්‍රී ලංකා කණ්ඩායමේ හොඳම සබඳතාවය වුයේ දෙවන කඩුල්ලට චමරි අතපත්තු සහ හෂිනි පෙරේරා පන්දු 29ක් තුළ රැස්කළ ලකුණු 47 යි. මේ තරගයේ වැඩිම ලකුණු  ලාභිනිය වූ චමරි පන්දු 28කදී ලකුණු 48 ලබා ගත්තේ හතරේ අටක් සහ හයේ පහර තුනක් සමගය. චමරි මේ තරගාවලියේ තරග තුනකදීම දක්ෂතම ක්‍රීඩිකාව ලෙස තේරීමද විශේෂත්වයකි.

ලකුණු අතර සිටි අනෙකුත් ශ්‍රී ලංකා  පිතිකාරිණියන් වුයේ නිලක්ෂි ද සිල්වා පන්දු 25 කදී ලකුණු 28 ක් අනුෂ්කා සංජීවනී පන්දු 16 කදී ලකුණු 20 ක් සහ උප නායිකා හර්ෂිතා මාධවීපන්දු 22 කදී ලකුණු 19 ක් ලබා ගත්හ.

එංගලන්තයේ පැවත්වෙන පොදුරාජ්‍ය මණ්ඩලයීය ක්‍රීඩා උලෙළේ කාන්තා ක්‍රිකට් තරගාවලියට මේ වන විට කණ්ඩායම් හතක් තෝරාගෙන ඇත්තේ පසුගිය අප්‍රේල් එක වන විට ජගත් ක්‍රිකට් සමුළුවේ කාන්තා ක්‍රිකට් ශ්‍රේණිගත කිරීමේදී ඉදිරියෙන්ම  සිටි කණ්ඩයම් හත ඇතුළත් කර ගනිමිනි.මේ තරගාවලියට අටවන කන්ඩායම ලෙස ශ්‍රී ලංකා අද (24) එක්විය. ජයග්‍රාහී ශ්‍රී ලංකා කණ්ඩායමේ ප්‍රධාන පුහුණුකරු ලෙසින් හෂාන් තිලකරත්න මහතා කටයුතු කරනු ඇත.

ලකුණු පුවරුව

ශ්‍රී ලංකාව පන්දුවාර 20කදී කඩුලු හයට 136 යි – (චමරී අතපත්තු 48,නිලුක්ෂි ද සිල්වා 28,අනුෂ්කා සංජීවනී 20, හර්ෂිතා මාධවී 19,  නහිඩ් අක්ටේර් 34/2, සුර්යා අසමින් 12/1)

බංග්ලාදේශය පන්දුවාර 20දී කඩුලු 5ට 114 යි- (මුර්ෂිඩා කොටුන් 36 ,ෆගුනා හොක් 33, චමරි අතපත්තු 17/3, අමා කාංචනා 13/1)

(බන්දුල මොල්ලිගොඩ)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee