slc
logo
Home   |    News
පෙබරවාරි 5, 2022
පසුපෙළ පිතිකරුවෝ ගෝල් පිලට ජය ගෙනෙති

sinhala editor

කවිෂ්ක අංජුලගේ තුන් ඉරියව් දක්ෂතාවයත් පන්දු යවන්නන්ගේ දක්ෂතාවයත් හේතුවෙන් නැෂනල් සුපර් ලීග් ක්‍රිකට් තරගාවලිය යටතේ කලම්බු කණ්ඩායමට එරෙහිව රංගිරි දඹුලු අන්තර්ජාතික ක්‍රීඩාංගණයේ පැවැති තරගයෙන් ලකුණු 44 ක ජයක් වාර්තා කර ගැනීමට ගෝල් කණ්ඩායම සමත්විය.

ජයග්‍රහණය සදහා ලකුණු 226 ක ඉලක්කයක් කරා යෑමේදී ගෝල් පන්දු යවන්නන්ගේ දක්ෂ පන්දු යැවීම හේතුවෙන් කොළඹට පිලට පන්දුවාර 45.5 කදී රැස් කර ගත හැකි වූයේ ලකුණු 181 ක් පමණි.

තිස්වැනි පන්දුවාරය වනවිට ගෝල් පිලේ පිතිකරුවන් අටදෙනෙකුම ලකුණු 103කට දවාලමින් තරගය ඉක්මණින් නිම කරන තත්ත්වයක් පෙන්නුම් කළත් අවසන් පිතිකරුවන් තිදෙනා එක්ව පිතිකරුවන්ගේ කාර්යයද ඉටුකර ලකුණු 225 දක්වා ලකුණු රැස්කරමින් පසුව පන්දු යැවීමේදී විශිෂ්ට දක්ෂතා දැක්වීමට සමත්වීම ගෝල් ජයග්‍රහණයේ රහස බවට පත්විය.

නොදැවී ලකුණු 27ක් රැස්කළ ගෝල් අවසාන (අංක 11 පිතිකරු) චලන ද සිල්වා පසුව ලකුණු 27කට කඩුලු තුනක් දවා තම කණ්ඩායමේ ජයග්‍රහණය වෙනුවෙන් තුන් ඉරියව්වේම දක්ෂතා පෙන්වීය.

ගෝල් කණ්ඩායම කාසියේ වාසිය දිනා පළමුව පන්දුවට පහරදීමට තීරණය කළද ඉනිමේ පන්දුවාර 29.2ක් වනවිට ලකුණු 103කට පිතිකරුවන් අටදෙනෙකුම දැවී කණ්ඩායම පත්වූයේ අසීරු තත්ත්වයකටය.

කණ්ඩායමේ අංක 09 පිතිකරු කවිශ්ක අංජුල (75) අංක 10 පිතිකරු අකිල ධනංජය (22) සහ අංක 11 සහ අවසාන පිතිකරු චලන ද සිල්වා (නොදැවී 27) අවසාන කඩුලු දෙක වෙනුවෙන් ලකුණු 122ක් රැස්කිරීමෙන් ගෝල් කණ්ඩායමට ලකුණු 225ක් වැනි සංඛ්‍යාවක් කරා යාමට අවස්ථාව උදාවිණි. පන්දු යවන්නන් ලෙස කණ්ඩායම නියෝජනය කරමින් පිතිකරුවන්ගේ කාර්යය මොවුන් ඉටුකළේ දක්ෂ අයුරිනි.

ගෝල් නවවන කඩුල්ලට කවිශ්ක අංජුල සහ අකිල ධනංජය පන්දු 54කදී ලකුණු 58ක්ද දසවන සහ අවසාන කඩුල්ලට කවිශ්ක අංජුල සහ චලන ද සිල්වා පන්දු 65කදී ලකුණු 64ක්ද ලබාගත්තේ ප්‍රවීණ පිතිකරුවන් විලසිනි. මොවුනගේ දක්ෂතාව මත කණ්ඩායමේ ලකුණු රැස්කිරීමේ වේගය පන්දුවාරයකට 4.57ක් බවටද පත්විණි. මොවුන් තිදෙනා කණ්ඩායමේ වැඩිම ලකුණු ලාභීන්ද විණි.

කවිශ්ක අංජුල පන්දු 73කදී හතරේ නවයක් හයේ පහරක් සමඟ ලකුණු 75ක්ද, චලන ද සිල්වා පන්දු 30කදී හතරේ දෙකක් හයේ පහරක් සමඟ නොදැවී ලකුණු 27ක්ද නායක අකිල ධනංජය පන්දු 26කදී හතරේ දෙකක් සමඟ ලකුණු 22ක්ද රැස්කළේ කණ්ඩායම සිටි තත්ත්වයෙන් ඔසවා තබමිනි.

ගෝල් පන්දුවාර 49.1කදී සියල්ල දැවී 225යි – (කවිශ්ක අංජුල 75, චලන ද සිල්වා නොදැවී 27, අකිල ධනංජය 22, ජෙහාන් ඩැනියල් 20, මොහොමඩ් ෂමාස් 20, කළණ පෙරේරා 46/2, හිමේෂ් රාමනායක 51/2, ළහිරු මධුශංඛ 18/2, තරිඳු රත්නායක 64/2)

කළම්බු පන්දුවාර 45.5කදී 181යි – (දිමුත් කරුණාරත්න 42, ළහිරු මධුශංඛ 43, නිපුන් ධනංජය 26, අෂේන් බණ්ඩාර 17, තරිදු රත්නායක 16, චලන ද සිල්වා 27/3, ප්‍රියමාල් පෙරේරා 9/2)

බන්දුල මොල්ලිගොඩ

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

LKR Sri Lankan rupee