slc
logo
Home   |    News
ජනවාරි 28, 2022
යොවුන් පිලේ කුසලාන සිහිනය බොඳවේ

sinhala editor

බටහිර ඉන්දීය කොදෙව් දූපත්හි පැවැත්වෙන අවුරුදු 19න් පහළ ලෝක කුසලාන ක්‍රිකට් තරගාවලියේ අර්ධ අවසන් පූර්ව තරගයේදී තියුණු තරගයකින් පසුව ශ්‍රී ලංකාව ලකුණු හතරකින් ඇෆ්ගනිස්තානය හමුවේ පරාජයට පත්විය. බ්‍රහස්පතින්දා (27) පැවැති මේ තරගයේදී ඇෆ්ගනිස්තාන කණ්ඩායම පන්දුවාර 47.1කදී ලකුණු 134කට සීමා කළත් කඩුලු අතර දිව යෑමේදී සිදුවූ අතපසුවීම් හේතුවෙන් පන්දුවාර 46ක් අවසානයේ සියලු ශ්‍රී ලංකා පිතිකරුවන් දැවී ලබාගත හැකිවූයේ ලකුණු 130ක් පමණි.

ශ්‍රී ලංකා යොවුන් කණ්ඩායම ලකුණු 135ක පහසු ජයග්‍රහණ ඉලක්කයක් හඹායාමට ක්‍රීඩාංගණයට පිවිසි අවස්ථාවේ පන්දුවාර 17.1ක් නිමවන විට ලකුණු 43කට කඩුලු 7ක් දැවී දැඩි අසීරුතාවයකට පත්ව සිටියේය. එහෙත් අටවැනි කඩුල්ලට නායක දුනිත් වෙල්ලා‍ලගේ සමඟ එක්වූ උපනායක රවීන් ද සිල්වා ලකුණු 69ක සබඳතාවයක් පවත්වමින් ශ්‍රී ලංකාවේ ලකුණු සංඛ්‍යාව 112 දක්වා ඉහළ දැමීමට සමත්වූහ. එම සම්බන්ධතාව ප්‍රධාන කොට ශ්‍රී ලංකා කණ්ඩායමට ජයග්‍රහණයේ බලාපොරොත්තු තබා ගැනීමට අවස්ථාව උදාවූ නමුත් අනපේක්ෂිත ලෙස ශ්‍රී ලංකා නායකයා, වෙල්ලාලගේ දැවී යෑමත් සමඟ හඹා යෑම යළිත් අවධානමකට ලක්විය.

ශ්‍රී ලංකා කණ්ඩායම ජයග්‍රහණය කරා ගෙන යාමට ප්‍රබල වෑයමක නිරතවූ වෙල්ලාලගේ පන්දු 61කදී හතරේ පහර තුනක් සමඟ අගනා ලකුණු 34ක්ද ඔහුට නොමද සහයක් දුන් උපනායක රවීන් ද සිල්වා පන්දු 84කදී හතරේ පහර දෙකක් සමඟ ලකුණු 21ක්ද රැස්කළහ.

අවන් කඩුල්ලට සඳහා විනුජ රන්පුල්ට එක්වූ ට්‍රෙවීන් මැතිව් ශ්‍රී ලංකා ලකුණු පුවරුව තවත් ලකුණු 14 කින් ඉනිම පෝෂණය කරමින් ජයග්‍රහණයට ලකුණු 5ක් දක්වා අවසානයට රැගෙන ඒමට සමත් වුවත් අපරික්ෂාකාරී දුවද්දී දැවී යෑමකට ට්‍රෙවීන් මැතිව් හසුවීමත් සමඟ ශ්‍රී ලංකා ඉනිම ලකුණු 130 කදීද යොවුන් පිලේ ලෝක කුසලාන සිහිනයද බොඳ විය. මෙම දුවද්දී දැවී යෑමට අමතරව ඉනිමේ තවත් දුවද්දී දැවී යෑම් 4 ක් සටහන්වීම ශ්‍රී ලංකා පරාජයේ ප්‍රධාන හේතූන් බවට පත්විය. මැතිව් දැවී යන විට අනෙක් අන්තයේ රැඳී සිටි විනුජ රන්පුල් පන්දු 14 කදී ලකුණු 11ක් ලබා සිටියේය.

ශ්‍රී ලංකා නායක වෙල්ලාලගේ මේ තරගයේදී ද කඩුලු තුනක් දවාලු අතර මේ තරගාවලියේ තරග හතරකදී ඔහු දවාලූ කඩුලු ප්‍රමාණය 16කි. ඇෆ්ගනිස්තානය සමඟ දක්ෂ පන්දු යැවීමක නිරතවූ දකුණත් වේග පන්දු යවන විනුජ රන්පුල් ලකුණු දයහකට කඩුලු පහක්ම දවාලීය.

ශ්‍රී ලංකාව කාසියේ වාසිය දිනා ඇන්ටිගුවා දූපතේ කුලීජ්  ක්‍රීඩාංගණයේ මුලින් පන්දුවට පහරදීම ඇෆ්ගනිස්තානයට පැවරීමෙන් පසුව ඇෆ්ගනිස්තාන පිතිකරුවන් ඉනිමේ කිසිදු අවස්ථාවක පන්දු වාරයකට ලකුණු තුනක සීමාව කරාවත් පැමිණීමට අපොහොසක්විණි.

විනුජ් රන්පුල්ගේ සහ ‍ට්‍රෙවීන් මැතිව්ගේ අති දක්ෂවූ පන්දුයැවීම මත ඇෆ්ගනිස්තානය පන්දුවාර 25ක් අවසාන වනවිට කඩුලු හතරක්ම දැවී ලබා සිටියේ ලකුණු 55කි. රන්පුල්ගෙ පන්දුවාර 9.1දී ලකුණු දහයකට පිතිකරුවන් පස්දෙනෙකුම දැවීයාමත් ඉනිම මුල් භාගයේදී මැතිව්ගේ පන්දුවාර දහයෙන් පිතිකරුවකු දැවී ලකුණු 13ක් පමණක් රැස්කිරීමත් මත ශ්‍රී ලංකා කණ්ඩායමට ඇෆ්ගනිස්තානයට ප්‍රමාණවත් ලකුණු සංඛ්‍යාවක් කරා යාමට ඉඩනොදීමේ අවස්ථාව උදාවිණි.

නායක වෙල්ලාලගේ මේ තරගාවලියේ පන්දු යැවීමේ සුපුරුදු දක්ෂතාවයන් තීව්‍ර කළේ මැදපෙළ පිතිකරුවන් තිදෙනෙකු දවාලමිනි. පිතිකරණයේදී ඇෆ්ගනිස්තානයට යන්තමින් හෝ දස්කමක් පෙන්වීමට අවස්ථාව උදාවූයේ ඉනිමේ අවසාන පන්දුවාර හතේදී රැස්කරගත් ලකුණු 46මතය.

ඇෆ්ගනිස්තාන ඉනිමේ සාර්ථකම පිතිකරුවා වූ නූර් අහ්මඩ් පන්දු 33කදී ලකුණු 30ක් රැස්කළේ හයේ පහර හතරක් එල්ල කරමිනි. වැඩිම ලකුණු ලාභියා වූ අබ්දුල් හාඩි පන්දු 97කට මුහුණදී ලබාගත් ලකුණු 37ට හතරේ තුනක් සහ හයේ පහරක්ද ඇතුළත්විය. ලකුණු රැස්කිරීමේදී සාර්ථකවූ අනෙක් පිතිකරුවා වූ අල්ලා නූර් ලකුණු 25ක් ලබාගත්තේ පන්දු 58කදී හතරේ පහරක් සමඟය. ඉනිමේ ලකුණු රැස්කිරීමේ පන්දුවාරයක සාමාන්‍ය වේගය 2.84ක් පමණකි.

ලකුණු සාරාංශය

ඇෆ්ගනිස්තානය පන්දුවාර 47.1කදී සියල්ල දැවී 134යි – (අබ්දුල් හාඩි 37, නූර් අහ්මඩ් 30, අල්ලා නූර් 25, විනුජ රන්පුල් 10/5, දුනිත් වෙල්ලාලගේ 36/3, ට්‍රොවීන් මැතිව් 13/1)

ශ්‍රී ලංකාව පන්දුවාර 46කදී සියල්ල දැවී 130යි – ( දුනිත් වෙල්ලාලගේ 34, රවීන් ද සිල්වා 21, චමිඳු වික්‍රමසිංහ 16, විනුජ රන්පුල් 11, බිලාල් සාමි 33/2)

  • බන්දුල මොල්ලිගොඩ

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar