slc
logo
Home   |    News
පෙබරවාරි 6, 2022
දිවි ගමනට සමුදුන් හිටපු සභාපති මලලසේකරයන්ට ශ්‍රී ලංකා ක්‍රිකට් සංවේගය

sinhala editor

ශ්‍රී ලංකා ක්‍රිකට් ආයතනයේ හිටපු සභාපතිවරයකු වන විජය මලලසේකර මහතාගේ අභාවය පිළිබඳව ශ්‍රී ලංකා ක්‍රිකට් ආයතන දැඩි සංවේගය පළ කර සිටියි. ක්‍රිකට් සභාපතිවරයාට අමතරව, ක්‍රීඩකයකු, පරිපාලකයකු, නීතීඥයකු සහ ඉහළ පෙළේ ආයතනික විධායකයකු වූ මලලසේකර මහතා කලක් තිස්සේ අසනීප තත්ත්වයෙන් සිට ඉකුත් සිකුරාදා දින අභාවප්‍රාප්ත වන විට 77 වැනි වියේ පසුවිය.

කොළඹ රාජකීය විදුහලින් මූලික අධ්‍යාපනය හැදෑරූ ඒ මහතා පසුව කේම්බ්‍රිජ් විශ්වවිද්‍යාලයේ අධ්‍යාපනය හැදෑරීමට අමතරව එම ක්‍රිකට් කණ්ඩායමේද සාමාජිකයෙකු ලෙස කටයුතු කළ අයෙකි. 1967 වසරේදී කේම්බ්‍රිජ් විශ්වවිද්‍යාල කණ්ඩායම වෙනුවෙන් ආරම්භක පිතිකරුවා ලෙස මලලසේකර මහතා කටයුතු කළේය. කේම්බ්‍රිජ් විශ්වවිද්‍යාල කණ්ඩායම වෙනුවෙන් ආරම්භක පිතිකරුවකු ලෙස කටයුතු කරන ලද පළමු ආසියාතිකයා බවට පත්වූ මලලසේකර මහතා එමවිශ්වවිද්‍යාල කණ්ඩායම නියෝජනය කරමින් පළමු පෙළ ක්‍රිකට් තරග 27 කට සහභාගිවූවේය.

සිය උපාධිය ලබා ගැනීමෙන් පසු ශ්‍රී ලංකාවට පැමිණි මලලසේකර මහතා එන්.සී.සී. කණ්ඩායම යටතේ සරා කුසලාන තරගාවලි කීපයක් වෙනුවෙන් සිය දායකත්වය ලබා දුන්නේය. ඉන් අනතුරුව ඩේලි නිවුස් කුසලාන තරගාවලියේදී කොළඹ සී. සී. සී. කණ්ඩායමට ක්‍රීඩා කළ ඒ මහතා හිටපු ජනාධිපතිනී චන්ද්‍රිකා බණ්ඩාරනායක මහත්මිය විසින් ශ්‍රී ලංකා ක්‍රිකට් ආයතන අතුරු කමිටු සභාපතිවරයා ලෙස පත් කරන ලදී. මයිකල් තිසේරා, සිදත් වෙත්තමුණි සහ කුෂිල් ගුණසේකර යන මහත්වරුන් එම කමිටුවේ සෙසු සාමාජිකයෝ වූහ.

සනත් ජයසූරියගේ නායකත්වයෙන් යුතු ශ්‍රී ලංකා ක්‍රිකට් කණ්ඩායම අඛණ්ඩව ටෙස්ට් තරග 10 ක් ජය ගනු ලැබුවේද මලලසේකර මහතා සභාපතිවරයා  ලෙස කටයුතු කරන ලද කාලසීමාවේදීය. එය මෙරට ටෙස්ට් ක්‍රිකට් ඉතිහාසයේ පිට පිටම වැඩිම ටෙස්ට් තරග සංඛ්‍යාවක් ජයග්‍රහණය කරන ලද වකවානුව ලෙසින්ද සටහන් වේ.

ශ්‍රී ලංකා ක්‍රිකට් ආයතනයේ අතුරු කමිටු සභාපතිවරයකු ලෙස කටයුතු කළ ඒ මහතා ක්‍රීඩාවේ ප්‍රගමනය වෙනුවේ ලබා දුන් දායකත්වය, ශ්‍රී ලංකා ක්‍රිකට් ආයතනය මේ මොහොතේ සිහිපත් කර සිටියි.

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo