slc
logo
Home   |    News
පෙබරවාරි 15, 2022
ශ්‍රී ලංකා පිලට දඩයක්

sinhala editor

ඔස්ට්‍රේලියවට එරෙහිව සිඩ්නිහිදී ඉරිදා (13 දා) පැවැති දෙවැනි විස්සයි-20 තරගයේදී  නියමිත කාලය තුළ නියමිත පන්දුවාර සංඛ්‍යාව යැවීමට අපොහොසත්වීම හේතුවෙන් ශ්‍රී ලංකා කණ්ඩායමේ සියලුම ක්‍රීඩකයින්ට තරග ගාස්තුවෙන් 20% ක මුදලක් දඩ වශයෙන් ගෙවීමට නියම කර තිබේ.

නියමිත පන්දුවාර 20 යවා අවසන් වීමට නියමිත කාලයට වඩා පන්දුවාරයක කාලයක් ඒ සදහා ගත කිරීම මත දසුන් ශානක ඇතුළු පිරිවරට එරෙහිව එම දඩ මුදල පැනවීමට එම තරගයේ තීරකවරයා ලෙසින් කටයුතු කරන ලද ඩේවිඩ් බූන් මහතා පියවර ගෙන තිබේ.

ක්‍රීඩකයින් සහ සහායක කාර්යය මණ්ඩලය සඳහා වන අන්තර්ජාතික ක්‍රිකට් කවුන්සිල චර්යා ධර්ම සංග්‍රහයේ 2.22 වගන්තියට අනුව, නියමිත කාලය ඇතුළත පන්දුයැවීමට අපොහොසත් වන සෑම ඕවරයකටම ඔවුන්ගේ තරග ගාස්තුවෙන් 20% ක මුදලක් දඩ වශයෙනි නියම කෙරේ.

මීට අමතරව තරගය අතරතුරදී අසභ්‍ය වචන භාවිතා කිරීම සම්බන්ධයෙන් ශ්‍රී ලංකා පිලේ ආරම්භක පිතිකරු පැතුම් නිස්සංකටද අවවාද කිරීමට තරග තීරකවරයා කටයුතු යොදා තිබේ. පන්දුවට පහර දෙමින් සිටින අතුතරුදී පන්දුවකට පහරක් එල්ල කිරීමට යෑමේදී එය පිත්තේ නොවැදුණු අවස්ථාවේදී නුසුදුසු වචනයක් පැතුම්ගේ මුවින් පිටවීම එම අවවාද කිරීම ලබාදීමට හේතුවී තිබේ. තවද ඔහුගේ පෞද්ගලික විනය ගිණුමට දඬුවම් ලකුණක්ද ලබාදීමට තරග තීරකවරයා පියවර ගෙන තිබේ.

මෙම තරගයේ විනිසුරුවරුන් ලෙසින් කටයුතු කළ ඩොනොවන් කෝච්, රොඩ් ටකර්, ශෝන් ක්‍රෙග් සහ ජෙරඩ් ඇබූඩ් යන මහත්වරුන් මෙම සිදුවීම සම්බන්ධයෙන් තරග තීරකවරයාට පැමිණිලි කර තිබේ. ඒ වෙනුවෙන් පැවැති පරීක්ෂණයේදී කණ්ඩායම් නායක දසුන් ශානක සහ පැතුම් නිස්සංක වරද පිළිගැනීම මත වැඩිදුර පරීක්ෂණයකින් තොරවම එම පරීක්ෂණය අහවර කිරීමට පියවර ගනු ලැබූ බව අන්තර්ජාතික ක්‍රිකට් කවුන්සිලය දැනුම් දී සිටියි.  

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar