නැෂනල් සුපර් ලීග් සිව්දින ක්‍රිකට් තරගාවලිය යටතේ රංගිරි දඹුලු ක්‍රීඩාංගණයේ අද (24 od) ආරම්භ වූ දඹුල්ල සහ ජැෆ්නා අතර තරගයට වර්ෂාව හරස්වීම නිසා තරගය නියමිත වේලාවට පෙර නිමා කිරීමට විනිසුරුවන්ට සිදුවිය. ඒ වන විට සිය පළමු ඉනිම ක්‍රීඩා කරමින් සිටින දඹුල්ල කණ්ඩායම කඩුලු දෙකකට ලකුණු 159 ක් ලබාගෙන සිටියේය.

තරගය නිමාවන විට නායක මිනොද් භානුක පන්දු 98කදී හතරේ පහක් සමග නොදැවී ලකුණු 52ක්ද ලසිත් අබේරත්න පන්දු 114කදී හතරේ පහක් සමඟ නොදැවී ලකුණු 60ක් ද ලබා සිටියහ. මොවුන් අතර තෙවන කඩුල්ලේ නොදැවුණු සබඳතාවය පන්දු 186 කදී ලකුණු 131 ක් විය.

මේ තරගයට සවස 2 පමණ සිට පැය දෙකක කාලයක් වර්ෂාව මත පන්දුවාර 40ක් පමණම අහිමි විය. ජැෆ්නා කාසියේ වාසිය දිනා තීරණය කළේ මුලින්  පන්දු රැකීමය. දඹුල්ල ආරම්භක පිතිකරුවන් දෙදෙනා නිමේෂ් ගුණසිංහ (17) සහ ලියෝ ෆ්‍රැන්සිස්කෝ (24) පළමු කඩුල්ලට එක්කළ ලකුණු ප්‍රමාණය 23කි. ප්‍රබල පන්දු යැවීමක නිරත  වූ ආරම්භක පන්දු යවන්නා නුවන් ප්‍රදීප් දැවීගිය  කඩුලු දෙකම දවාලූවේ ලකුණු 39ක් දිමෙනි.

ලකුණු විස්තරය

දඹුල්ල පන්දුවාර 50 කදී කඩුලු 2ට ලකුණු 159 යි – (ලසිත් අබේරත්න නොදැවී 60, මිනෝද් භානුක නොදැවී 42, නිමේෂ් ගුණසිංහ 17, ලියෝ ෆ්‍රැන්සිස්කෝ 24, නුවන් ප්‍රදීප් 39/2යි)