slc
logo
Home   |    News
පෙබරවාරි 25, 2022
සිව්දින තරගාවලියේ මංගල ශතකය සමින්ද ප්‍රනාන්දුගෙන්

sinhala editor

එක්දින තරගාවලිය අවසන් වී දින 5 ක් ඉක්මවාලීමට මත්තෙන් ආරම්භ වුණු ශ්‍රී ලංකාවේ ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් ක්‍රිකට් තරගාවලියේ සිව්දින තරගාවලිය ආරම්භ කරමින් අද පැවැති තරග වලදී පිතිකරුවන් කැපී පෙනෙන දක්ෂතා දැක්වීමට සමත්විය.

ඒ අතරින් හම්බන්තොට මහින්ද රාජපක්ෂ ක්‍රීඩාංගණයේ පැවැති තරගයේදී ජැෆ්නා කණ්ඩායමේ සමින්ද ප්‍රනාන්දු මංගල ශතකයට හිමිකම් කියද්දී මහනුවර කණ්ඩායමේ ළහිරු උදාරත් ලසිත් කෲස්පුල්ලේත් ශතක පෙනී පෙනී දැවී ගියහ.

දිනයේ වැඩිම ලකුණු ලාභියා බවට පත්වූ ජැෆ්නා කණ්ඩායමේ සමින්ද ප්‍රනාන්දු පන්දු 241 කට මුහුණ දෙමින් ලකුණු 141 ක් ලබා ගත්තේය. අංක 3 ස්ථානයෙන් පන්දුවට පහර දීමට පැමිණි සමින්ද සිය ඉනිම හයේ පහරකින් සහ හතරේ පහර 16 කින් වර්ණවත් කර ගත්තේය. එම ඉනිම ප්‍රධාන කොට පළමු දිනට තරගය අවසන් වද්දී යාපනය ලකුණු පුවරුව කඩුලු 4 කට ලකුණු 311 ක් ලෙසින් සටහන්ව පැවැතිණ.

කලම්බු පිලට එරෙහිව පැවැති තරගයේදී නිශාන් මදුශංක පළමු කඩුල්ල ලෙසින් ලකුණු 20 කදී දැවී ගියද දෙවැනි කඩුල්ලට නවෝද් පරණවිතාන සමඟ එක්වූ සමින්ද ප්‍රනාන්දු ලකුණු 157 ක සම්බන්ධතාවක් පැවැත්වූහ. එහිදී පරණවිතානගේ දායකත්වය පන්දු 171 කදී ලකුණු 77 කිනි. පරණවිතානගේ දැවී යෑමෙන් පසු නායක සදීර සමරවික්‍රමට එක්වූ සමින්ද තවත් ලකුණු 115 ක සම්බන්ධතාවක් පවත්වමින් යාපනය ලකුණු සංඛ්‍යාව 300 ඔබ්බට රැගෙන ගියහ. ඉතාමත් වටිනා ඉනිමක් ක්‍රීඩා කළ නායක සදීර දිනය අවසන් වීමට පන්දුවාරක් ඉතිරිව තිබියදී ළහිරු මදුශකගේ පන්දුවක් හමුවේ ලකුණු 58 කට දැවී ගියේය. පන්දු යැවීමේදී ළහිරු මදුශංක සහ ප්‍රභාත් ජයසූරිය කඩුලු 2 බැගින් දවා ගෙන සිටිති.

හම්බන්තොට තරගය පරිද්දෙන්ම ගාල්ල තරගයද පිතිකරුවන්ගේ පාරාදීසයක් බඳු කරගත් කැන්ඩි පිතිකරුවෝ දිනය අවසන් වන විට කඩුලු 4 ට ලකුණු 373 ක් ලබා ගැනීමට සමත්වූහ. මෙහිදී සාර්ථක ආරම්භයක් ලබා දුන් ළහිරු උදාර සහ ලසිත් කෲස්පුල්ලේ පළමු කඩුල්ල වෙනුවෙන් ලකුණු 169 ක සම්බන්ධතාවක් ගොඩ නැංවූහ.  ඉතා හොඳින් පන්දුවට පහර දුන්නද මොවුන් දෙදෙනාම ශතක පෙනී පෙනී දැවී ගියහ.

පන්දු 126 කට මුහුණ දුන් ළහිරු උදාර හතරේ පහර 16 ක් සමඟ ලකුණු 92 ක් රැස් කරද්දී ලසිත් කෲස්පුල්ලේ පන්දු 107 කදී හයේ පහර 3 ක් සහ හතරේ පහර 10ක් සමඟින් ලකුණු 93 ක් ලබා ගත්තේය. නායකත්වයේ ඉනිමක් ක්‍රීඩා කරමින් සිටින නායක කමිඳු මෙන්ඩිස් හතරේ පහර 11 ක් ද සමඟින් පන්දු 138 කදී ලකුණු 90 ක් ලබා තරගයේ දෙවැනි දිනටත් පන්දුවට පහර දීමේ අවස්ථාව උදා කරගෙන සිටියි. දිනයේ අනෙක් එකම අර්ධ ශතක ලාභියා වූයේ කසුන් විධුර වන අතර ඔහු ලකුණු 58 ක් ලබා ගත්තේය.

කැන්ඩි පිල මට්ටු කිරීම සඳහා ගෝල් නායක ධනංජය ලක්ෂාන් පන්දු යවන්නන්ගේ 8 දෙනෙකුගේ සේවය ලබා ගත්තද ඒ අතරින් යම් තරමකට හෝ සාර්ථක වූයේ චානක රුවන්සිරි පමණි. ඔහු ලකුණු 75 කට කඩුලු 2 ක් දවා ගනිද්දී නිමේෂ් විමුක්ති සහ සංගීත් කුරේ කඩුල්ල බැගින් දවාගත්හ.

ලකුණු සටහන

හම්බන්තොට මහින්ද රාජපක්ෂ ක්‍රීඩාංගණයේදී

ජැෆ්නා පන්දුවාර 90 කදී කඩුලු 4 ට ලකුණු 311 යි – (සමින්ද ප්‍රනාන්දු 141, නවෝද් පරණවිතාන 77, නිශාන් මදුශ්ක 10, සදීර සමරවික්‍රම 58, ළහිරු මදුශංක 47/2, ප්‍රභාත් ජයසූරිය 89/2)

ගාල්ල අන්තර්ජාතික ක්‍රීඩාංගණයේදී

කැන්ඩි පන්දුවාර 89.5 කදී කඩුලු 4 ට ලකුණු 373 යි – (ලසිත් කෲස්පුල්ලේ 93, ළහිරු උදාර 92, කමිඳු මෙන්ඩිස් 90*, කසුන් විදුර 58, ඕෂද ප්‍රනාන්දු 35, චානක රුවන්සිරි 75/2, සංගීත් කුරේ 20/2, නිමේෂ් විමුක්ති 90/1)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee